Thursday, 12 July 2012

發夢生頭蝨!

S 常常發夢,但發完之後記得的,一生人之中只得幾個,最近就有呢個無厘頭中之無厘頭的,話說喺個夢入面。。。

S 同媽咪喺一橦商業大廈內一齊搭𨋢(Liftin case 個中文字出唔到),感覺係長X集團的長X中心,其實喺個𨋢(lift裡面睇唔到大廈名,但直覺覺得係。

Anyway,唔知點解,㩒極掣個𨋢(lift都去唔到我哋想去果層(其實 S 都唔知想去邊層!),架𨋢(lift一直上,去到好高嘅唔知邊層終於停低。

S 同媽咪出咗𨋢(lift之後,有人帶 S 去驗頭,好似而家坊間好時興丶用個機“照”吓個頭皮,放大 n 倍,睇吓個頭皮健唔健康果啲。

點知一照,果個人話 S 生頭蝨!

S 於是大叫:我上星期去過印度!!

跟住就醒咗了!

哈哈,唔知有冇人可以替 S 解吓?又唔知會唔會因此而洩露咗一啲“天機”!?

6 comments:

naruto said...

可能佢多野做,頭痕

laulong said...

haha, 你係怕部分較低文化水平的國內人泛濫香江。

Coffee said...

我突然諗到你睇咗我篇洗頭水,你聯想到自己都買過用過仲有其他牌子的,所以關於個「頭」而想了一大堆,然後想多了,哈哈!

SKII said...

naruto,哈哈,咁我成日都“頭痕”!

SKII said...

校長,我都唔知係唔係呀!

SKII said...

Coffee,剛好掉轉,我發咗個夢幾日之後先寫,而寫前就見到你果篇!^_^

Related Posts with Thumbnails