Sunday, 31 March 2013

一 Keep 十年


趁着復活節 long weekend 執拾一下雜物,赫然發現一條一 keep 就 keep 了十年的鎖匙。。。

上圖是 S 自製的小型密封“信封”, size 剛好只夠放一條鎖匙。
由於“封存”得很好,要小心奕奕才能夠不“折爛”又打得開!

十年前 2003,“沙士”過後,S 第一個 trip 是往瑞士公幹,那是 S 此生人唯一一次到瑞士,可是公幹過後便匆匆離開,並沒有留下遊玩,返之折返了“轉機站”倫敦,與家人會合,stay behind 了差不多兩星期。

其實,這並非 S 第一次去英倫,但仍選擇“一去再去”,皆因 S 身邊人有不少朋友住在那裡,不但可以探朋友,又可以帶 M 見識一下,更可以順道探望原本只往那邊唸大學丶結果在彼邦結婚和安居的表妹 C,一舉幾得,何樂而不為?

倫敦的生活指數非常高,如果住酒店兩星期的話,條數將會“好襟計”,幸好朋友 P & Y 是好客之人,正所謂出外靠朋友,如是這,S 一家就住了在他們家兩星期。期間 P & Y 大部份時間都要如常上班,是以把一條大門鎖匙交了給 S,好讓我們可以自由出入。

到了 S 一家離開倫敦丶打道回港那天,P 由於是在 Heathrow Airport 上班(其時正在做 Terminal 4 那大型 project),他大清早先替 S 一家把行李“車”了往機場,於是 S 那天仍可“爭取時間”玩樂至最後一分鐘才輕輕鬆鬆地自行往機場,之前說好了到機場會合 P 時一手“交收”行李丶一手交收他家門鎖匙。

可是到了機場,匆匆交收了行李和道別,大家都忘了“鎖匙”這東西,到 S 發現時已身在往香港的航機上!

之後 2007 S 曾再往倫敦,那次也是公幹,雖然只留了幾天,也有和 P & Y
meet up,但由於執拾行裝的清單上並沒有 “P & Y’s home key” 這一項,沒有把鎖匙物歸原主。

到了 2009 Easter HolidayP & Y 一家回港渡假,我們不但止有 family gathering,他們還到訪了 S 當時的家,只是大家玩得興高采烈,還記得我們一起電足球機,沒有人記得那條鎖匙!

四年之後,P & Y 一家今天又回來了過 Easter holiday,大伙兒相約了明天到 M 小姐(其實現已是兩子之母)的家 BBQ 。。。

哈哈,剛好今天把一 keep keep 咗十年的鎖匙翻了出來,雖然不知他們會否更換了鎖頭,理不了那麼多,明天一於 “原壁歸趙”!





Friday, 29 March 2013

地產霸權,保齡殞落



昨日同 M 去打保齡球,又收到一個令人失落的消息,就係位於 Emax 嘅保齡球城,將於四月一日結業。

失落!因為保齡球係 S 最愛嘅球類活動。

S 小時候尖沙咀有間叫 BurnswickS 總覺得喺果度打波會好有型,但果期 S 年紀太細,從來冇去過。

青少年年代,由於表妹 D 
家住港島,我地兩個去得最多嘅係南華會,80's 年代中,可以話係保齡球嘅光輝歲月。。。溜連得最多嘅係太古城、德福、淘大,遠小小有油塘丶美孚丶荃灣,後來新小小有沙田新城市丶黃埔。

經營一個有規模嘅保齡球場,地方要大,保養又多,因為保齡球道長闊丶左右要幾多位都有標準,而球道係木板丶重有運球機丶近年電子化咗嘅計分機,全部的保養都幾煩鎖。

到咗 80 年代尾丶90 年代中,香港地產起飛,而 S 嘅摯愛活動就開始殞落,租金貴,係極需要空間嘅保齡球場頭號殺手!!

最記得果年係 199X年,S 同另外三個都係去咗外國幾年嘅朋友相約去太古城打保齡,到咗太古城,搵極都搵唔到個場,大家都以為自己記憶力有問題,唔確定個位置,於是去查問,保安員驚訝地答「執咗笠好耐啦喎!」,我地幾個唔止面懵懵,重有啲失落。。。

而呢個重係一個非常持續嘅失落,之後德褔丶淘大相繼“執笠”。

取而代之係一啲唔受地產商“垂青”丶所以租金還可以嘅“過渡場”或“新場”,例如。。。

舊機場啟德大樓,在未落實發展計劃時,就曾經係一個好有規模嘅保齡球場,大約十年前,S 和好友 JC R 有幾年每個周末星期五丶或星期六晚就會喺果度“打躉”,個場雖然大,但打波嘅人更多,成日要等到半夜三更至有得打,但都不亦樂乎!

重有初開時嘅奧海城,果時不但冇自由行,連本地人都少嚟呢個場,所以亦有一個好大嘅球場,最記得某年 JC 生日,我地帶埋重係好細個的 M 嚟打波,但等到好夜丶M 又想玩但又唔聽話,S 發晒“脾四”,但爛玩嘅 S 結果都係打埋波至走。

之不過,呢啲記憶全部都變成“明日黃花”不可再了。。。

啟德大樓早已因為建郵輪碼頭而被移為平地。

而奧海城個場,喺 S 決定從新界大西北搬返出嚟九龍西果個星期“執咗笠”,記得嚟睇樓果排,M 次次話想去打波,S 總係話下次,第日我地住得近, 一定會再嚟,反正 weekday 嚟打好方便, 點知簽完臨約之後果個周末想去打,球場剛執咗笠。失落!

但更失落嘅係,因為咁,我地轉移去美孚,帶 M 去玩咗幾次,就被通知做咗 n 年嘅美孚,終於喺 2012 1 1 日結業!

尋日當 S M 兩母子去到 Emax,知道連呢道個保齡球城都會執笠,除咗失落,只能相對無言。

住喺香港,原來連想玩下自己鍾意嘅球類活動,都係一種侈奢!!





Thursday, 28 March 2013

Emax 泊車奇遇,冇紀錄但入咗閘?


今日繼續放假,和 M 往打保齡球,離開時,又來一個“騎呢”奇遇。。。

話說 S 往位於商場內的停車場收費處辦理泊車優惠時,一併把入閘時“過機”的信用咭和泊車優惠券交給職員。。。

職員:泊車飛呢?
S:我用 visa 入閘,冇泊車飛喎,要嘅咩?
職員:用 visa 入係冇飛嘅,但呢張 visa 冇你入車紀錄喎!
S:我係用呢張 visa 入架喎,冇飛噃。
職員:你會唔會唔係用呢張咭?
S:我好肯定係呢張,不過是但啦(一面拿另一張咭出來),你試下呢張。。。
職員:都冇喎,你係咪“㩒”飛入架。。。(語氣有點不耐煩)
S:都話唔係咯,我入完咭,個閘升起我至駛車入嚟。。。你個閘唔會自己無端端開架係咪?你地應該有 cctv 影住,你 check check 先啦。。。

其實 S 還想說,自己架車新車“落地”還不到兩個月,絕不會憨居到“衝閘”,不過知道此乃浪費時間,於是把大概的入閘時間丶車牌號碼丶顏色和牌子告訴對方,着她找找閉路電視和系統內的紀錄。

女職員一臉不滿地至電“內部”,把情形告訴對方,其實這個女職員的態度一直不大好,態度和說話都已經認定是 S 攪錯了什麼似的!但 S 今天心情好,不想和她一般見識,只叫她找人處理,S 坐在一傍等。

未幾,一個比較高級的男職員到場,告訴其他職員正在翻查紀錄,需要一點時間,他會和 S 一起等,這個男職員的態度比度好,於是 S M 坐在商場的長櫈上等候。

相隔了大概十分鐘,高級職員告訴 S,從閉路電視的紀錄看到 S 入閘情形,亦確定 S 是“入咭”而並非“攞飛”的,而電腦系統內亦有一個 visa card 的號碼,於是問 S 借了 visa card 來核對,一對之下,確定了是 S 第一次交給女職員去處理繳費的那一張,可是,不知怎地,讀咭機顯示 visa 咭內並沒有入閘紀錄。

結果,高級職員要帶 S 往位於 B3 的“停車場總辦事處”(其實那只不過是收費“窗口”)辦理手續,程序是要特地發回一張“泊車飛”給 S 用以出閘,和另外在系統內“人手辦理”取消 visa 咭的紀錄,以免下次(雖然不知何時)系統錯誤以為 S 未付款。S 問高級職員和在 B3 收費處的職員,從前有沒有試過類似事件,他們都說這是第一次!! 哈哈,又一次“奇遇”!

至於那個女職員,今天算她走運,以她的態度,如果遇上個“火火地”的顧客,一定被投訴,只不過,S 不想為無謂的人 ruin 假期,放她一馬!!反正她如果態度不改,遲早被其她人教訓,S “慳返啖氣”好好愛自己好過!



Wednesday, 27 March 2013

又係米芝蓮?唔 Like 喎!


農曆年前屋企樓下開咗間「添好運」,日日由朝早到 mid afternoon,總係大排長龍,原來話說“大有來頭”因為係米芝蓮嘅星級食肆云云。於是有啲啲心動,想試下。有次已經放完農曆年假,母親丶S M 想去試試,但見要排幾十個,唔食!

諗起 IFC 都有一間,又記得表妹 D 都去過,於是提議不如搵次午飯去果度,D 話食過覺得啲野食只係一般,唔單止要等位等好耐,人齊至入得無可厚非,但坐得非常的迫挾。Okay,收到,咁平日食晏就梗係唔去啦,費事同人迫嘛!

時間飛逝,就嚟復活節兼清明,因為要“清埋”去年的大假,今明兩日 S 放假,早上聯同母親同 M 一齊去拜祭父親,母親回程時提議如果唔駛排隊不如試試“果間”,S 讚成,但事先張揚將 D comment 話咗比母親同 M 知,等佢地唔好有太大期望。

不過,原來呢個世界,冇期望一樣會失望嘅,因為,實在太不知所謂。。。

首先,你為咗做生意,啲枱擺密啲丶同要搭枱,S 明白兼冇問題,又唔係啲乜貴價野,Okay 啦!但都唔係密到咁離普呀話

一個放咗七張兩人枱嘅 bench,其中六張係完全“痴”到實嚟放嘅,枱同枱之間連 1mm 的空隙都冇,咁點坐埋位呢?經典囉,要先拉開張枱,等客人坐咗入去之後就“關閘”,唔明?去片。。。


母親同 M 就係坐喺上圖見的男人對面同嬸嬸隔離,坐咗埋去,感覺尤如坐監,唔止要同隔離唔識嘅人痴埋一齊,最煩嘅係隔離走時又要拉枱,兼 waitress 執隔離枱時痴實 S,攪到周身唔聚財!要知道,S 成日去茶餐廳,無論幾迫幾細嘅茶餐廳,感覺都好過呢度。唔 Like

到啲食物。。。

第一道,皮蛋瘦肉粥,唔好講啲料同味道住,粥,就梗係要熱食架啦,佢只係微暖,“叮熱”慳埋,唔合格。

第二道,什菜春卷,皮厚丶油多丶又唔脆,“渣”!

蝦蛟,皮厚,入面嘅“閻”痴埋一“舊”,唔多覺隻蝦喺邊,盛惠二十四大元,雖然唔係好貴,但以一間有米之蓮級數的食肆,品質唔合格!

燒賣,除咗加咗粒己籽之外,唔覺有乜特別,都係廿四蚊。

另外牛肉球同煎蛋牛肉飯,S 冇食,冇 comment

食完之後,母親同 M 要等 waitress “開閘”至可以離開,終於“放監”,大家嘅 comment 係,以後唔會再嚟!只怪 S 一家都只係大鄉里,唔識欣賞米芝蓮呢類星級食肆,下次都係去返茶餐廳算了。反正大把人會去,一樣其門如市,少了 S 一家都唔少啦!







Monday, 25 March 2013

Let’s pray together


晚上在享用公司的春茗期間,傳來男朋友 K what’s app,問 S 會否去探朋友 MLS 不知就裡,先問個明白,原來我們的老同學 ML 昨天在練跑其間暈倒,被送往了深切治療部。。。

嚇!

ML 絕不是那種“人跑我又跑”一族,一直以來有接受適當的訓練,早前還參加了渣打馬拉松,兩天前還滿有雅興地慶祝生晨,S 和朋友 ML 雖然不至於非常熟絡,但一直有在 fb 留意對方的動態,亦知道他不時會閱讀 S 的網誌,忽然傳來如此的 shocking news,真的有點難以置信!

依據今天探訪過 ML 的兩位友人報告,他今天已甦醒,正在 recover,大家沒有追問暈倒的原因,只知道,此時此刻,最重要的是 ML 早日康復,還有和 S 只有幾面之緣的 ML 太太 W,希望她堅強,現在 ML 身邊最重要的就是 W

Let’s pray together for Mr. L




去年今日:

Saturday, 23 March 2013

有口話人。。。


星期五晚黃昏,又係放工嘅時候,但係 S 同身在大陸嘅好友 C 都放工無期,C 喺美女 group chat 度話,最近因為耳水不平衡頭暈,個人狀態好差,差啲唔記得星期一朝早有個重要會議,大家“勸喻”C 早喲返屋企休息丶向上級報告身體不適同提議更改會議日期,S 重“叮囑”C 千祈唔好諗得自己太重要丶以為公司冇咗自己唔得咁,世間上係冇呢回事嘅,如果真係捱出個大病,就無謂啦!

C 話個會好重要丶同埋好難至約齊人,所以唔可以取消,最多堅持 weekend 喺屋企唔開機做野",只帶 hard copy 返屋企睇下同 prepare,下星期一朝早返到公司至做 details ... 云云

S 回應讚成唔好喺屋企開機做公司野,之後就返回崗位“埋頭苦幹”,因為話晒都係周末前夕,唔想攪到太夜,一心諗住做做多一件事就放工。。。

大家“拍手”鼓勵(喺個 chat 裡面拍手),於是 S 靜靜地做埋手頭上啲野,但真係唔少野喺手頭上,嚟緊兩星期又好多日子放假,唔夠時間做,終於放工時 whats’s app 大家話。。。

S 有口話 C 但冇口話自己,呢頭叫人唔好周末“開機做野”,果頭諗住聽日(星期六)返 office “清野”!!

而都幾“騎呢”嘅係,呢頭話住唔想攪到太夜放工,離開 office 時已經接近九點!

寫完呢個,又係時候“瞓覺覺”,同祝大家周末愉快!



Thursday, 21 March 2013

前度最好。。。少見不怪


Eason 靚聲年代,給“前度”。。。


少見不怪, 陳奕迅

而既然分開了 何必又想打擾
為何愛人丟低了 才來明白對方緊要
而既然分開了 問好亦不必要





Tuesday, 19 March 2013

一生人只一個血脈跳得這樣近。。。


S 對這幾天的恐佈倫常血案揮之不去,昨晚發了一個惡夢,沒法子,雖然和死者素未謀面,但很難相信世上竟然有人做得出殺害父母如此大逆不道之事,而事後還像毫無悔意似的。

案中的行兇者以為自己是全世界最不幸的人,原因看似複雜,而且大有“何不食肉糜”之感,說穿了,某程度上其實是因為拒絕長大!成熟的人會從生活經驗中學習,從而明白總要有遺憾才算得上完美人生,沒有經歷過人生憾事,反而是白活一場,皆因世上從來就沒有所謂的完美。只不過,案中的兒子最後以一個無法彌補的遺憾去“完成”這個“完美”,確實令人感慨!

其實,每個人的人生,或多或少總會背負着父母的影子,或是源於他們的情意結,或是源於他們的無奈,因而把遺憾投射在兒女的身上,其實這個沒有人能倖免,還有可能一代一代承傳下去,就如林夕的詞。。。

一生人只一個血脈跳得那樣近
相處如同陌生闊別卻又覺得親。。。

送這一首歌給案中的兒子,希望他們終有一天會明白父母的苦心。



赤子

作詞:林夕,作曲:羅大佑

遠遠近近裡 城市高高低低間
沿路斷斷折折那有終站
跌跌碰碰裡 投進聲聲色色間
誰伴你看長夜變藍
笑笑喊喊裡 情緒仿彷彿佛間
誰願永永遠遠變得短暫
冷冷暖暖裡 情意親親疏疏間
人大了要長聚更難
一生人只一個 血脈跳得那樣近
而相處如同陌生闊別卻又覺得親
一生能有幾個 愛護你的也是人
正是為了深愛變遺憾
你我似醉了 無法清清楚楚講
同屬你你我我愛的感受
世界太冷了 誰會伸出一雙手
圍住你再營造暖流
說說笑笑裡 曾覺得歡歡喜喜
誰料老了變了另有天地
世界太闊了 由你出生當天起
童稚已每年漸遠離





Monday, 18 March 2013

請學會感恩。願死者安息!


這個周末,新聞的頭條充滿負能量,全被幾宗倫常血案覆蓋,先是兩宗兒子殺害父母的恐佈事件,今天又傳來一宗女的先殺死同居男友(還是前夫?)再自殺的 “Fatal Attraction” 式慘案。讀了這些新聞,作為女兒又是母親的 S 感受良多。然而,無論誰是誰非,發生血案,始終是悲劇一宗,希望死者安息,在生的堅強活下去,行兇的。。。學會感恩,如果他們先看到以下這一則也是“突然死亡”的故事,會否先停下來想一想丶讓自己冷靜下來,先學懂感恩,才去鑽他們的“牛角尖”。。。

話說早幾天,神婆 T 在美女 group chat 傳訊告知,她妹妹的同事在換更期間暈倒,半小時之內被送往深切治療部,被診斷出腦部有腫瘤,就算做手術也許只剩一個月的生命,眾人為她禱告,希望她早日康復和祝願她家人堅強,怎知昨日傳來惡號,妹妹的同事已經辭世,遺下一對年幼的子女,但家人很堅強和正面,在這種時刻決定了把她的肝臟捐出,遺愛人間。

雖然和 T 妹同事素未謀面,但一面閱讀新聞,仍兩眼通紅兼鼻子酸溜溜,沒有什麼可以做,只想再說一遍。。。

願死者安息,家人堅強,而且要向他們至敬!S 相信,有如此的家人,雖然沒有她在身邊,她的兒女以後一定充滿正能量丶做個有用的人。



Related Posts with Thumbnails