Friday, 24 August 2012

嗱嗱嗱,星加玻來了,人民幣清算


前日才寫過,香港和上海關於商品交易之爭(按此閱讀),今日睇報紙,又到香港和星加破,而今次係,離岸人民幣清算。

雖然香港已經係丶重要暫時係唯一的離岸人民幣清算中心,而現有的離岸人民幣存款亦都多過星加破好多(以倍數計)。但文中就提到,星加玻有優勢把存在已久的商品交易丶還有比香港龐大的貨幣交易,結合人民幣清算來做,唔排除有朝一日,商品交易可以人民幣代替美金做結算,反正不少商品交易的對手或客戶,都係來自強國的。

經濟日報

呢個真係睇得好長遠,而且係絕對有可能發生,人地星加玻冇祖國呢個強大後盾,都諗到咁多野,亦都一步一步向前行緊,睇返香港,會唔會有啲似。。。富二代果啲二世祖呢?只係坐喺度食老本,成日話以前點叻丶點好,so what,不進則退呀!無論以前幾風光,又如何?

不過反轉報紙另一版,又見到小加,今次係介紹港交所將會喺 9 17 日推出的人民幣期貨,就算初期交投可能唔活躍,但 S 相信,有,一定好過冇,如果唔係到第日,又係人有你至做,要追上去就更難!

經濟日報

Disclaimer:以上純粹係 S 個人的無聊小想法,不構成對香港交易所(00388.HK)股價丶又或是其他投資產品嘅睇法或任何形式的投資建議,而 S 並非投資顧問或持牌人。



. 

2 comments:

Terence Yun said...

新加坡做商品期貨向來都是優勢過香港好多,因此香港先要買LME來對沖,但係香港沒有實貨交收時,其實要做期貨難度挺高。

SKII said...

Terence, 有倉喺埋同地區當然最好,但其實大部份期貨交易主要用來對沖風險,極少會真係將現貨攞出來用的,而如果大部份對手都喺強國,倉喺內地都行得通的,好過冇。

Related Posts with Thumbnails