Saturday, 8 June 2013

情人換了幾多。之。噢離咗婚!


繼續“情人換了幾多不敢再講”系列。。。

有如上一章(按此閱讀),閱讀文章內容之前,請先 click 開以下 MV,作為背境音樂。。。



神婆 T 在最近的飯局中分享叻女人小故事。。。


T:我最近喺雜誌睇關於 XXX 個老闆娘的訪問,佢公司攪上市,接受訪問,嘩,又叻又靚!

S:哈哈,佢係我老朋友 YY (係“老”朋友,皆人朋友比 S 年紀大)個老婆,我好耐之前見過佢一次,係幾靚㗎,又叻。

T:佢細過我地喎。

S:我朋友雖然大過我啫,娶個(年紀)細過佢嘅老婆㗎,冇問題喎。

T:但訪問話佢離咗婚。

S:可能間野有幾個老闆掛,朋友話佢老婆同人夾份,或者你睇到果個係其他老世呢!


T:個訪問話佢地得兩個創辦人,一男一女。。。

S:哦,咁可能真係離咗婚都唔出奇嘅,我都一段時間冇見朋友,而且從來唔問呢啲野㗎,你喺邊本(雜誌)睇到,比幅相我睇睇就知。

TZZZ(雜誌)呀,都一段時間之前,我冇 keep,你自己上網睇啦。

事隔幾天,S 有空上網看看,找到 T 所講的訪問,果然很像朋友的太太,S 給也認識老朋友的 I 看。。。

S:似唔似 YY 個老婆?

I:幾似喎,好高貴呀!咦。。。兩個仔同我果兩個差唔多大,應該係呀。

S:你都覺得似?連個英文名都一樣呀,咁應該係啦。。。原來佢地離咗婚。

I:吓!

S:係呀,不過都唔關我地事,就算見到都唔會問啦,不過咁啱知道,話下你知咁囉。。。

Ihmm … 咁又係呀,問嚟做乜吖。  





No comments:

Related Posts with Thumbnails