Tuesday, 11 September 2012

驘票,So What!?


泛民喺今次選舉中,成為得票嘅驘家,但在成功率同議席數目卻輸比建制派。

當中有冇浪費選票?

朝早聽新聞(係聽,唔係睇),聽到一把女聲話,一票都冇徙到。。。

哈哈,咁都得?算唔算係自欺欺人丶掩耳盜鈴,甚至好似周星星啲無厘頭攪笑場面咁,企喺人地面前,一廂情願以為自己真係有特異功能,唸幾句“你睇我唔到丶你睇我唔到”,人地就真係睇你唔到?

現實係,無論你喺票數上驘出幾多,議席花落誰家已成定局,多唸幾句咒語“我驘票”丶“我冇徙”,都唔會起死回生!

而最好笑嘅係,尋日睇新聞,到咗投票時間尾聲,新聞不斷強調投票率愈來愈高,對泛民比較有利,當時 S 已經在想,呢個根本唔係必然,兩都之間並冇實質嘅 co-relation,邊個話歷史一定會重演架?

自從之前投票率創歷史新高之後,泛民只知道沾沾自喜,互相排擠,毫無策略,根本唔知長命仗應該點打,甚至有如連目標係乜都未認清;反觀建制派痛定思痛,重新部署,就算真係驘在資源同人力都比較多,泛民都係自己唔爭氣,成日以為可以食老本。

希望佢地可以學習人地嘅長處,從失敗中學習,重有,唔該真係認真諗下 succession plan 啦,有啲黨派,成廿年都係來來去去果幾個人,雖然有經驗係優勢,但係薪火相傳先更重要,遲遲唔交棒,係咪真係為大局呀?



. 

4 comments:

攞你命三千 said...

佢地只係複製上一屆奏效過的方法
今次只係爭幾千票就成功
問呢個問題的記者假設人地出得選就一定要贏

Ebenezer said...

泛民根本一盆散沙,難戉大器。

SKII said...

三千,哈哈,d 記者就係咁架啦!

SKII said...

Eben,讚成!

Related Posts with Thumbnails