Sunday, 9 September 2012

喊,唔該唔駛喺我面前!


早兩日林鄭司長接受有線電線訪問時,一時感觸,在鏡頭面前流下強人淚。



可能係真嘅,做佢而家呢個位,壓力之大,非一般常人可以頂得住。

但係,對唔住,你攞唔到 S 的同情分,尤其是當佢提到,到咗呢個地步,已經將自己的誠信押注在現屆政府上。

這個嘛,簡直是歪理!

一個有獨立思考能力的成人,如果連“誠信”也可能會賠上的事,也會去做的話,已經係一個同價值觀有關嘅根本性的問題,以林司長今時今日既身份丶地位,S 相信,佢無需要為五斗米折腰,理應冇難度, 好易揀!

咁,唔通呀林司長真係認為自己“一個打七個”,冇咗佢個地球唔識轉?

呢個 S 就更加唔認同,世上從來冇咁嘅事,一個政府嘅運作,一定係一個團隊,如果個人嘅理念,同團隊喺理念上有根本性嘅分歧,其中一個選擇就係離隊。

可是,林司長又覺得,咁樣離隊(跳船),係一種冇道義嘅做法,S 真係想問下林司長,乜你覺得選擇繼續留喺一個連自己都唔認同的隊伍裡面,對香港丶同埋香港人有好有道義咩?唔通你真係覺得,唔喺個建制入面,你就冇晒影響力丶乜都做唔到?如果林司長真係咁諗,S 真係有啲質疑佢嘅能力!

其實,寫呢一個,唔係要探討林司長應該何去何從,S 完全冇呢個資格。而且司長咁大個人,食鹽多過 S 食米,又有豐富嘅經驗,絕對可以有能力為自己辨別和選擇該做什麼,只要過得了自己果關,咪得囉,唔該唔駛喺 S 面前喊!(哈哈,唔該唔駛話比 S 知,S 可以唔睇,皆因那段是新聞!)

嘻嘻,又用情人的關係做比喻,想起最近貼過 (按此閱讀),王傑那首舊歌「幾分傷心幾分痴」。。。

哭泣聲絕無意義。。。

6 comments:

攞你命三千 said...

好認同你的講法
小弟只認為佢想用軟力量拆局

仲有兩點
1.林鄭依家尊做醜人擋箭,冇左佢阿狼生好快頂唔住
2.小弟非常期待隻狼有病痛,到時林鄭就會有作為

SKII said...

三千,你的說法我也認同,只是篇幅所限,唔想講到咁遠... :-P

Ebenezer said...

攞你命3招嘅一哭二鬧三上吊,佢家吓只係使出第一招啫。

seikomatic said...

騎虎難下,天使面孔既孽瘤一班。

SKII said...

Eben,好似好耐冇見你現身,出咗差?

唉,如果佢出埋第二同第三招,真係啼笑皆非啦!

SKII said...

seikoatic,謝謝你來訪,哈哈,“天使面孔”,我有保留! :-P

Related Posts with Thumbnails