Sunday, 16 January 2011

I have a Dream


I have a Dream

Martin Luther King (MLK) 的名言,好像說他的後人曾經想申請註冊這句話,但S沒有跟進到底有沒有成事,因為這與 MLK 提倡的背道而馳,S甚至覺得提出的人枉為他的後人

皆因夢想這回是,人人都有權利擁有,從不應該因為人的出身背景丶階級丶種族丶膚色丶性別丶年齡丶諸如此類而有所不同,只不過,夢想能否有緣達成,除了個人有多堅持之外,更要看天時丶地利丶人和。

MLK 和剛辭世的司徒華先生,因種種因素,都無緣看到自己的夢想成真。

曾特首在爭取支持香港申辦亞運時提到,有運動員希望成就他/她在香港土壤上參與大型賽事/實現得獎的心願。

對於這個,S絕對尊重運動員有自己的心願,也有權發表自己的想法。只是,個人的夢如果需要利用到其他人的大量資源,那就是另一回事了。

環顧現時不同的運動種類,試問有多少個是一定會在運動員自己的國土上“完成夢想”的呢?

拿網球做例子,最頂級的 Grand Slam 賽,全世界只有四個(依賽事每年舉辦的時間而排,分別是澳洲丶法國丶溫布頓和美國公開賽,近年加了一個年終賽,但S並不肯定有沒有給列入 Grand Slam) ,而重點是,這些 Grand Slam 是從來不會“巡迴”的,只會在以上提及的國家舉行。如果以香港那運動員的想法和邏輯,是否等於如非這四國的人,縱使能夠於這些 Grand Slam 裡摘冠,也算不上“完成心願”呢?聽起想來真的荒謬絕論耶!!但S並非想“黎橫折曲”,只想從另一角度看。

類似的例子,還有一級方程式賽車丶高爾夫球丶甚至是已經變成 show business 多一點的足球!

S看過一些關於在英國或西班牙超級球會“搵食”的南美足球員的介紹(S並非球迷,忘了是那一位,只能肯定那不是朗拿度),他們當中有一些,不但沒有埋怨自己國家沒有主辦國際/超級賽事,還把在英國/西班牙賺的錢和自己的經驗,投放到自己的國家,培育新生代,好讓他們有機會接受比較有系統的訓練,從而少走一些“冤枉路”,又能增加他們日後的競爭力。

S並不要求香港的運動員也要和以上提及的南美球員一樣,不只過,申辦亞運要花上大量公帑,如果只為了一少部份人的個人夢想,而這些資源又實在可以有更好的用法,對不起,不能同意申辦!!

7 comments:

Ebenezer said...

前日我個PT(佢係退役運動員)同我講,佢話佢覺得政府咁不顧一切都要申辦亞運,係因為亞爺計個條數,覺得今年台灣申辦成功嘅機會高有關。

SKII said...

Eben,我喺收音機聽倒反而相反,好似係因為台灣又唔想玩,阿爺覺得香港唔駛去爭(即係話阿爺其實唔想台灣辦)。我覺得呢個可信啲,因為如果阿爺真係支持的話,冇理由保皇黨一票都冇。

佛爺 said...

香港係邊度搞亞運?維多利亞公園?如果建運動場,將來一定蝕到嘔。

PoCaRi said...

呢次好可能係呀爺比個問題呀老曾, 睇下佢點解決啦. 呀爺心諗廣州岩岩先搞完, 即使台灣可以搞得成, 但係話到尾點都係廣州既搞先. 香港同台灣之爭, 香港爭贏左咪叫搞多次囉. 爭輸左都冇問題丫.
但係最主要就係睇香港自己有冇打算去爭囉, 去爭即係話要同廣州呢次打對台戲, 即係要"互相輝映", 即係唔可以係運動事業上與珠三角融合啦, 即係話香港唔夠合作啦~

所以講到尾, 香港一開始打算去搞亞運, 即係已經係輸家啦~如果係識趣既話, 曾特首好應該讓個位比搞過奧運既天津, 又或者第一大城市上海啦, 再唔係次級內陸D 既西安都係個唔錯既選擇丫~

樣樣都爭, 你估呀爺傻架?!

卡臣 said...

派錢比市民把啦

Coffee n Tea said...

大冬天,我都有個夢,唔洗咁早起牀!
(我胸冇大志,只著眼小事:P)

SKII said...

Pocari,香港政府成日都係咁,捉錯用神,成日想估呀爺想點,但又估錯,做埋啲無謂嘢。

卡臣,我都係咁話。

Coffee,其實我都係,你睇我個 blog title就知啦,只得小想法,沒有什麼大志耶!

Related Posts with Thumbnails