Monday, 1 April 2013

靚仔靚女冇好結果


神婆 T 最近為了找尋一份好重要丶關於她身世的文件,在家返箱倒“籠”(唔識寫),但文件未找到,先把眾美女那些年的驚世靚相找了出來,還用手機一一拍下,上傳到美女 group chat 內讓大家回味一下。

在最近一次聚會中,神婆 T 提起那些照片時,又一次提到「。。。S 由細就係靚女一族,一向都好多人追。。。」未寫下文前,首先要向神婆 T 致謝,因為每每提起大家的“那些年”,T 總會稱讚 S 一番! ^_^

話說回去今次的聚會,T 除了說 S 是靚女之外,還加了:「。。。你點解鍾意呀 J (即 S 現今身邊那個人)呢?我第一次見佢,簡直唔可以相信。。。靚女應該配靚仔吖嘛,諗極唔明點解你隔離果個咁嘅樣,雖然佢夠晒高大(六呎)加返分。。。」

S:哈哈,乜你咁膚淺架。。。雖然我第一次見佢都覺得佢似隻馬騮呀。。。

T:咁你鍾意佢啲咩呀?

S Err … 緣份掛 係一段奇緣。。。

T:有幾奇呀?

S:你知唔知我地係小學同學,後來撞返?。。。佢第一次去我屋企就喺我啲相度搵到佢同我嘅合照,連我自己都唔知有果啲相,根本都唔知佢係邊個。。。

T:嘩,我唔知喎,冇聽過嘅,講嚟聽下。。。

S:你真係想知呀?呀 J 唔係一早就出現,要由好耐丶好耐之前一個靚仔靚女真人版“那些年”講起喎,你係咪真係想聽先?

T:講啦,我大把時間。。。

原來縱使 T S 還有一眾好友都識於微時,從中一丶二開始便是好朋友,她們都從未 comprehensive 地聽過 S 的奇緣,於是絢 T 要求,簡略地說了一遍。。。


簡而言之,靚仔靚女真人版,正是 T 心目中那種 “天仙配”,可是情節卻有如 typical “那些年”的 puppy love ,無原無故丶無風無浪丶無無聊聊丶無從稽考丶最後無聲無色地無疾而終!只不過,奇就奇在,又和 S & J 那段奇緣一環扣一環,沒有那些年丶便沒有後來的 S & J。。。

S(對 T 說):如果我同咗呀“那些年”一齊,夠晒靚仔,你應該滿意,今日就唔會問我呢個問題啦!?

T:嘻嘻,可能啦!不過唔一定喎,靚仔靚女通常唔會有好結果,因為你高傲時丶佢一樣,大家都唔會就對方,就算你當日同佢再兜轉落去,今日身邊一樣未必係佢囉!



2 comments:

Ebenezer said...

妳以前進那個靚仔,就係張國榮?

SKII said...

嘻嘻,咁張國榮梗係其中一個啦! ^_^

Related Posts with Thumbnails