Tuesday, 14 May 2013

“騎呢”挽鞋事件


今朝開工冇幾耐,收到同事朋友A what's app,話比 S 知佢啲黑仔事件。話說佢今日去 office 以外的 center trainig,著咗一條好耐冇著過嘅褲,襯埋一對更耐冇著過嘅鞋,點知對鞋左踭甩完底到右踭甩,嬲之餘重鬼咁尷尬!


S 提議 A 午飯時間去買過一對,但實情係 A 約咗 S 同其他唔喺同一 office 返工的同事食晏,而且 A 唔想為襯條好耐都冇著過、亦唔知下次幾時會再著嘅褲買過對鞋,於是想出鬼主意。。。

就係,打電話比 S

A:喂喂,你喺邊呀?

S: 重喺 office 呀,佢地已經去咗,我重有啲野做未行得。

A:嘩,你重喺 office 就啱晒啦,幫我攞對事啤” (spare) 鞋比我吖。

S:哈哈,你唔係去買過對咩。。。搵我幫你“挽鞋”,要請返我食十餐飯喎。。。

A:吓?

S:幫你“挽鞋”喎,抵請食飯啦。。。咁你對鞋喺邊呀?

A:哈,哈。。。哦。。。(省下一佰幾十字,關於對“事啤”鞋放喺邊度嘅對話)

係呀,S 好耐之前已經寫過,唔會幫人“挽鞋”之餘,亦極少會搵人替自己“挽”(按此閱讀),就算係新鞋都盡量避之則吉,皆因唔好“意頭”嘛!不過非常情況丶情非得矣就例外,今日見 A 咁慘,幫佢一次囉,反正有餐晏仔食吓補數!

另,返到屋企發現,有支強力“痴”鞋底膠,順道介紹 A 試下(見圖),如果對鞋唔係成日著,攞出去比人整唔抵,可以一試。





去年今日:

4 comments:

Ebenezer said...

係唔係個個女仕個衣櫃入面都有大把衫係從末著過嘅呢?

Coffee said...

圖中百得膠專黏鞋用?木踭膠踭都得?

SKII said...

Eben,我諗係呀!

Coffee,其實我唔知!:-P,重有,今日朋友話我嘅介紹係多餘,因為佢對鞋甩晒底,根本唔知去咗邊,點痴呢?佢今日攞咗出去整,$70大元!

city said...

thanks for share........

Related Posts with Thumbnails