Tuesday, 31 July 2012

“Chok”到冇朋友!

每天乘搭 MTR 的東涌線,都想寫這個:點解咁鬼 "chok" 架?拖咗好耐都冇寫,今日終於忍唔住!



最奇怪嘅係,呢種交通工具,架車係跟住條鐵路而行,有既定既軌跡,亦唔會好似喺路面行車咁要顧及其他 "foreign object" 如途人等。

喺操作嘅層面,例如轉彎既角度或行車嘅速度,都應該有一定嘅標準,如果培訓做得好,理應 工多藝熟,但偏偏,唔止日日如是,而係每一程都係,前、後、左、右,四面八方係咁  "chok" chok 到連大男人都企唔穩,著住高踭鞋,如果揾唔到個可以扶手嘅位企,真係好慘架!

究竟係司機們唔夠專注?定係培訓問題?又定係人手掉配嘅問題,成日都係 新手上路。。。

攪到架地鐵 "chok" 到冇朋友!



 

6 comments:

攞你命三千 said...

小弟所知,絕大部份情況下都係程式開車
司機只係睇d車門閂得實唔實同埋開門閂門
有錯請指教

SKII said...

呢個我都聽過,但唔肯定,如果真的話就令人更費解,因為如以程式行走,啲角度同速度就應該更 "perfect" 喎!真係難明??????

PoCaRi said...

以我所知,因為下一車站外如果乘客過多上落,又或者有什麼常常出現的"un"expected events "衝門"/"死都要迫上車"情況,往往前車都未能按照程式開車, 而後車又必定要與前車保持一定距離,所以瓜lun藤情況下,因為九龍站多人上車,就會好影響到青衣往荔景既速度架啦~

攞你命三千 said...

車可以係用program行
但係列車同路軌的保養都係人做

SKII said...

PoCaRi,我都諗過有可能係咁,如果真係,差不多分分鐘都係 "un"expected!!!

SKII said...

三千,係架,所以好多人為因素的。

Related Posts with Thumbnails