Thursday, 4 April 2013

做人唔好咁盡啦


貨櫃碼頭嘅工潮,已經成個星期,初時 S 冇乜特別 follow 呢個新聞,一來因為對工會阿頭李生唔算有好感,點知有人重唔討好過佢,就係自稱以前做傳媒嘅碼頭阿頭嚴生。

初時阿嚴生話呢件事係外判商與工人之間嘅事,S 都覺得冇乜野丶某程度上重 buy 佢講嘅野添,因為這些年來 S 做過嘅公司,間間都有唔同程度上嘅外判,由某些好 discrete 嘅工作流程丶以至請人都有,而 S 亦直接 handle 過將流程 transfer 去印度的 project,所以對外判呢回事,不以為然。 甚至法庭頒佈禁制令,唔准工人喺碼頭範圍採取工業行動,S 都覺得唔出奇,話晒果度係佢地公司範圍,有好多其他因素如保安或安全問題要考慮。

只不過,阿嚴生可能因為受人二分四(嘻嘻,不過佢果“二分四”就真係數都數唔清咁多囉),當輿論壓力愈來愈大,盡忠職守嘅佢,每次出場嘅嘴臉愈來愈難頂。。。


尤其是今日講到關於和黃究竟係唔係外判公司嘅股東丶同埋阿嚴生佢自己係唔係呢啲外判公司嘅有關連人事,撇除果啲唔知孰是孰非嘅論點,單睇佢嘅反應同態度,S 就覺得好好笑, 唔明點解阿嚴生咁激動,重要非常認真咁讀埋唔知乜乜報業工會嘅條文出來,又話自己都係傳媒出身,會向某報紙採取法律行動云云。。。


如果真係冇關係,清者自清,洗唔洗咁大反應呀?一笑置之咪算囉!

其實,無論係呀嚴生,又或者和黃老闆阿李生一家,只要喺“手指啦”度漏啲散紙出嚟,加返合理嘅人工比啲工人,佢地就會開開心心各就各位去開工,大家開心又 win-win,反正阿李生啲身家,成家人洗幾世都洗唔晒, 何必去到咁盡呢?





4 comments:

Ebenezer said...

工潮成敗與否,在乎勞資任可一方如何搶到公眾眼球。

工人起初引起唔到公眾關注,其實已經輸咗一半。點知嚴生開始潑火,事情可能又峰迴路轉。

naruto said...

越揭越臭,日日新鮮呀

SKII said...

Eben,佢今日冇出來啦,但唔知係唔係只因為放假。。。

SKII said...

naruto, 越揭越臭,日日新鮮呀 x2

Related Posts with Thumbnails