Wednesday, 19 September 2012

Who Moves My Appointment!?


昨天美容院打電話給 S,confirm 今天晚上(星期三)的 facial appointmentS 順道 confirm 明天(星期四)晚上的另一項 treatement,星期四晚上的是一個月一次的其他 treatment,因為一個月一次,明天的 appointment (20 Sep) 是整整一個月前約好的,即是 20 Aug 已經約好日子和時間。。。

美容院 reception:哦,係呀,S 小姐,星期四晚八點。。。

S:八點?我約好七點,我從來唔約咁夜架喎。。。

Reception等我 check check 。。。(hold 咗一陣)。。。唔好意思呀 S 小姐,因為同事掉假,我地改咗你個 appointment 去八點。。。

S:你地冇通知過我喎,約咗成個月,最後兩日都冇同我講過,你地上次都攪錯咗我個 facial,話我約咗八點。你 check check 啦,改唔返七點就掉去星期三用我 facial 個時間啦。

Reception:哦,好吖,我盡量幫你安排。。。

S 沒發火,一心想着做人 nice 啲也得到自己想要的,好來好去算了。。。結果,來來回回耍了 S 一輪,最終還要好像 S 欠了對方一般才安排了七點半。。。

不耐煩!

結果。。。

S:我唔理你點安排,總之跟返一個月前約好嘅七點,你攪唔掂叫呀 Dxxxxx (shop manager) 同我講。。。

Reception:唔好意思呀,真係乜乜乜丶物物物。。。唔好意思呀。。。

S:你唔駛再同我講唔好意思啦,呢個係冇意思嘅,我個 booking 一個月之前已經落好,個時間非常的合理,期間你地有足夠時間同我 re-arrange,但你地成個月丶到最後兩日都冇聯絡過我。。。

Reception :唔好意思呀,我地真係安排唔到。。。

S:都話唔駛唔好意思咯,你咁遲通知我,我都安排唔到,你整返個 booking 去七點就得啦。。。我話你知呀,你唔好攞我個 booking 就第二個客呀,人地係客我都係客咋,你地預備上市丶價錢貴過人,絕對唔係平價街邊鋪,唔好對我用啲“那渣招”比晒錢就任意改我啲 appointment 呀,你如果連一個 booking 都攪唔掂,叫 Dxxxxx 同我講啦,睇下有幾難?我唔係尋日至入嚟話聽日要 book 乜時間,而係一個月前 book 好晒丶confirm 好晒的,如果我有乜唔合理,唔該你話返比我知,等我問下消委會。。。

網上圖片
結果,隔了不久,reception 打電話通知 S,星期四 booking 如常七點!

讀者也許會想,S 不怕她亂來麼?

不怕,原因是,這家確是大型連鎖美容店,價錢絕對不便宜, shop manager 以至 sales 的目的是客人會回頭,繼續賺客人的錢,而不是開罪客人讓她溜去其他競爭對手(包括自己同一品牌的其他分店,其實 S 也是從另一分店轉過來的,對之前去慣另一分店並無不滿,只是現在這裡地點較近而已,而 S 現在的消費,都計入現在這家分店的收入,如果 S 轉回從前的分店,收入又會歸到那邊),面對這種 sales ,如果太 nice 的話,就會“人善被人欺”,把你的時間遷就其他客人!

人要適應環境,面對 who moves my cheese” (按此閱讀) 時沒錯要作出適當的改變。但在作為不算低消費的商品的消費者,sorryplease do not move my appointment without my prior consent

4 comments:

l.minor said...

勁~好多時d友仔真係亂黎

前排睇醫生,因要覆診,醫生同我講兩星期後再覆診,後來護士又同我講醫生放假喎!改早一星期得唔得?最後唯有聽從護士講,到見醫生時,醫生問我做乜早咗成個星期,原來係護士攪錯另一位醫生放假...

如是者,護士最近又打黎,話醫生會轉去另一診所,我原先的appointment需要改動,但又未能即時提供要改動的時間及診所,只話會幫我跟,結果我最後自己打俾醫生...

Quincy Luk said...

第一,你同事調假關個客鬼事;

第二,你要調客人個appointment點解唔一早出聲,要人哋打嚟confirm先話俾人哋知;

第三,咩叫「盡量幫你安排」?同埋點解要黑面?係你一早應承咗,依家兌現唔到承諾,做錯事唔改過不突止,仲要唔feel guilty;

第四,既然最尾係改得番去七點正,咁當初講咁多廢話做乜,客人冇癮之餘自己又冇面。

以禮待人係良好品德,但面對住呢啲服務態度唔專業嘅人,唔mean啲真係只會被對方嘅歪理食住上。

SKII said...

minor,你提起我至醒起,其實 book 醫生啲 appointment 重激氣,呢啲只係小兒科,因為美容院重記得我係客,但係醫生啲姑娘?睬你都傻!

SKII said...

Quincy,你講嘅全中啦,只係佢不至於“面黑”,而係都幾好禮貌但冇乜誠意咁不斷講“唔好意思”,簡直係投訴接受,態度照舊(唔幫我安排),其實如果佢地早啲通知我,改另一日根本冇問題,不過比我話比我話完,今晚去到,okay!

Related Posts with Thumbnails