Sunday, 26 August 2012

最痛的哭


早前同事在 facebook 分享道:呢個廣告都幾 Touching…



S 雖然不想掃興,但仍忍不住留了以下這個:

「哈哈,我剛相反,覺得佢拍得一啲都唔 touching...呢類場面喺我個代移民、留學潮,好多人嘅人生都有呢種埸面,最傷嘅時候。。。喊,係冇聲㗎!」

潑得出如此的“冷水”,當然因為,S 是其中一個經歷過的人。。。

最痛的離別,道別也無言;淚,原來可以如泉湧,卻只能是無聲的飲泣。

廣告裡面那個女生的演技很爛,大概因為根本不曾經歷過。

閱歷多的人,並不容易被感動。因為,「痛」,有如麻醉劑,每次再“落藥”,dosage 要越來越高才有效,當你親身過經歷過最痛,其他的,不過已矣!

忽然想起這首歌,往網上找,王傑在 2001 這個版本,多了一份瀟洒丶少了十多廿年前原裝的“悲情”,是因為過了不惑,以另一種心情丶唱出另一種味道麼?

幾分傷心幾分痴




 

10 comments:

Coffee said...

>>最痛的離別,道別也無言;淚,原來可以如泉湧,卻只能是無聲的飲泣。

經你一講,冇意欲睇你貼的片了,但對你上面這句再認同不過!!
所謂眼淚在心裡流罷!

SKII said...

對,怎麼我竟然會忘了...這不就是「眼淚在心裡流」,陳百強早就領悟了!

另,原來我貼歌的連結錯了,竟然把廣告貼了兩次,已改回王傑的歌作結尾。

卡臣 said...

看完短片,那少女等電話的忐忑,拍得最好。

naruto said...

覺得佢上集好嘈,所以嘈走左個男友

l.minor said...

我覺得故事好流,基本上個故仔同佢product拉唔上關係

SKII said...

卡臣,可能因為那是“少女心事”,年輕的她才可以掌握得比較好吧。 :-P

SKII said...

naruto,我都覺得係,成人一個,還“老天真”,並非可愛,而是一個“煩”字!

SKII said...

minor,哈哈,你嘅要求比我更高呀,而家啲廣告,十個有九個半,同個 product 冇關係,但就算撇除呢個因素,佢都係“流“!你令我想起呢期最 like 果個廣告,上網找找,今晚貼! ^_^

KK said...

非常同意。最痛的淚是無聲的。當一個人最脆弱地躲在黑暗被角痛哭的時候不是這樣的。崩潰時的痛哭也不是這樣的。sigh

SKII said...

KK,同意,所以演員都係薑愈老愈辣!

Related Posts with Thumbnails