Wednesday, 18 April 2012

醫生與狼,是敵是友?

“凸首”選舉前,醫生與狼原是親密戰友,說什麼大家的改革概念一致 … blah blah blah,十五名選委會綑綁式投給英狼




想不到,無需待至部凸首上任,不出一個月,蜜月期便“突然死亡”,候任凸首昨天好一句“雙非孕婦 2013 年來港產子並不能一定享有居港權”,今天還言之鑿鑿強調上任後一定“做野”,戰友變成對手,又怎麼回應呢?噢,原來覺的“比人揼”




到底醫學界的精英,當天是押錯注丶獻錯媚丶sometimes naïve丶還是當天醫學界自己界別內的投票取向只反映界別內大部份人的想法?S原全不曉得。

其實,“雙非”孕婦來港產子所衍生的社會問題,實在需要政府正視;然而,那邊廂,醫生在合法的範圍內,賺錢無罪。凸首於候任期間在缺乏法律依據的情況下,便高“出口術”提醒大眾,這到底是想發出一個 pre-am,好讓想來的雙非三思而後行?還是造成更大的社會分化和運作上的混亂?

看今天的新聞,這場權力搏亦和利益抗爭,更精彩的場面應該陸續有來,S對這個興趣大於看盛女作戰耶(嘻嘻,到今天竟然仍未看過一集!)!



14 comments:

攞你命三千 said...

口術呢樣野好多香港的政治人物都會出
下下用黎試下水溫,投石問路

未睇就唔好睇喇,睇左你要打多好多字~

sfong15 said...

賺錢無罪? 是否有理? 聽過星球醫生嗎? 私院停車場見到醫生駕的是什麼車? 投機生意都要軟著陸?

Coffee said...

停雙非不是符合香港普遍利益嗎?

SKII said...

三千,咁我唔睇啦,費事徙手力!

SKII said...

Sfong, 咁你一定要繼續 follow 我個blog , 我構思咗好耐,看寫有啲私家醫生唔止掛住賺錢,重門高狗惡添... 我要加快速度寫...

SKII said...

Coffee, 停雙非係好,但有好多方法,而家英美加,話知你喺當地出生,有好多福利如果你未住夠幾多年,甚冇交稅,唔可以享受,可惜唔知由幾時開始,香港乜都有得比佢哋!

sfong15 said...

在電視見到那個什麼私XX院主席講, 真想講 XYZ%*,他們的法拉利一定太熱,熱分了頭,唔該找個有腦些少會說話的做主席,醫療的又是"產業",又有霸權?

laulong said...

就跟英美加罷,只可惜要這樣就必須修法。乾淨俐落,釋法可也。

Anonymous said...

大部分市民都贊成打倒雙非, 點解會變左分化?

Anonymous said...

醫生在合法的範圍內,賺錢當然無罪。不過,這賺錢的機會不是因為他們醫術高明、服務優良而得來,而是因為「莊豐源案」的判決所引致,屬意外之財。賺取意外之財的機會隨時可以消失,醫生們應早有準備,無需同情他們。不過,那些批評醫生和私院收取高昂費用賺盡是不道德的人也對他們不公平。大佬,當紮球星不叫高身價,難道要在短暫的巔峰期過後等球會施捨。

SKII said...

sfong,我今晚寫咗自己的 bad experience,其實其中引申出來的感覺和想法,就和你所說一樣,佢地嘅做法,已經出現“霸權”的傾向,好自私呀!

SKII said...

校長,我唔知英國同加拿大有冇去到改法例嘅層面,因為如果喺果度出世,始終有居留權,但聽手持這兩個國家護照,而仔女又喺果度出世嘅朋友講,就算係公民或有居留權,近呢幾年開始,想攞福利唔係係人都得,如果用行政手段都做到,就應該參巧啦!而美國,就一直都係冇咁易。

SKII said...

Anon @ 8:12,就係把啲自私嘅醫生從大部份人中分化出來囉,明顯地,私家醫生出來“撐”,而出發點只係維護自己的利益,已經人心盡失啦!

SKII said...

Anon @ 9:13,對,意外之財咪當 bonus 囉,無端端行好運,人人機會均等,賺咗,其實冇人唔抵得,但最衰佢地唔識見好就收,而家重要死撐堅持以社會嘅負擔去比佢地賺錢,好難搏到廣大市民嘅支持囉!祝佢地好運啦...

至於價錢,其實行行都冇乜準則,睇吓需求同大家願意比幾多...

Related Posts with Thumbnails