Tuesday, 26 July 2011

Great Taste Like the Same.My first Tory Burch

不知從何時開始,S對追求名牌的意慾,與年紀成反比,從前逛街是一種消閒節目,現在許多時都是有目的而逛,雖然某程度上因為對擠迫的商場或街道有種恐懼症,但更大原因是花錢模式改變了,因為近年比較有名的牌子,標價也和品質、S的購買力有反比的趨勢,而且某些牌子,甚至言過其實!

Well!話雖如此,存在骨子裡的本性,卻又不容易完全給改變!那天相約了好友們飯聚,尚有一段時間才到飯局,好友A 的電話先到,問S有沒有時間先去“連根拔”shop round 才用晚飯。Okay,碰巧是 pre-sale 日子,擇日不如撞日,於是齊齊先到店舖一遊。

才到達,還沒“正式”開始捜尋遊戲,經過付款櫃檯前,那裡有一排放在地上的盒子,在等待其他的客人付,S看了一眼,便已描到獵物,告訴A

S:我鍾意果對...
A:嘩!打側瞓喺個盒度你都睇倒!?
S:個形幾好
A:哈哈哈哈,係呀,好嘢嚟㗎,我尋日買咗兩對同款嘅,一對黑丶一對白。
S:哈哈,都係呢對呀?我哋鍾意啲嘢一樣,不過我都係鍾意果隻色。
A:黑白容易襯返工衫
S:Anyway,等我睇埋第二啲先
A:好吖,你慢慢睇啦,我尋日睇咗喇

。。。。。

S:呢對都幾好喎,不過我從來唔著豹紋嘅嘢,好似好老咁
A:比我睇吓 … hmm … Okay 啦,呢對,唔係太“阿太”
S:但係個踭我都唔係幾鍾意太矮,我唔鍾意個底平到咁
A:可以襯 casual wear … 哈哈,你都幾 consistent 喎,又係 Tory Burch,我好鍾意呢個牌子
S:係咩?乜牌子嚟㗎?我未買過喎,等我試吓啱唔啱先啦

結果,看圖就知道了!其實早在 pre-sale 階段已“斷碼”,豹紋平底是最後一雙,還要是那個和好友A比較相熟的 sales 哥哥,落力地捜尋了一番才找得到最後一對,S又怎好意思浪費人家的服務呢!

只不過,從六月底到最近,天氣總是反反履履,終於在近幾天天氣放晴才“開齋”,鞋內承扥“腳板底”的內墊,做得比另外幾個高跟鞋有名的大牌子做得更好,真是腳上好享受耶!

Thanks 好友A這個最佳損友!(累S花錢還要多謝她!!)


去年昨日:幾時再見?

No comments:

Related Posts with Thumbnails