Tuesday, 2 October 2012

點止快過 999!


剛過去的星期五,下班後吃過晩飯,貼了那篇關於林鄭唔知自己講乜的(按此閱讀),就匆匆往好友 P 屋企出發,原本冇約定的,因為 10月有 3 個天秤座生日,接下來嘅兩星期將會有 4 個好友飯局,真係見佢地多過見身邊果個!

咁,發生乜事呢?

話說黃昏六點幾時,Mrs. McDonald 美女 group chat (按此閱讀) 裡發出警報訊號,遇上人生一個重大低潮,初時大家(包括 S)不以為言,因為連日來大家都喺 group chat 保持連線,雖然知道有啲事發生咗,但以為佢應該撐得住,於是 S Mrs. Mc 記得參與幾日後 2 Oct 的飯局,有乜苦水到時可以大吐特吐,點知 Mrs. Mc 煞有介事咁話 2 Oct 都太遲,而家 down 到冇朋友,最好有 face to face support

大家大驚,小SL S 三個齊齊回應,2 Oct 都太遲的話,就 now

但正值晚飯時間,Mrs. Mc 叫大家先吃過晚飯,才 “應酬”佢都未遲,咁更好,因為 S 才啱啱返到屋企,阿媽已經煮咗飯,於是問 Mrs. Mc 有冇 suggestion 想去邊,佢嘅答案竟然係 as dark as possibleokay 明白,即刻急 call 獨居嘅 P,但無奈電話接收得唔好,未講到正題已經斷鬼咗線!

說時遲那時快,一向好鬼難約 dinner 的小 S 竟然話,十五分鐘之後 Mrs. Mc 樓下等。

那邊廂,更更更難約的 L,亦話可以接力,和家人晚飯後,揸車往接 Mrs. Mc,佢想去邊就去邊。

P 亦及時喺 group chat 出現,話佢 9:30 準時會返到屋企,大家可以直接踩去佢屋企。

重有喺大海放工返來,原本有人請佢食生日飯嘅 A,都即刻 postpone 原有嘅約會,一落船先去𣿬合小 S Mrs. Mc 食飯。

而最最最機緣巧合嘅,唔可以唔提嘅,當然係剛由強國放工返港嘅神婆 T,佢原本去緊赴另一個從英國返來的舊同學嘅飯局,佢個電話 plan 3G 的,平時要等有 wi fi 至收到 what’s app,唔知點解,路上睇到我地嘅 chat,去飯局前先往找小 S Mrs. Mc,睇睇佢有冇事,呀神婆 T 話到咗餐廳門口,推門入去果一下,有種返咗去 n 年前讀中二果陣的感覺喎,因為,小 S Mrs. Mc 吃飯的地方,係當年我地成班人最鍾意食嘅“黐飯”果間上海鋪!

結果,小S Mrs. Mc A 晚飯後,由 L 先送小S 返屋企,再一齊到 P 屋企,其時 S 已經喺果度恭候緊大家,重帶埋月餅去,邊傾邊食,一於化悲憤為口水花同食量!T 去完英國同學飯局亦來 join 我地,果時,已經係夜深喇!

差啲唔記得提,唔喺香港嘅 C 同重做緊野嘅 I,都齊齊撐!I 仲第二晚接力,同 Mrs. Mc 晚飯兼傾心事。

經過一班好友嘅開解,Mrs. Mc 心情好返好多,情緒亦都穩定返,仲話作為呢個 group chat 嘅第一受益人,之前唔信自己可以一呼佰應,今次完全感受到友情嘅力量。。。

而呢個 group chat,點止快過 999,直情快過 9 9 呀!





. 

No comments:

Related Posts with Thumbnails