Sunday, 16 June 2013

斯諾登事件:英狼 vs (葉劉)淑女


斯諾登真係勁,唔單止將美國政府嘅霸權手法揭破,重比個機會香港啲官“表演”,點知攪出個大笑話,呀英狼“特首”變咗 “Mr. No Comment”,表面好笑,但實際係失禮兼可悲!

言論自由同司法獨立,明明就係香港嘅核心價值同賣點,不單止冇野好廻避,反正“特首”剛巧人在美國,直情應該乘勢宣傳下香港,點知佢除咗 “No Comment”,連我地嘅制度有啲乜都講唔出,似乎唔止係政治上唔想(或唔可以)表態,連“基本”嘅法律常識都欠奉!

S 明白冇人係超人乜都識,所以“特首”一時三刻講唔出並唔出奇,但佢手下公務員萬人,如果好好利用香港同 New York 嘅時差,件事一出,即刻落 order 叫在香港的人員在香港時間整理好相關嘅法律,比佢參巧,第二朝美國時間,比人問到,“背”都“背”到啲野出嚟啦,駛乜 “No Comment”咁失禮呀!

反觀呢邊廂,身在香港的葉劉“淑女”,做過保安局局長,法律知識果然唔同,S 一直唔太認同淑女的政治取態,但觀乎佢由 23 條一役,由保安局長落台丶至到去美國“深造”丶返港參政,呢十年間,見到佢行為上嘅改變,不得不承認淑女係個好叻嘅人,從“失敗”中學習。

斯諾登件事第一日,淑女叫斯諾登最好快快離開香港,但之後第二丶第三日,佢冇再表態,但每次出鏡都冇“冷場”,仲乘機大談香港有乜制度,對斯諾登“正”丶“反”兩面都比佢講晒,令 S 呢類本來喺呢方面法律完全冇認識之仕都有少少概念,簡直係上咗基本法 “101”introductory course ,但講完一大餐,始終冇再講佢自己點睇。高!



4 comments:

quitur said...

錯,開頭no commment,係因為呢單嘢涉及中美關係,一定涉及外交,他要等中央定調。

到斯諾基爆料美國攻擊香港網絡,局面開始明朗化,大陸想用呢張牌,但又唔想俾人干預特區法治感覺,於揼左條”依法處理”+”跟進入侵網絡”條口徑。

但總的而言,他係慢了點。

仔細法律(即兩地律師研究斯諾登犯了乜法)或點樣拒絶引渡,用邊條例,很有爭論點,亦涉及美國的國防機密(這亦是呢單案吊詭tricky地方)要等法庭定奪,proper 政府回應根本唔會go into details..

SKII said...

quitur,讚成你話 proper 政府回應根本唔會go into details..

但個問題係佢對應嘅手法,真係好低,係人都知佢唔應該丶甚至唔可以表態,但係冇需要講出口話 "no comment" 更冇理由講咁多次囉!可能我寫得唔夠清楚 :-P

Ebenezer said...

我反而覺得搞示威班政棍真係一D位都唔晒!

Terence Yun said...

不好意里SKII,借少少地方回應Ebenezer兄所說的話。

Ebenezer
此言差矣,因為如果你留意明報甚至是一些愛講力團體,口吻說到你所說的示威政棍龜縮。特別是明報,條題就寫到佢地冇返應,但真正睇內文但原來佢地又有提出問題也至要求保護斯諾登仲要說示威。愛講力就鬧話佢地班人去左邊,但原來毛議員等人己經提出議論。

唔睇內容只看題目一早被誤導,還要是所謂的公信報,如果唔知只聽愛講力就更加大鑊。

其實今次是可以見到今次不論是泛民、建制,都同樣出來抽水,因為無限位可以抽,但要留意媒體所發出的聲音以及對待的態度便才能夠知道現在整個「市場環境」做緊咩。

星期六,民建聯都有遊行但對比起獨立媒體的號召就對比太大。前者更比美國寸唔收信,但後者有人出來收信。

民建聯今次更會好好利用呢次機會出來說明所謂的西方價值一樣係咁,同樣大抽特抽。

但回到基本,抽還抽,都要抽得合理和有道義,如果只關係自身而不問斯諾登生死,可以留意邊個政黨只提本港保安而沒有關注斯諾登,其實都幾無人道。而事實上斯諾登去留及其相關程序,是香港的賣點,但建制卻仍然驚阿公而遲遲不去馬,但葉劉卻高明地用其手法推銷香港亦推銷埋自己,呢d先係醒同夠蠱惑。

Related Posts with Thumbnails