Saturday, 5 May 2012

靚 Model 擋黃雨

又一個晚歸的工作天,離開公司時已經九點幾,外面下着雨,都幾大,但 S 成世人其中一樣最唔鍾意嘅事,就係帶遮!咁,點算好?

Hmm … 如果唔介意兜路行多少少,只需要過一條單程嘅馬路,穿落地鐵站丶又上返行人天橋,之後就全程有瓦遮頭

但係同事話,啲雨落到“啪啪聲”好大吓喎,雖然只係過一條窄窄地的馬路,隨時都會濕晒身!又係喎,但亦正因為大雨,更應選擇呢條 "行得多丶dun 得少"嘅路,而硬頸的 S 確實又唔想為咗過一條唔夠二十呎闊的馬路而帶遮

猶豫之際,發現辦公桌上呢本昨日返工途中攞嘅免費雜誌,哈哈,夠晒大本,攤開來用勉強可以當把遮,遮住個頭,咦,封面個 model 幾靚又幾型喎。Okay,就咁決定!


Well,落到公司樓下至發現,雨勢比 S 想像的兇,本雜誌可能頂唔住喎,但係

算啦,頭髮丶恤衫同牛仔褲,濕咗可以洗,其實最肉痛係今日著咗去年夏季買的 Tory Burch 平底鞋〔按此閱讀全文〕,真係唔想濕水呀!只不過,呢樣野,就算有遮都冇用,於是“心口掛個勇字”,打開本雜誌遮住個頭就行出去,雖然真係好大雨,但 S 只是快步走丶沒有跑,因為如果跌一跤的話就因小失大!

哈哈,結果如 S 所願,順利過渡,最傷當然係對鞋,身上只是輕微沾濕,但個靚 model 就變成豆.皮.Model”
封面丶封底都濕晒!

入到地鐵之後,收到 service provider 的天氣短訊,原來在 S 步出公司那一刻,天文台掛了“黃色暴雨驚告”!謝謝呀靚 model,為 S 擋了黃雨呀! ^_^



2 comments:

Coffee said...

到我留唔到言了,再留一次︰

我通常都冇耐性等雨停的,冇遮就隨手睇下,有咩就用咩嚟遮住頭就算了。

SKII said...

哈哈,你同我一樣!

Related Posts with Thumbnails