Saturday, 10 November 2012

搭 lift 唔㩒 lift


唔知點解,呢個世界好多人都覺得,啲野自己唔做自然會有人做,而且重可以分享人地嘅成果,小事如搭 lift 就觀察到。

S 住的屋苑,從 UG G 層出都可以離開大廈,可能因為 S 住得算是相對高層,好多時入 lift 時係冇其他人嘅,如果自己唔㩒 lift,個 lift 唔會落,除非低層有人㩒。


試過唔少次,S lift 之後有人入,但冇㩒 lift,去到 G 之時,至發現冇人㩒過 UG ,於是要原 lift 上返去。今日又係咁,S 已經喺 lift 裡面,之後一對母女入 lift,兩個人一直喺度講野,根本冇望過啲掣,到咗 G 層,S lift,佢地至“彷然大悟”發現自己“過咗廟”,要原 lift 上返去 UG

其實,呢啲只係小事一樁,但令 S 諗起,細個時聽過嘅隅言故事,話說一班唔知狐狸定老鼠,約埋開 party,約定每人帶一啲酒,加埋就可以有一大樽,大家都有得飲,點知個個諗“縮數”,心諗,如果我自己一個帶水,但其他個個都帶酒,小小水唔會將啲酒溝淡幾多,點知結果個個都係咁諗,大家一飲之下,心照!

lift 其實真係好小事,但 S 不時見到有啲家長,喺第二啲事都好似搭 lift 唔㩒 lift 咁教啲細路,樣樣自己唔願 contribute,但又想有“派彩”(分享成果),社會上多啲呢種不勞而獲心態的人,真係唔敢想像會變成點!!



4 comments:

Quincy Luk said...

其實未必個個都係抱不勞而穫嘅心態,等於有啲人企喺撳掣位都唔撳閂門一樣,其實佢哋根本就係發緊夢。(不過呢兩類人嘅人生都係一樣-注定失敗)

卡臣 said...

發人深醒呢

SKII said...

Quincy,哈哈,講落又係,其實唔㩒 lift 果啲,有唔少似夢遊多啲囉! :-P

SKII said...

卡臣,都幾架!

Related Posts with Thumbnails