Thursday, 7 February 2013

戀戀獅城。憨居吃蟹記


早兩天自製提早年尾收爐,趁着農曆年還未到,又 match M的學校假期,昨天到了獅城小遊。其實 S 到過獅城多次,甚至曾在那兒小住過一段短日子,但以遊客身份,這可算是第一趟,還做盡只有遊客才會做的"儍事"。。。

第一天,乘了早機,抵達酒店正值午飯時間,到酒店 check in 後,先往從未到過位於牛車水的唐人街,隨意選了一家飯店吃地道的海南雞飯,好味。之後去買豬肉乾做手信,「林志源」出品的豬肉乾,S吃過不少,但花時間排隊去買,這倒是第一次,到達時才下午三、四時,門口的姐姐仔竟然說存貨並不多,排到S時並不能保証有貨,但見反正有時間,即管排排吧。。。

哈哈,結果証明"堅持信念"是對的,朋友等吃 S 的手信啦!

然後到了Sands Hotel 一遊,S不暏錢,暏場過門而不入,原想到空中花園
Garden by the Bay 看看風景,但天色不好還下起雨來,匆匆"到此一遊"便要離開,不值一晒。

晚上到了同區 Esplanade 內的No Signboard 吃星加玻馳名的辣椒蟹。。。

如果 S 的記憶沒有出錯,十年前 S 在此出差小住時,同事曾和 S 在此吃蟹,同事都是地道又並非豪花的人,還說這兒比起 East Coast 抵食(當時S已經到過East Coast),怎知,竟然在此吃了此生吃的最貴一隻蟹!

該從何說起呢。。。

話說 S 吃了一半,發現發票上寫的價錢比 S 心算的貴了差不多一倍!事緣吃蟹和在香港吃海鮮一樣是"斷秤"的,侍應生在落 order 時清楚說明蟹有多重,而菜牌上亦明碼實價標明了每 kg 的價錢,只是S 在心算時不知怎地計錯數算少了一半!既然如此,人家又沒欺騙又沒取巧,當然是"食咗至算"啦,而且又真的幾美味。。。

一隻重2.8 kg 的阿拉斯加蟹,一蟹兩食,一半辣椒炒,另一半芝士乾炒,初時一心想吃辣椒炒,原來後者更好味,而且頗為特別,芝士帶小辣,而個汁"收水"收得很好,比較杰,味道沒有被 diluted!反而傳統辣椒蟹,雖然也好吃,但沒什麼新意。

結果除了這隻巨蟹,我們只點了一碟菜和幾個小曼頭,M 沒啥大興緻吃蟹,吃得剛好的份量便吃曼頭,結果巨蟹大部份由三個成人瓜分。。。


後記:回應 inner space,S 頗為肯那是一隻巨蟹,因為只有一對可以比美 KFC drum stick 般大小的巨型的蟹蚶,而蟹腳都“齊齊整整”,所以應該是一隻,至於是否“足秤”,那就比較難verify 因為他們沒有在 S 面前秤。

10 comments:

卡臣 said...

玩得開心啦

Coffee said...

在那邊過年呀?祝新年快樂!

l.minor said...

芝士炒未食過,遲下過去可以試下,你講開無招牌,野係好食,但佢地d態度一般

不過你講East coast果度唔係一樣都係no sign board? 不過East Coast聽聞係俾遊客去,情況就好似香港西貢一樣,價錢好海鮮都唔出奇

the inner space said...

噢!我不記得由誰的blog一路咁游過來的

講起吃蟹哈哈
新加坡吃蟹記
我們叫了兩隻
講好價錢之後
一大碟蟹上檯
才吃了一小會
發覺有六隻蚶
仲喺不同大小
砌不回兩隻蟹
咁樣點去應對

佛爺 said...

祝你蛇年飽嚐美食!

SKII said...

卡臣,謝謝,昨晚已回來 ^_^

SKII said...

Coffee,昨晚已回來,趕得及過年, 我也祝你新年快樂!

SKII said...

minor,是的,兩邊的 No Signboard (East Coast 和 Esplanade) 應該是同一集團的。講到 service,千祈唔好有期望,如果唔係只會激親自己,不過可能近年遊客多咗,今次已經叫做好咗的了!但𠸖野 in general 貴咗好多好多!

SKII said...

inner space, 謝謝你來訪,我食果隻應該係一隻,原因加了在文中的“後記”,有時間可以睇睇。。。^_^

SKII said...

佛爺,大家咁話!

Related Posts with Thumbnails