Thursday, 31 January 2013

一個人的浪漫...半天假


雖然工作很忙碌,但私務同樣地忙,今天要辦理一件重要事情,下午請了半天假,順道可跟母親和長輩茗茶,又可和美女好友們下午茶。

跟母親和姑丈丶姑母們吃過遲來的午飯後,已經是下午茶時間,正在等待眾美女 confirm 下午茶何去何從時,訊息傳來,要辦的重要事情提早完成,S 可以隨時往辦理接受程序,於是留言給好友 S 先去辦事,她們選了地方就在 what’s app 通知 S

結果美女下午茶因為大家都貴人事忙而不了了知,而 S 要辦的事情又非常順利,完成之後時間尚早,於是。。。

S 選擇了從灣仔走路往中環的香港站。。。

是的,是從灣仔行路去中環!!

原來已經很久丶很久,沒有試過漫步於日光之下的閙市,別有一番情趣,而且還幾浪漫。。。


半天假。許志安

。。。
聽一聽心經 喝淡熱茶
閉上了眼睛 終於消化
放我半天假 若未太清醒 再放半天假



Click here to like mysmallthoughts on facebook


Tuesday, 29 January 2013

退一步,海闊天空!咁,退幾步呢?


好幾天沒有更新網誌,皆因公私兩忙。

私務方面,遇上驚世野蠻人,不但止撮撮迫人丶蠻不講理丶曲都要拗到直丶還貪心到得人驚丶得一不但想要二丶而是想要十,簡直有如聊齋故事裡的妖精一般,要把俊男的精力吸乾為止!可憐 S 無辜取代了俊男,不慎跌進了妖精的陷井,現正努力掙扎希望早日脫離魔掌。

兩面交鋒,S 雖然並不退縮,但為了早點脫身,遠離無謂的煩擾,S 處處退讓,終於讓到了一個連傍人也看不過眼的臨界點,遇上貴人出手相幫。。。

貴人一有法定地位,站於中立點,原本也差點相信妖孽的偏面之詞,想離棄 S,然而貴人一洞悉世情的能力高人一等,而且妖孽死性改不了,結果因為“衰貪心”以至狐狸尾巴原形畢露,於是貴人一以手中 “上方寶劍”替天行道,把妖精從她自己創造給自己的“天堂”,打回凡間,好讓她受到教訓。只可惜,妖精就是妖精嘛,根本不會自我檢討。

說時遲丶那時快,這邊廂貴人一“拔刀相助”之後,那邊廂 S 又遇上貴人二。。。

貴人二本人是“路人甲”,“路見不平”發現妖精實在太過份,看不過眼主動幫助 S

在今次的事件中,身邊人也稱讚 S 表現了前所未見的冷靜,而且每“行”一步也聽取不同的意見丶深思熟慮丶絕不衝動丶 充滿智惠。。。嘩!嘩!嘩!講到咁“正”,早該去參選香港小姐耶!

其實,S 的原意是為了息事寧人,做人總要 “過得自己過得人”嘛,所以一直懷着“退一步丶海闊天空”的宗旨行事,意想不到的是,退多幾步,妖精變本加厲而且苛索愈來愈多,但卻曲線引領貴人來為 S 排紛解難。。。

哈哈,都說 2013 在轉運的了,下星期立春之日,但願踏入蛇年,牛鬼蛇神丶是非妖孽遠離 S 而去!!

S 早說過相信因果,這次事件雖然仍未了斷,但再一次令 S 更深信,種善因丶得善果!




. 

Thursday, 24 January 2013

PCCW 冇次做啱野嘅


每次搵 PCCW 駁電話線、電視線或上網寬頻,冇一次係唔出錯嘅,偏偏 S 以前喺新界住嘅屋苑太舊,只有呢一家 service provider,最離普果次係 S 喺以前個屋苑內從 A 單位搬去 B 單位,佢地 cut A 單位嘅上網 service 之後,竟然話冇 slot B 單位,但 S 個合約繼續比緊錢架喎,終於費氣費力又出動到話要投訴(其實佢地根本唔夠人做野,亦唔 care S 會投訴),anyway,攪咗一輪至裝返。

總之約佢地整野,error rate 100%,完全冇一次係個 order 落得啱嘅。

搬返出嚟九龍,由於一個騎呢原因,結果兜兜轉轉又係用返 PCCW,最近又搬屋,又係喺同一屋苑內搬遷,今次亦冇例外,又係錯,明明約好同日搬 under S 母親個名嘅 fixed line 電話線丶同埋 under S 個名嘅 broadband service 到新單位,果日重要 S 特登放假等收野同安裝等,點知師傅上到嚟,話只收到接駁電話線嘅 order,而冇 order 係唔會替 S broadband 嘅,擾攘咗一陣,唯有打上台。。。

As expected,等咗一大輪至有人聽電話,解釋一輪又係比人耍,但今次有啲奇怪,就係 S 冇要求,但接線生駁咗去比當值經理同 S 講,原本搵個高級啲又話得事嘅人嚟處理,應該係好事,點事竟然係重衰,第一,阿當值經理根本冇瞭解件事,完全唔知發生乜野事,即係要 S 重覆,真係火都嚟,但更火嘅係,阿當值經理話:

要向落錯 order team 瞭解錯咗啲乜,點解唔安排同日幫 S 整?又話要因為要“幫”S,要慢慢同 S 傾。

真係聽到都把幾火,結果又係發爛渣,但 S 做人好有原則,發爛渣都要有道理,於是一輪嘴同阿當值經理講:

你有冇錄音?(有)咁就最好,你錄起以下我講嘅野,唔好要我重覆。。。

第一,我唔係要投訴任何人,你內部要查邊個錯,你慢慢,話知你本一日丶一個星期定一年,唔關我事,我要嘅野係根據之前約好,你地今日幫我裝電話同 broadband

第二,我唔駛你慢慢同我傾,傾得嚟你個師傅都駁完啦,佢原本喺我屋企,如果唔係要嘥時間打電話上嚟傾嚟傾去,佢(師傅)一早就裝好,應該走埋添啦。

第三,唔該你攪清楚,你唔係幫緊我,而係幫緊你自己,如果我今日至打電話嚟要你今日幫我搬,咁你就係幫我,甚至可能係我無理取閙,但而家明明預先預好晒,你地漏咗 order,做返好係應該嘅,唔好講到好似好幫我咁。。。

重有,我再講多次,我冇話要投訴任何人,你內部查乜唔駛同我交代,你只要向我交代今日幾點搵人上嚟駁埋個 broadband 就夠啦。

S 閙果個當值經理當然唔高興,但冇辦法,鬼叫係佢地自己出錯在先,結果又廢話一輪之後,安排同日黃昏到 S 家安裝埋個 broadband。。。

咪係囉,一早即刻話幫 S 安排返,咪大家都慳返啖氣囉!




. 

Thursday, 17 January 2013

2013 唔駛算都知轉運



2013 雖然在不同範疇都有一些挑戰和難題有代面對和解決,但新年伊始,發現諸事皆順,在某件私事甚至有遇貴人之感,其實 S 今次遇到的只是萬事有商量丶“好來好去”的“正常”人,只是之前“遇人不淑”,“曾經滄海”之後,特別有感。

所謂萬事起頭難,今年既然有個好開始,真係唔駛算都知轉運。

之不過,S 雖然信命,但更信因果,從來都本着“過得自己過得人”的宗旨做人,覺得做人做事,無論如何,最重要的是千萬別要立壞心腸,有如“嚦咕嚦咕新年財”裡劉華所說。。。

人品好,牌品自然好;牌品好,好運自然來。

S 不喜歡打麻將,但認同,人品好,好運自然來,風生又水起!




 

Tuesday, 15 January 2013

Band 仔唔易做


S 成長那年代,香港樂壇的 band sound 佰花齊放,「太極」已經走紅,還有其他樂隊或組合,RadiasBlue Jeans丶很“書院派”的 Fundamental丶算得上另類但 S 很喜愛的有達明一派丶當然還有後來最紅的 Beyond

S 雖然不至於喜歡 hard rock,但 pop rocksoft rock 可謂 S 的摯愛,曾經為此而學過一陣子的結他,可惜手指唔夠力(按 chord)又怕起“枕”丶加上沒有恆心,練不出什麼成技術便半途而廢,安份守己做回聽眾。

雖然如此,聽歌的口味離不開 band sound

幾年前和朋友“久別重逢”,始知他近年練了一手好結他,小時候沒有機會學,長大了更加珍惜機會,朋友比 S 有恆心得多,而且也許因為男生的手始終比較有力,雖然成年後才開始學,從木結他到電結他丶從民歌到搖滾都比得上“出唱片”的水準,我們從前從來沒有一起唱過歌,但那次即興一起唱了幾首,好好玩。。。

於是說好以後要相約出來夾夾 band,但時間很難遷就,終於在早幾個月前的夏季,趁着 TK 從外地回港聚頭,相約一起吃晚飯後“直落”的節目,就是去玩 S 這生人第一次的“夾band”,由於家裡有兩個人學過打鼓,而 S 好歹也有一丁點兒的音樂基本知識,即席試打也有板有眼,只不過,不試白不試。。。

試過始知道,打鼓這回事,一點也不容易,除了要有很好的手(腳)眼協調之外,良好的體力也是先決條件,因為不斷地要手丶腳丶眼丶腦丶甚至聲也並用,不單止很累,攪不好還會抽筋。

我們玩了一晚,彈結他的丶打鼓的丶唱歌的都又累又熱到“出晒汗”,而唱歌的 S 還聲音沙啞,朋友笑道。。。

Band 仔真係唔易做!!


P.S. 很羨慕表姐 W 和表姐夫又彈得丶又唱得丶又打(鼓)得,可以足不出戶也在家夾 band!!




. 

Sunday, 13 January 2013

帶把呎出街


S 從前好怕煩,家裡的鎖事並不喜歡理,但自從 56年前,那次“大裝修”開始,親力親為從單位的間格設計、到選料、再到購買建築材料、傢俬電器等都由自己“操刀”,發現雖然煩鎖,但從中學會了許多,例如座廁分“地下”或“後置”去水,購買前要查清楚,要不然不一定啱用,但某些款式是“自由咀”,無論單位的去水位是如何,也可以。

而從這“學習”過程中,又發現了箇中的樂趣,還學懂如何好好利用自己負擔能力範圍以內的資源,換取最好又最啱自己心水的東西。

最近又要買電器,昨天去看洗衣機和雪櫃,其中一個在大減價丶容量又大的雪櫃很啱 S 和母親的心水,可惜自從做回“市區人”之後,地方不似從前住在新界大西北那邊寬敞,雖然因為那個價錢只做到昨天,好想立刻買,但不敢“輕舉妄動”買回去,因為萬一放不下就不知怎麼辦。於是向售貨員查問,真的不可以遲一天麼?她說那是公司政策她也沒法子,最後 bargain 至如果 S 昨天落單買洗衣機,今天再回去買雪櫃的話,可以用昨天的減價價錢,嘻嘻,如是這就先買了洗衣機,反正已經選定了!

今早再詳細量度放置雪櫃的位置,才到電器鋪細看,這次索性把拉呎也帶在身邊,以便量度得更準確。。。


只可惜,S 和母親都喜歡的那一個,真的厚了大概半吋到一吋,就只差那麼一點點,無法買到最抵的那個!但最後選了的(圖中那個)也很好,容量和價錢沒原先那個那麼好,但耗電量較低,還可以啦。


Saturday, 12 January 2013

命中注定做 Apple fans


S 開始 “Losing My Apple Religion”,近期換電話棄 iPhone 5 “轉會”至 Samsung Note II 之後,不知是否教主在天之靈,還是覺得 S 這個小 fans 最好。。。

一向沒有“橫財”或“抽獎”命的 S,昨天竟然有一部全新的 iPad mini “從天而降”。。。


YeahYeahYeah!

還未捨得“開封”,等一會先去為他買件“靚衫”和保護貼,才開始玩新玩具!






. 

Thursday, 10 January 2013

“咖啡”唔抄行車証,唔好開心住!


S 身邊的朋友有不少奇人異仕,不時會有啲非一般嘅遭遇,今次好友 JC 呢個“騎呢”丶攪笑兼昂貴,S 同佢講,放上 blog 都唔知有冇人信(咁低能)!

咁,即係乜呢?

話說好友 JC 某日無端端收到政府信,通知佢要上法庭。。。

嘩!咩咁大件事?

原來指控係佢架車行車証過咗期!?

冇理由㗎,好友一向奉公守法,明明依時換領了行車証,而且冇收過告票,於是問吓身邊個大慒男人 R。。。

R 都話從來冇比人抄過牌喎,諗來諗去,終於“恍然大悟”,有可能同呢個有關。。。

話說某日唔知喺邊,停低咗架車,有個“咖啡”行過嚟,話佢個行車証過咗期,但冇問佢其他野,亦冇抄牌、冇比任何告票 R 就走咗。

再經過一大輪“調查”同“研究”,終於明白,原來行車証過期(expired or invalid registration)的話,警察至會抄你牌,而“咖啡” 係唔會因為呢樣而抄牌或比告票的,但咁並唔代表你冇犯法,只係個 case 唔知經乜途徑直接去咗 court,即係有乜辯駁的話,你自己同個官講啦!

雖然好友明明已經依法兼準時比咗牌費更換新行車証,但原來 R keep 住咗一直冇貼上架車度。而法例嘅要求係“出示有效嘅行車証”,話知你一早就比晒錢,總之你冇將個有效嘅行車証出示就係犯法!!

既然如此,唯有認罪求情,於是 JC 以書面回覆,“認罪”兼請求輕判。。。

結果得到法庭“輕判”,無需“樣衰衰”出庭兼企入犯人欄認罪,並且獲得“輕判”罰款 4 倍(4 of 唔知乜野),總之盛惠二千四!

呢個教訓,真係“騎呢”兼昂貴!!





 

Wednesday, 9 January 2013

Mr. x 許志安。世紀末煙花


15 Mr. New Beginning Live 的第二場演唱會,有人靚歌甜的新進女組合 Robynn and Kendy Alex Lam (林子祥的兒子)合唱 “Extreme” 的經典情歌「More Than Words」,超動聽,但 S 沒有錄;而意想不到的是,竟然還有和夾 band 似乎格格不入的許志安,雖然風格節然不同,但又幾好聽。。。







 

Monday, 7 January 2013

三年看兩次 Mr.


原來 S 也可算得上 Mr. 的幾忠實的 fans2008 年買他們的第一張轉輯時,是 S 不知多少年以來第一次掏出真金白銀買歌聽,不但因為喜歡他們的歌,更因為認同他們對創作的熱誠。

2010 年,S 去看 Mr. 第一次 concert,被朋友揶揄“同靚妹爭飛”,沒法子啦,S 心境年青嘛!只不過,話雖如此,到了他們第二次開演唱會,S 沒有去看某程度因為朋友的 comment

到了今年第三次,由於近期忙到“冇朋友”,沒有 follow 這些,到了他們開 show 的前一天,同事問 S 會不會去看,才“拿拿臨”於 last minute 買票。

好看,完全沒有冷場,快歌慢歌皆動聽,而三年看兩次,不謀而合,壓軸歌曲都是 S 在他們不同專輯裡最喜歡的歌曲。。。

那一次是「感動」,今次有「那年這天」。。。







 

Thursday, 3 January 2013

修眉從此變回樂趣


自從之前幾好用果個眉鉗壞了之後,一直買唔返一個 S 覺得好用嘅,加上多了去美容院,有一段日子,梳於自己修眉。

但近日忙碌得分身不睱,連去美容院都唔夠時間,剛過去的星期日忍唔住,再去買過一個眉鉗,終於被 S 遇上呢一個,外型明顯是為替自己修眉的用家而設計的,隻手攞住個眉鉗時,手踭可以“枕”在枱上借力,唔駛好似傳統“直身”果啲咁,攞住個眉鉗時手踭要“凌空”吊在半空中,好容易攰,令修眉“功力”大打折扣。

嘻嘻,有咗呢個“好拍檔”,修眉從此變回樂趣 ^_^

一齊睇睇效果如何。。。






. 

Tuesday, 1 January 2013

立即變灰… My Snow Leopard!


大概一個星期前的聖誕前夕,為了買聖誕禮物給年青人(按此閱讀),到了廟街一行,離開時,擺街的檔攤開始開檔,見到這個豹紋 Notes II 套,雖然圖案比較激,但又幾好看,於是買了一個試試,原想買豹紋的“原色”啡色,但既然要“激”,又想襯托一下冬季氣份,索性一不做丶二不休,挑戰最難保養的雪白,買了隻 “Snow Leopard”,回到家裡,立刻為 Notes II 換上新裝過節。。。

雪白底色襯上黑色圖案,對比效果很好看!


之後如常使用,沒有刻意弄壞或保養,怎知今天留心看一看。。。

不得了,底部有一個範圍開始變灰,應該是手提着手機時貼着手掌的位置,真想不到,my Snow Leopard,有如那個播放了經年丶由曾江主演的染髮劑廣告。。。

立即變灰,真係得嘅!



Related Posts with Thumbnails