Friday, 17 May 2013

最佳選擇預告篇。廢話


今晚又好夜放工,想搭的士走,之前好多次(包括昨晚)都被人拒載,皆因唔知點解啲香港車司機,好似真係好“唔優做”咁,十架着咗九架都唔肯過海(九龍),次次都要幾架車至有人肯載 S 過海,好似 S 唔駛比錢咁,真係不知所謂!最 worst 果次上到第三架,個司機又係話唔過海,結果。。。

S 發火:咁唔該你車我去最近嘅差館,如果唔係我而家打999 都得架。。。

司機(好勞氣):算我唔好彩。。。(一面開車)

S:咁你真係幾唔好彩,你要鬧就鬧你地自己丶同埋頭先果兩個唔載我嘅司機啦。。。

司機: “E”“E”哦哦(S 唔知佢講乜)

亦冇再答佢,反正佢開咗車,目的達到,同佢講多無謂,不如慳返啖氣!

其實 S 都驚架,同的士司機過唔去,咪即係攞自己條命“效飛”,但真係冇辦法,果晚係零晨兩點幾呀,S 都係啱啱收工,只係想快啲返屋企啫,但地鐵都收埋工,冇得揀!但當時即刻打電話返屋企,講低咗車牌號碼同司機名,亦將資料 what's app 比家人。

所以今晚落到樓,見的士站冇車,於是漫步向港鐵站方向,沿途有的士的話就搭,順便享受一下“一個人的浪漫”(按此閱讀)。。。

途中 what’s app 家人報告行踪,忽然想起一個令人抖摟精神丶充滿正能量丶S 近年的最佳選擇,咁寫咗一大輪廢話,呢個選擇係乜呢?

有時間待續。。。





5 comments:

Ebenezer said...

真係世界變,我以前做學師嘅時候,晚晚半夜收工,d的士在樓下等我地,d司知過海仲鬼咁開心添。

Coffee said...

哈,你好大膽,我被的士驚魂的電影洗了腦,一人係架的士度絕不敢怒言!

SKII said...

Eben,我都係咁話,你估我好想夜收工咩!

SKII said...

Coffee,其實我都驚架,但唔記得寫,我當時即刻打咗電話返屋企,(這個已加返在原文)。 ^_^

city said...

thanks for share........

Related Posts with Thumbnails