Saturday, 29 June 2013

S 與泰國皇陵之緣

28 Jun

在曼谷的第二日,先去看 reclining Buddha,原定之後再到大皇宮,再之後才往唐人街吃午飯,怎知走到大皇宮附近時,一個穿制服(好七十年代 feel的制服)的人主動問S一家想去那裡,又提醒我們要小心看管財物,原來對方是 Tourist Police,我們告訴他想去那兒,他說已經到了午飯時間,大皇宫會下午二時半才再開放,但其時才一時左右,附近又沒什麼其他景點,我們不知如何打發時間,於是他提議我們去一個叫做 Royal Temple 的地方,他說那兒廟宇很漂亮、地方很寧靜、又不收入場費,值得去看看。S 雖然沒聽熟悉曼谷的朋友提起過,但也覺得不妨到訪,於是 tourist police 替我們叫了tuk tuk ,以泰文告訴司機我們的目的地。

Tuk tuk 行經一些非常地道的區域,到達了一個完全沒有遊客的地方,很寧靜,我們走進去,看到指示牌,才明白,這個 Royal Temple 原來是泰國的 Royal cemetery,在我們還在"頭憨憨"找入口時,一個貌似華裔的中年男人過來問,我們在找什麼?

哈哈,我們告訴他其實我們也不知,正嘗試在找入口,中年男仕說當時僧人在祈禱,還有十五分鐘才完成,著我們等一下再回來,S告訴他我們還沒吃午飯,原想待參觀完這裡才往唐人街,但若要等太久便算了,中年男人聽罷說我們應該等,因為昨天原來是泰皇到來拜察祖先的日子,亦是 Royal Temple 每年唯一對外開放的一天,而亦因為拜神,唐人街大部份店舖沒開門做生意!

噢,那麼S一家豈不是要捱餓,因為那兒並非遊客區,不懂泰文根本不知如何"搵食"!

哈哈,那又𣎴是,中年男仕於是提議帶S一家到附近用餐,又替我們點了比較啱口味的午餐,路上他一邊和我們談天、一邊介紹皇陵的資料,原來他是管理皇陵的"揸 fit 人",他還等我們用完餐,一起入內參觀。。。

皇廟很漂亮,又寧靜,S猜想,其中一個平常不會對外開放的原因應該是,廟宇用了大量真金建造,如果任何人都可以進去,不得了!

S在這個偶然的機會到訪,可說是一種緣份。

註:沒有帶齊"全副武裝"出遊,回來才上載照片。

Thursday, 27 June 2013

女人出遊大事件


聽日(其實係今日)早機外遊幾日,今日如常上班,放工返到屋企差唔多九點, 食飯丶冲涼,係時候執拾行裝。。。

女人出遊,第一件事,當然係執護膚品,之後更重要嘅,估下係乜?


嘻嘻,唔係執衫,而係。。。搽腳甲!


皆因去炎熱地方,少不免會著涼鞋,唔先搽靚啲腳甲,周身唔自在,玩都玩得唔開心嘛! ^_^





Wednesday, 26 June 2013

唔 Like Android Gmail update 版


S 早前唔知幾時將手機內的 apps setting 轉咗做 auto update when connected to Wi Fi,於是當一開 Wi Fi,不同種類的 apps 自動做晒 update ,原本都冇乜所謂,反正一般正常情況之下,有 update 的話,梗係用 update 版啦。



auto update 咗幾次之後,終於唔耐煩,要搵返個 setting 出嚟,關閉自動 update 功能,皆因 S 一啲都唔鍾意 Gmail update 版(上圖),雖然佢比原來個版本 colourful 啲又靚啲,如果對方有相,會顯示喺左邊的 icon,但係,S 唔鍾意佢喺主頁冇左個 selection tick box,唔可以一次過揀選幾個電郵一齊去處理,尤其是想 delete 多個 emails 之時,喺 updated 版要逐一 click 入電郵,至可以逐個逐個咁 delete,於是。。。

每次個 app 自動更新之後,S 又要走去 Play Store 搵返個 Gmail apps 出嚟 “unistalled” 返個 update,去返原裝版,非常之無聊!

尋晚終於“的起心肝”,研究點樣 remove “auto update” function,而家,終於可以唔駛受到 auto update 騷擾丶安安靜靜咁咁用返原裝個 Gmail apps。。。





去年昨日:

Sunday, 23 June 2013

眼光光丶寫個 blog


星期六晚 。。。

沒什麼煩腦,又經過一整個星期的工作,再加上星期六早上因為身體一個小毛病睡不着而早起,還要看醫生吃藥,身心其實疲累得可以,但卻不知何解,望住天花板,眼光光,徹夜難眠!

在床上展轉反則了幾小個時,想迫自己快些睡卻失敗而回,最後決定。。。

既然眼光光,何不寫個 blog?

23 Jun 2013,星期天,寫完這個天都快要亮了,還一不做丶二不休,帶起耳筒聽聽歌,哈哈,Shuffle 響起這首最啱早上聽的歌, Beyond 「早班火車」。。。









Saturday, 22 June 2013

落街唔該先執好個樣!


星期六,忙裡偷閒同好友小 S  & Mrs. McDonald 下午茶,之後 S 送好友們去上堂,S 至獨個兒離開,點知呢頭同好友分手,果頭有人從後面嗌 S 個名,重要係全名!S 打個突,莫非好友咁快上完堂?定係漏咗野?轉頭睇睇。。。

哈哈哈,S 諗咗一陣,原來係 n 年冇見嘅舊同事,身邊有個男人,都係 S 嘅舊同事,當年三人齊齊做 trainees,後來佢兩個日久生情,結埋婚,今日身邊多咗兩個小女生。。。

B 小姐:去邊呀?

S:剛同朋友 tea 完,送咗佢地去上堂,啱啱諗住走,咁都比你見到。。。

B 小姐:一眼就見到你啦,你原全冇變呀!上次見到呀 K,佢變晒樣囉  ^_^

SL 先生:果個應該唔係呀 K 呀。。。

S:你都冇變呀!呀 K 好似唔喺香港喎。。。你住附近呀?  ^_^

B 小姐:唔係呀,我地住喺 XXX,帶佢地(女兒)嚟學野,你都送個仔呀?

S:哦,果度,我知呀,以前我喺你個屋苑包圍住果間學校讀書。。。哈哈,阿仔唔理我架喇,佢自己去咗學琴,頭先係送我啲朋友!

SL 先生:呀 K 好似去咗上海。。。你個仔唔駛理咩?幾大呀?

S:讀中學喇!

B 小姐:嘩,咁大個喇!話時話,你係咪重住喺 XX(新界大西北)呀?

S:唔係啦,搬咗去 XXX。。。

B 小姐:咦,方便咗好多喎。。。

一邊行,到咗佢地囡囡學野嘅大廈,於是 say bye bye 道別。。。

早兩日至同好友講開,S 識嘅人活動範圍好細下,成日撞到人,連喺住緊嘅大廈裡面都不時撞到,重要係“兜口兜面”果隻。

Mrs. McDonald 話:咁你出街最好執執個樣喇。。。

S:都係架,連落街買野都要呀! >_<





Friday, 21 June 2013

命中注定。。。戀母狂!?


S:你愈嚟愈大個仔,有冇見到女仔想識佢呀?

MErr … 冇喎。。。

S:係咪架?我中二果年有個男仔成日跟住我。。。

M:我地而家唔係好似你啲舊時代咁,重有,鍾唔鍾意一個人唔係睇果樣嘅。。。

S:吓,咩舊時代唔舊時代呀?如果你鍾意一個人就想識佢架啦。

M:星座話我好遲先遇到我鍾意嘅人呀。

S:好心你啦,咁迷信架,星座嘅野,睇下無妨,唔駛信晒架。

M:我都幾信果日潛意識個節目講,一早就知道鍾意咩人,睇下幾時遇到啫!

S:如果果個節目講嘅野係真,即係你會鍾意個同你差唔多樣嘅人(按此閱讀),嘻嘻,咁唔一定係靚女啫!

M:咁又係。。。>_<

S:係囉,都冇話你淨係鍾意靚女。。。Err。。。哈哈,諗落又唔係喎,你咁似我,如果你鍾意似你嘅人丶咪識係都似我囉,咁點會唔靚呀?

2012

M:咁都應該幾靚嘅!

S:如果你似你老豆多啲就唔同啦! ^_^

M:哈哈,好彩冇咁似佢 ^_^

S:話時話,如果你鍾意個似我嘅人,咪即係鍾意呀媽?

MErr…







. 

Wednesday, 19 June 2013

看得見的記憶。我的皇冠校章


昨晚又加班,回到家裡,一邊吃晚飯時一邊看電視,看厭了新聞台,轉過去電影台,雖然知道一般都是在播放那些翻看過無數次的無聊之作,但總好過看“是是但但”的無記。

甫轉台,看到的是一個 square 到不但沒有人追丶甚至冇朋友的典型“醜小鴨”女生,一如 S 所料,又是那些無無聊聊丶刻意堆切一些“唧”都未必想笑的笑話的電影,要是要到戲院看的話,無需 S 付錢也不會看的那種。只不過,忙了一整天,不想用腦,隨便笑笑也無妨,於是讓他繼續播放,怎知看多兩眼,S 的眼球被女生胸前那東西深深吸引着。。。

哈哈,S 並非同性戀,對女生的胸脯沒興趣,吸引 S 的,是那個頂部有個“皇冠”物體的校章,非常的“面善”,好像是“前生”在那裡見過似的?再往下看看,皇冠下面綉着的 6 個英文字母,為何念出來如此的“順口”?

Well,原來,那是 S 所念的中學,“第一代”的校章。

為什麼 S 會為一個校章反應如此大?說來話長。。。

話說 S 就讀的中學,是一間官校,S 入讀之時還算是一間“新開”的中學,但在九十年代中已被“殺校”。學校被殺時,還不夠二十歲,其時成續尚算可以,但仍是逃不過被殺的厄運,而“死因”亦非常的離奇,竟然因為舍太小!然而,政府非但沒有在附近多撥一些土地擴充,還決定把學校搬往一個新開發的地區。雖然學校在另一區丶另一個校舍“借屍還魂”,但因“前世”和“今生”皆以街道作為名稱,所以名為“搬”校,實為“殺校”!

因此,S 學校的校章,堪稱校章界中的“古董”,而最原始有個“皇冠”丶帶着濃厚殖民地色彩的“第一代”校章,更可說是“出土文物”, 因為在 S 唸中四那年,學校不知怎地改了校章的設計,不但把“皇冠”去掉,還換上一個沒什麼設計可言的平淡外形,是以 S 畢業時並沒把校章留起作紀念。

S 一直很懷念那第一代皇冠校章,但唸初中那時候,少不更事,從沒想過校章會被換掉,更沒想像過學校會被殺掉,長大了想找也找不回!

昨晚忽然在那齣名叫「乾柴烈火」的電影中看到,S 在想,替那電影做道具的人,會否是 S 的校友?要不然,到底他在那裡把“出土文物”弄到手的呢?





Tuesday, 18 June 2013

心跳呼吸不正常


今早上班途上,巧合碰上一個令 S 心跳呼吸不正常的人,此人和 S 無親無故丶無緣又無份,只是在人生的一個小之又小的交匯點上,因為某個人,S 和對方算得上有過兩面之緣,幾段廢話。

然而,今早突如奇來一個“兜口兜面”撞到正,比相約好還要巧合,簡直是躲也躲不了,S 問自己,是否因為心中某個主觀想法的投射,在街上偶然碰上 just another guy 都把對方“幻想”變成心中所想的影像,可是,一個並不普通的長相丶加上一個也不普通的外形,並不容易找來一個 A 貨耶!

S 不知如何反應,心跳比遇上舊情人跳得更快丶更不受控,甚至有跟踪他去証實對某一件事那想法的衝動,可惜。。。

要遲到了,還是往回走,乖乖回辦公室吧!

只不過,若然 S 所想的是真的,逃也逃不了,一定會再遇。





Sunday, 16 June 2013

斯諾登事件:英狼 vs (葉劉)淑女


斯諾登真係勁,唔單止將美國政府嘅霸權手法揭破,重比個機會香港啲官“表演”,點知攪出個大笑話,呀英狼“特首”變咗 “Mr. No Comment”,表面好笑,但實際係失禮兼可悲!

言論自由同司法獨立,明明就係香港嘅核心價值同賣點,不單止冇野好廻避,反正“特首”剛巧人在美國,直情應該乘勢宣傳下香港,點知佢除咗 “No Comment”,連我地嘅制度有啲乜都講唔出,似乎唔止係政治上唔想(或唔可以)表態,連“基本”嘅法律常識都欠奉!

S 明白冇人係超人乜都識,所以“特首”一時三刻講唔出並唔出奇,但佢手下公務員萬人,如果好好利用香港同 New York 嘅時差,件事一出,即刻落 order 叫在香港的人員在香港時間整理好相關嘅法律,比佢參巧,第二朝美國時間,比人問到,“背”都“背”到啲野出嚟啦,駛乜 “No Comment”咁失禮呀!

反觀呢邊廂,身在香港的葉劉“淑女”,做過保安局局長,法律知識果然唔同,S 一直唔太認同淑女的政治取態,但觀乎佢由 23 條一役,由保安局長落台丶至到去美國“深造”丶返港參政,呢十年間,見到佢行為上嘅改變,不得不承認淑女係個好叻嘅人,從“失敗”中學習。

斯諾登件事第一日,淑女叫斯諾登最好快快離開香港,但之後第二丶第三日,佢冇再表態,但每次出鏡都冇“冷場”,仲乘機大談香港有乜制度,對斯諾登“正”丶“反”兩面都比佢講晒,令 S 呢類本來喺呢方面法律完全冇認識之仕都有少少概念,簡直係上咗基本法 “101”introductory course ,但講完一大餐,始終冇再講佢自己點睇。高!



Saturday, 15 June 2013

S 的睇樓日誌


去年年底找地方搬,S 很少租樓,之前租過一次,沒有怎樣“做功課”便“卜搥”,結果遇上個“騎呢”業主,為了間樓,浪費了不少無謂精力去跟對方周旋。Okay,這次學精了,要好好預備,適逢那時剛轉用以 S Notes 為賣點的 Samsung Note II 不久,於是睇樓時用 S Notes 做了一些紀錄,早幾日 “house keep”電話內的紀錄,發現頗有趣。。。

以下是一個樓齡已有大概十二年的屋苑。。。

9座 高層 C $32K
1127 原裝,細雪櫃,完全冇榢私)

7座 低層 D $29K 982 有少量櫃)

6座 中層 B $32K
( 1127 每間房都有櫃,企理好用 )

2座 高層 C $?? 
(1035 冇榢私,比較舊 , 有原則業主)


6座 高層 B 1127 梳化上窗台,比較舊)

6座 中層 D (個位 ok 但没有野的)

1 座 低層 C 39K 1331,原本自住,全屋已翻新,好多傢俱,但 fixture 啲位唔啱放野)

1座 高層 B $42K (13??,舊裝修,貴)

6座 低層 B $30K (1127ok 企理,冇野,冇雪櫃丶洗衣機丶但房有衫櫃)

6座 高層 D $42K (1000,全冇野,貴)

7座 中層 A (新裝,灰色 stylish,但太多野唔搬得)


7座 中層 A (982,改成兩房,唔啱 S 一家大細)

這個是當時剛剛入伙的全新“豪宅”,其時放租的單位全部未有人住過的,廚房和洗手間都是全新,所以全部都滿意,沒有特別的 comment。。。

8座 高層 D $36K1272,間格一般)

8座 中層 B $35K  (1167,間格比大一點的實用,叫價只平一千)


這個是當時入了伙大概年多的“半新豪宅”,有個“超豪”會所。。。

6 座 極高層 B ?? (1300,勁大客廳)

7座 極高層 $32K C (1005呎,啲房細到冇朋友)





Related Posts with Thumbnails