Sunday, 26 December 2010

戀盒情意結

Boxing Day,寫什麼好? Hmm…試試來一個自創的 “Box Complex” 戀盒情意結

對於喜愛的東西,S許多時對他們的包裝盒子更為寵愛有加,只是,香港吋金呎土,住人也差點不夠地方,每隔一段時間,總得“騰出空間,迎接新寵兒”。心血來潮,趁着 Boxing Day,來替這幾年 review 一吓

iriver 2GB MP3,這是S從 walkman 開始到 MP3/手機等第 n 個“隨身聽”,那時侯的手機,縱使有 MP3 功能,電池大多不夠力,要隨身聽的話,MP3 不能少


第一代 iPod & Macbook wireless mouse,細心想想,S原來有兩部第一代的 iPod,都不是自己買的,一個是用Asia miles 的積分換取的,另一部(即圖中那盒子的原配),是舊公司派的,背面 engraved 了公司的名字,派到S手上時還預先收錄了一些與管理學有關的 Audio Books,好讓我們在上下班丶出差時隨身聽也可好好進修一番(真悶旦,其實大家早已把喜愛歌曲 download 到裡面,公司也預計了這個)!

而那 wireless mouse,已經壞了一段時間,現在“藏屍”於圖中所見的原裝盒子裡。


Lumix FX48,這是S第二部 Lumix “咭片型”的數碼相機,之前那部仍存在,現在是M用的,但盒子已因沒有空間迫不得已給丟棄了,再之前的,盒和機都早已到了堆填區!


第一部 Macbook,沿用至今,這個網誌也是用她寫的。


iPad,今年的新寵


iPhone,奇奇奇,竟然找不到,是收得太好而找不到?Okay,那就別刻意去找,有緣的話一定會出現

Nikon D40 相機,今年較早時候買了 D90,把這個 D40 給親友時,把盒子拿出來,Wow!事隔多年,盒子比S保養得更好,要不是型號已經超過時,單看包裝真能“以舊亂新”耶!


最後,以下這兩個,不能不提

n 年前買的 roller blade,現在因年紀大和另一些原因,已經不會再“踩”,最近拿出來看看,發現鞋上某個用生膠製造的扣也爛了,對安全也構成問題,所以無論如何也不能再拿來玩了!


這是當年往外地唸書時隨身帶着的,過千元的 walkman,當時花費了父母不少薪金,以S的性格,當然想好好保留包裝,但因行李不少,盒子只能給留在原地,早給家人掉了!


寫到這裡,想起另一大類,就是鞋子,S有對腳上的寵兒有更大情意結,鞋子買回來,不論價錢是便宜還是貴價,總想保留盒子,但因空間所限,現在只有長靴們長能佰份佰在每次穿過後也是“情歸原盒”,其他的,只能盡人事!

10 comments:

Coffee n Tea said...

我絕對有唔捨得掉靚盒靚樽嘅情意結!漂亮玻璃樽我用來DIY裝飾品,漂亮盒子用來儲物。

PS︰而家啲鞋盒越來越靚!

卡臣 said...

我屋企地方細, 盒..過了七天後即棄呀

Ebenezer said...

哈哈,妳的玩具比我多:)

我也學妳數數自己的盒子,原來從來只有Apple, 看來,我用情比妳專一,hehe^^

SKII said...

Coffee,我冇戀樽的情意結,但是的,近年的樽和鞋盒都是愈來愈靚!

SKII said...

卡臣,所以我住在新界大西北囉,如果住係市區,真係唔得呀!

SKII said...

Eben,嘩,咁都睇得出專一定花心?唔通你都你心理學出身?^_^

l.minor said...

好多玩具呀!
原來你係apple的fans,apple的玩具真多呀!另外你又係Nikon fans,又係D90啊!我都係呀!

留盒呢個習慣我都有,因為方便之後轉售或者存放呀!

另外,我以前老細,又係好多鞋,最後佢租個倉黎放鞋

SKII said...

Minor,睇你用 D90影的,我真懷疑我識唔識用部機!其實我已經比人笑過呢樣嘢!嘩,租個倉來放鞋有難度,想著果對喺倉咁點算好?我識人反而搵咗個倉做私人圖書館,真係有啲 誇!

l.minor said...

SKII:
都唔係架,之前一排我小影相,都要搵番d時間同部機先溝通下先,先識"舞"佢

租倉做圖書館都好架,有時都唔會睇得哂咁多書

另外我話租倉放鞋果個人,佢直頭影對鞋一張相,跟住貼佢係個鞋盒度,方便知道邊對打邊對

SKII said...

Minor,其實我買咗本“天書”,但係冇乜心機睇,因為始終覺得“實踐”至最有用!

嘻嘻,每對鞋影一幅相,我都有諗過,但我又冇多得咁緊要,所以唔駛! ^_^

Related Posts with Thumbnails