Thursday, 19 April 2012

醫生賺錢無罪,最衰係門高狗惡!(一)

昨日喺「醫生與狼,是敵是友?」中提到,私家醫生以合法逃徑賺錢無罪。朋友留言唔讚成,S明白亦讚成,因為 S 只寫了一半,自己昨日在張貼文章前已經自行“斷張取義",令人誤會!

咁,S重有乜野未講(寫)呢?

就係親身經歷嘅 bad experience

其實,有一部份私家醫生,唔單止賺錢至上,更加門高狗惡,而咁啱得咁“蹺”,S 遇過的“惡行”,最惡劣的就是來自婦科醫生!

話說近幾年(相信尤其是有咗“雙非”呢條大水喉之後),婦科醫生個個其門如巿,有個 S 之前都睇咗幾次的 C 醫生,個人好似幾 nice 咁,但佢啲姑娘嘅態度,就真係不敢恭維兼不知所謂。

有次 S 已經在地鐵站行緊去診所,手電響起,是 C 診所的姑娘,催促 S 準時到(真係催促果隻,態度之惡劣令S無名火起),收線後看看時間,重有十五分鐘至到約定的時間喎!而且係人都知,睇醫生,尤其是婦科,約咗都要等餐懞㗎啦,有乜好催呀? 但S梗係明,因為S是當日最後一個 appointment,如果我遲到,佢地個個要遲走 但最乞人憎嘅係,結果亦一如S所料,我準時到,都係要等!

C 醫生見面時,S告訴C醫生,我在生病嘛,當然走得慢一點,不過都盡量趕,好彩冇遲到 … blah blah blah,聰明的C醫生,當然明白S在投訴,回應說姑娘的學歷比較低,又不太懂得如何和客戶對應,因為唔容易請人,請S見量云云。擺到明就係“門面”答案,推晒落個姑娘度,但見C態度Okay,算,收貨。

之後隔咗一排,S有些 regular check up 要做,由C寫了轉介信,report 回到診所後,姑娘打電話來

姑娘擘頭第一句問:你要唔要見醫生?要就幫你約時間。

S反問:醫生有咩意見?佢話要見我咪嚟。

姑娘(超晦氣地答):我唔知喎,我地呢度冇呢隻藥,你想見醫生我可以幫你約

S即時火起:C醫生寫信之前就知我食呢隻藥,佢冇賣,唔等於唔可以開比我出去買(S根本就一直是依據處方在外面買的,而且之前同C醫生傾過,佢話睇咗報告至算,如果要食,可以繼續出外買,但S費事講咁多)

姑娘:咁你即係見唔見醫生呀?

S:我唔知踻,呢啲應該係醫生嘅 professional judgment 話比我知,你問吓佢先啦,同埋 fax report 比我睇吓

S收到 report 之後,睇過知道冇大問題(其實,果啲 statistical report,之前 body check 個醫生解釋過,再做 testing 前C醫睇過個report 又解釋過,加上S又上網翻查過,所以自己都識睇啦,正所謂久病成醫吖嘛),於是打電話去診所,留言話唔該醫生有時間覆電話,姑娘當然諸多推搪,話醫生好忙丶又乜又物,於是S叫佢傳話,問到底駛唔駛返去見醫生,如果要就約時間。結果隔咗都幾耐,回覆話唔駛,醫生還親自根S講咗幾句,話只要跟原先的 dosage 繼續食就可以。

真係想 XYZ 佢,其實佢一早就知唔駛見啦,因為S在她那邊轉介 check 過做另一樣 test,果次講明冇特別唔駛返來覆診,有需要就另約時間詳細解釋,今次叫個姑娘喺中間做“醜人”,如果唔識問多兩句的話,結果就係乖乖約時間返去覆診啦!其實,S並唔介意要比醫藥費,但最憎去見醫生時要等餐懞,徙晒啲時間!

由於時間和篇幅關係,和這個婦科醫生的“分手事件”待續



No comments:

Related Posts with Thumbnails