Wednesday, 27 February 2013

S 不入官門!


之前被妖精纏身一事,終於暫告一段落,而戲劇性的是,在退完好多步之後,不但海闊天空(按此閱讀),現在情況變成 S 佔上風,S 不但有足夠理據、還有足夠“贏面”提出民事起訴,以法律途徑向對方提出追討。

不止一個朋友問過 S 何不主動出擊,來一個 “下馬威”,好讓對方死心。

S 的答案是:唔會啦,唔想攪咁多野,又唔係多錢。

男朋友 T:但而家佢“爭” 你,又有以前的 cases 做例,你會贏喎!

S:但我唔係痴線架囉,費事嘥精神。。。“生不入官門”呀,我告人都係官非。。。

男朋友 T:咁又係。。。


是的,S 不想同妖精一般見識,而且。。。







. 

Tuesday, 26 February 2013

緣盡,捨了才會得!


面臨某段關係的終結,哀莫大於心死,情緒低落!

在美女 group chat 留言在,神婆 T 開解 S 道。。。

套用佛家說法,二人緣份已盡。

謝謝 T 的關心和開解,可惜 S 只是個常人,雖然明白,但仍然捨不得,無奈皆因在預期之內丶卻又在掌握之外!!

其實,活了這些年,並非沒遇過,只是沒有預期過並非男女關係,亦會令人上下忐忑,內心戚戚然。。。

神婆 T 再來一句:好好學懂“捨得”吧,只有捨了才可以得。。。




噢,是無巧不成話麼?原來去年昨日,也是寫緣。。。有一種緣叫無緣!



Saturday, 23 February 2013

爛佬怕潑婦,咁潑婦怕邊個呢?


俗語有云“好佬怕爛佬,爛佬怕潑婦”,咁到底潑婦又怕邊個呢?

S 最近發現咗答案,但先講吓估仔。。。

話說 S 龍年行衰運,遇上蠻不講理又貪心嘅妖精,好彩 S 冇學妖精嘅一般見識,反而冷靜地分析事實丶沉着應戰,終於忍到有貴人出手相助(按此閱讀),事情而家算得上暫時告一段落。

其實呢件事並非完全反面,經過呢一役,S 亦有所得着,第一係 EQ 明顯有進步,二係事件成為活生生嘅反面教材比 S 去教 M 分析是非黑白,甚至學到一啲法律知識。

哈哈,進步咗嘅 EQ,最近有派用場,用來對付潑婦。。。

話說最近一個場合,橫蠻無理嘅潑婦不斷咁搵啲好夾硬嘅理由“砌”S 一方,一時話我地點做野丶有時甚至話我地唔做野,實情係果啲野唔關 S 一方事,S 於是嘗試解釋比潑婦聽點解,但不得要領,潑婦唔願聽之餘重打斷 S 的說話,但又繼續“砌”,一向 assertive S 再次重覆原因,但忍住冇發爛渣,點知。。。

潑婦好惡咁閙 S:唔關你地事呀,我係問呀邊個!!!

嘩!嘩!嘩!潑婦發惡,全場即刻鴉雀無聲啦。。。

怕事嘅人唔敢出聲,而八掛嘅人等“睇戲”嘛!睇咩戲?咪就係等睇 S 跟潑婦一樣發爛渣,咁咪好戲連場兼大把八掛是非講囉!!

點知 dead silence 咗幾秒,S 笑笑口回應:完全同意呀,咁呀邊個唔該你攪掂佢咯喎!!(其實呀邊個係有名有姓嘅,潑婦同 S 當時都係叫佢個名嘅,只係唔方便喺呢度寫)

哈哈,其實 S 想加多句話『嗱嗱嗱,都話唔關我地事架啦!』不過忍住咗,又唔係想撩交哎, 無謂降自己格啦!

反正潑婦自己都衰咗喺自己手上咯!正一“面就人地比,假就自已丟”,所以。。。

潑婦最怕嘅。。。咪就係佢自己囉!

以上小故事,如有雷同,實屬事實,皆因潑婦多過 7-11,“梗有一個喺左近”,如果要同佢地過唔去,咪即係搵自己笨!?但如果有人要自己對號入坐,咁適隨專便喇!

寫完呢個,S 去“覺覺”(睡覺)。。。

祝大家周末愉快!!





 

Thursday, 21 February 2013

“型”又輕於鵝毛!



S(對表姐 W 和表妹 D講):我買咗件金色嘅褸。。。

(唔記得係邊個)W or  D:吓!? 咁激!!

S:係呀,見有折,買件特別啲,希望唔好變強國人啦!!

W or D:一陣攞出嚟睇下。。。


W and D(一人一句):都 okay 呀,唔係好金啫,我重以為成個“利是封”果啲“金”,其實有啲似米色。

S:嘻嘻,係咩?咁都好啲。。。不過佢唔係好似呢個牌子 typical trench coat 咁唔止擋風又保埋暖,呢啲咁嘅色只係要個款,所以唔保暖亦輕好多,但唔知幾時著好。。。

W:而家啲天氣咪啱囉。。。

S:但呢排放假(S W & D meet up 當日係年初四)唔駛返工,點呀?唔通著嚟落街買野咩?

D:過年重有咩 party 呀?

S:係喎,過兩日約咗人,即刻著。。。

結果年初六“開封”。。。型!!^_^





. 

Tuesday, 19 February 2013

“型”有千斤重!


剛過去的一季,因為貪戀折扣,買了兩件外衣,一件是 S all-times favorite 皮褸,復古的 vintage style 加上特地磨舊了的皮夾,非常的有型有格,但由於皮褸並非很保暖,內裡的保暖層非常的有份量,於是,有型的代價是。。。


一字記之曰。。。“重”!!

事先張揚。。。





. 

Monday, 18 February 2013

鼓勵丶鼓勵。M Plays Waltz in C Sharp Minor Chopin


今天 M 參加青少年鋼琴比賽的初賽,主持照例溫馨提示大家,於參賽者演奏時應保持安靜和不能拍攝等,但加了一句:只要冇聲,可以影自己個仔女。

於是 S M 拍下了他的演奏,作為參考。

雖然未知能否進入決賽,但 M 盡了力,而且表現得不錯,無論結果如何,不失為一次寶貴經驗。。。



在寫這個之前。。。

S M:我寫個 blog 貼出來好唔好呢?
MErr … 睇唔到個樣 都可以嘅





 

Saturday, 16 February 2013

Sense of Existence


M:有同學問我點樣可以增加 sense of existence…

S(心諗好深澳喎):叫佢做啲特別啲嘅野囉!

M:係呀,我叫佢整 homework list 同做 (homework) 人肉 reminder…

(註:M 是班上的 “homework controller”,即是每天在 facebook 內更新明天要交的功課清單,初時 S 以為是老師 assign 他做的,上次班主任來我們家做家訪時(按此閱讀全文),S 才知道 M 是自發的)

S:哈哈,呢啲就啱啦,特別還特別,千祈唔好“諗錯隔離”,有啲人為咗引人注意可能去偷野丶甚至吸毒,就係想人比多啲 attention 佢,咁係大錯特錯架!

M:係嘅。。。



Friday, 15 February 2013

情人節的食糊 timing...


尋日係情人節,有人生日又正值仍然放緊農曆年假期,壽星仔於是約咗爺爺、嫲嫲和婆婆來個"嚦咕嚦咕"麻雀大戰。

嫲嫲到而家都重記得,舊年輸咗廿幾蚊比 M,今次要報返一戰之仇!


好好笑。。。

M:兩番(食糊)。。。(然後一邊在查看未摸果啲牌,睇吓下一隻摸乜)。。。吓,乜你(嫲嫲)咁嘅 timing 打比我架,下一隻我自摸呀!

嫲嫲:哈,唔打(比你食),你自摸咪多一番,而家你食兩番好過咯!

M:吓。。。

結果大戰一場,薑當然係越老越辣啦,M 埋單計數輸七十幾蚊,冇所謂啦,咪當津貼反啲利是錢比長輩飲茶囉!




. 

Wednesday, 13 February 2013

想快反而慢。欲速則不達


那天離開 Singapore Zoo 時,發生一段小插曲。

當時正值黃昏五時多,還有十幾分鐘才到六時,這是星加坡不容易截的士的時間,因為六時便開始收 peak hour surcharge,不少的士司機這時會先"躲起來",等到有附加費才再開始做生意,所以等的士人龍排得很長。

S 排得也頗後,估計要等大概二十架的士才輪到 S 一家。這時候有一個看上去有些印度血統丶但不知國藉的肥女人,明明原本排在 S 之後不知多少個,不知怎地,無端端站了在"龍頭",手上拿着一些現金,真是"司馬超之心",路人皆見。。。就是想"打尖"!

果然不錯,人龍好不容易才等到下一架的士抵達的士站,的士甫停下來,排在龍頭第一位那幾個同行的少女和女士想先和的士司機商討好才上車,於是站了在車外和坐在車內的司機對話(註:在星加坡搭的士很麻煩,一來不同車款有不同的收費和附加費、二來在某些時段的士司機是可以“揀客”自行選擇前往那一地區的乘客才接載,所以不時會見到如此的“對話”場面)。。。

那肥女人唔知醜地問排在第一位的少女,又摸摸少女的臉脥,明顯地想施“軟功”想少女讓她先上車,但不得要領,誰不知說時遲丶那時快,那肥女人竟然二話不說自行上了的士,還揮手叫和她同行的另一白人女人上車,此時在排隊的所有人同時起哄,又叫又嚷,令那個白人女人不敢走上前上車,而那邊廂,在的士上,司機正和肥女人交涉,最後那肥女人終於“死死地氣”地下車,讓原本排在第一位的人上車。(要知道,星加坡的的士司機都是替政府“打工”的,要是有什麼“行差踏錯”,被遊客投訴的話,也許連工都冇得做,試問又怎會做肥女人打尖的“幫兇“呢!?)

這時候,大家以為事件告一段落,怎知,“唔知醜”的人原來是“死性不改”的,肥女人竟然想“打尖”排隊排前些,走到比 S 更前的位置。。。

這當然又惹來另一次起哄,不斷被人唾罵,最有趣的是,在 S 前面的強國人也贈肥女人和白人女人一句 “bullshit”,最後,肥和白女人唯有乖乖走到龍尾去去排隊啦。這時候。。。

M S:我記得你話過,有時越想快反而重慢,呢個女人就係咁,好好地排隊咪好囉,而家重要比人閙。。。
S:係呀,唔係樣樣都有捷徑架,唔想加錢 call 車咪同大家一樣排隊囉。。。

哈哈,S 一向以為 M S 給他的教誨都是“左耳入右耳出”,原來 M 已經俏俏長大,有意思丶有道理的,M 不但銘記於心,亦懂得運用來辨別是非。

相關網誌:





 

Tuesday, 12 February 2013

Singapore Zoo。可愛小河馬


關於星加玻,S 最喜愛的莫過於她的動物園 Singapore Zoo,這個動物園的主要 “賣點”是在可行的情況下,不會用籠去困着動物,只會用自然方法,例如挖很深或很寬的坑,使有攻擊性的動物如老虎丶獅子等難以跨到遊人的探訪區,即使牠們嘗試跳過來,掉盡了深坑仍是難以爬到遊人區,但幾種豹如 jaguar and leopard 或住在水裡的動物等都是被養在用厚厚玻璃造的“玻璃屋“內的。

S 雖然從前已經去過 Singapore Zoo,但不經不覺,原來對上一次探訪已經是整整十年前的事,而 M 和母親到從沒去過,當然要去看一下。

那天雖然下着雨,但無損玩樂的心情,雖然沒有帶單反“大相機”,而是只帶了輕巧的袋裝機 Cannon S95,也拍下了一些值得分享的 moments,先來看看這隻可愛小河馬,初三赤口向大家拜年。。。





相關網誌:





. 

Sunday, 10 February 2013

戀戀獅城。驟晴驟雨好運遊


在星加玻的幾天以來,天氣都是驟晴驟雨、時好時壞,typical 的亞熱帶氣候,雖然前往時已查過天氣,預備了雨傘,但一向有一點點冒險精神的S,抵達後並沒把雨傘帶在身邊,返正是去玩樂嘛,萬一弄濕了,咪整返乾、有必要的話,還有藉口在彼邦添新衣!

哈哈,只不過,又是那一句,2013S的好運年,好人總是帶一點好運的,幾天下來,每次都能避過大雨。。。

第一天,雖然時晴時雨,但S只碰上微雨,沒打傘也並沒有被弄得滿身濕透,於微風細雨中從 Sands Hotel 漫步往 Esplanade 反而可算得上另一種浪漫!


第二天,在大部份是露天的 Universal Studio,在大門口影"到此一遊"的"招牌相"時還要架著"黑超",玩了大半,甫步進"有瓦遮頭"的 Transformer area,天公竟然打起雷上來,過了不一會,外面更下起滂沱大雨,雷雨交加,很有電影 feel,彷如置身電影災難場面,有如避過了一劫一般!

嘻嘻,雖然如此,還是買了 disposal 的塑膠雨衣傍身,即時穿起,非常遊客 feel。。。

第三天,到了 S favorite Singapore Zoo,慳家的 S 帶備了早一天在 Universal Studio 買的即棄雨衣(當然之前一晚把雨衣在酒店吹乾了),以備不時之需,到達時陽光普照,又是帶晒"黑超",觀看 Rain Forrest animal show 時甚至要吃雪榚消暑。

之後當S一家剛進入有蓋的食肆區域,還在猶疑是先吃午餐還是再"hea" 一會時。。。老天爺竟然狠狠地下起大雨來,雨勢大得有如天公在嚎哭一般,於是,不用多想啦!當然是留在室內吃過午餐才再作打算,之後一整個下午,都只是下著毛毛細雨,天氣反而沒那麼悶熱,like

最後一天,吃過早餐 check out 後從酒店步往 Orchard Road 閒逛了不久,短短的路程已叫人汗流夾背。

急急走進高級商場 Ion 和傳統佰貨公司 Tang's 繞了一圈,原想再循 Orchard Road 走下去,感受一下走在"星加玻彌敦道"這條大街的感覺,哈哈,怎知又再遇上"外面下著雨"的場面,和早兩天一樣,又是滂沱的大雨!

其時已經是下午二時多,於是在 food court 隨便吃點午餐,怎知最想吃的炒貴"丟"和雞飯都已售馨,因為今天是農曆年廿九,food court 三時便收爐,而食物供應有限於較早前已售馨,唯有轉食 Indian food 和其他炒河等。午飯過後,天色又放晴,於是繼續在 Orchard Road 上逛,到了已在香港消失了的 Isetan 逛了一會,M 和母親都累了,而外面又下起大雨來,於是索性坐下來嘆優閒情人節 chocolate fondue, 雖然這個在香港的 Haagen Dazs 也應該可吃到,但一家人齊齊在彼邦吃,別有一番風味。。。


嘆完下午茶,悲慘的排隊等的士旅程來了。。。話說在獅城等的士一向是一件慘事,今天還正值是農曆年廿九,不少的士司機提早收工,雖然我們肯加錢 book or call 的士、商場的禮賓部又肯替我們 call,但沒有的士應 call,結果在大雨陪伴下,排了半小時多些終於上到的士,先 detour 回酒店取行李再前往機場,遇上好好的士司機,在 1757 just in time S一家送抵機場!(話說 1800 開始便要多付 25% peak hour surcharge),嘻嘻,又慳返一筆!

同場加影,回程之時,香港的假期才正式開始,S坐的航班,乘客非常的疏落,我們毎人坐了一整排,又一個 like

M 在旅程中曾怨道:點解我哋嚟呢幾日猛落雨架!?
S答道:幾好吖,次次落雨我地都避過唔駛"dun",我覺得我地好好運呀,落下雨重唔駛咁熱添。。。
M:又係嘅。。。
S:係囉。。。

係囉,做人這回事,開心、傷心、好運、惡運,其實是每人頭上一片天,希望大家蛇年行好運!

註:寫於 201329日,年廿九

上一章:

Click here to like mysmallthoughts on facebook



. 
Related Posts with Thumbnails