Wednesday, 31 July 2013

轉貼:前世浮屍丶今生情人


在網上偶然讀到這個。。。

從前有個書生,和未婚妻約好在某年某月某日結婚。到那一天,未婚妻卻嫁給了別人。

書生受此打擊,一病不起。這時,路過一僧人,從懷裡摸出一面鏡子叫書生看。書生看到茫茫大海,一名遇害的女子一絲不掛地躺在海灘上。路過一人,看一眼,搖搖頭,走了。又路過一人,將衣服脫下,給女屍蓋上,走了。再路過一人,過去,挖個坑,小心翼翼把屍體掩埋了。

僧人解釋道,那具海灘上的女屍,就是你未婚妻的前世,你是第二個路過的人,曾給過他一件衣服。她今生和你相戀,只為還你一個情。

但是她最終要報答一生一世的人,是最後那個把她掩埋的人,那人就是他現在的丈夫。書生大悟,病癒。


【我為何讓你走,郭富城】

前世的浮屍與路人;
今世的情人或夫妻;
下一世,又會如何?






. 

Tuesday, 30 July 2013

S 與靚仔老世(II)


上一回講完 S audit firm 跟靚仔老世做事(按此閱讀)。。。

離開 audit firmS 找了一份在一家當時預備上市的公司裡工作,公司是一間 holding company,對上的母公司是當時的恆指成份股,而這 holding company 其下有不同種類的生意,包括 high end 地產經紀和 high end 運輸(“high end” 因為運的東西都很值錢,例如運錢) ,還有日後(即現在)大行其道集團式經營的 medical group fitness center

為了預備上市,公司從某大 audit firm (這裡叫 firm 1) 請了一個 Financial Controller R,祖籍蘇格蘭、金髮、外表有型又年輕(當時)的 R,是 S 遇到又一個型像頗為破格的會計師。因為公司其下的集團都有各自的財務團隊,S 要和每個集團的 Finance Head 合作,除此之外只需manage 一個小隊,直接向 R 報告,S 的主要工作是“睇住” holding 盤數,包括做 consolidation 和向母公司匯報,而另一項重要 project 就是預備上市的工作。

另一方面,原來 R S “前後腳在同一 audit firm 做過工, S trainee 時,R 已離開 S 做的 audit firm 到了 firm 1,加上 audit 行頭並唔算大,是以 R 其實認識不少 S seniors。。。

有一次,巧遇比 S senior audit firm 同事 A 公子,談到 S 轉工。。。

A 公子:。。。好靚仔果個吖嘛,佢果時升得好快,不過份人就。。。

S:就咩呀?

A:有料但好花 fit 架,請你係咪因為你靚女呀?佢老婆我都識。。。

S:哎呀!我唔知喎。。。

A:不過你都會做架啦。。。(實情是當時 S 已經轉了工)

S:係呀,個 exposure 幾好,(幫公司)攪上市,幾難得。。。

後來又有一次,S 遇到同 R firm 1 做過同事的朋友 MC。。。

MC:。。。R 呀?佢 technical 好勁丶好有料架,不過好卸膊架。

S:點卸法呀,講嚟聽下。

MC:有個鬼婆同 R 係好拍當,成日做 R jobs,平時 R 好讚鬼婆,點知有次做錯啲野,要孭鑊,R 唔止即閃,重插埋鬼婆一份!

S:咁都得?

MC:係呀,佢去你而家公司之前同我一組,聽唔少。。。

Well … S 冇乜做 “reseach”,轉咗工至知自己老世係咁,點算呢?






 

Sunday, 28 July 2013

兩萬幾蚊?Leica丶Sony 都唔靚!


和朋友 LL 講起影相,S 話都幾想用下 full frame 嘅相機,因為唔係 full frame 嘅製式,影出嚟嘅相硬係好似少咗啲野咁,但以 S 的技術同耐性,重有承受“重”的程度(按此閱讀),點都唔會買 full frame 嘅“大機”,而家果部 DSRL 已經好重,唔想帶住周圍行,話說 Sony 出咗個小型但 ff 嘅機。。。

S:冇睇過啲 details 呀,大概幾錢呢,幾千銀得唔得?

LL:幾千銀?買個 GF 啦。。。

SGF 都幾好呀,不過由女友 2 號已經想買但冇買,我而家想要 full frame 呀!好似 Sony 出咗部。。。

LLSony 果部?二萬六。。。

S:嘩哈哈,咁“唔靚”喇!

第二天,LL 拿了從雜誌看到關於 Leica X Vario Sony RX1R 的比較給 S。。。


S:唔駛睇啦,DC 都要二萬幾蚊,重要冇得換鏡又冇得 zoom 。。。

LL:你要 full frame 吖嘛,冇得揀!

S:有!咪就係揀唔買囉。。。要咁貴就 Leica Sony 都“唔靚”啦,我又冇技術丶又冇心機鑽研點用,用啲咁貴嘅玩具,咪棧蹝錢!

LL:哈哈,你咪話,上次我去俄羅斯,有兩父女,成身都係呢啲野,不過,啲咁“豪”嘅玩,唔啱我玩囉!







Saturday, 27 July 2013

問路天使,多九折


S 從小到大,不時在街上被人搭訕和問路,次數多到記不清,早已習以為常,以前間中有在這個網誌寫過,雖然每次情形未必一樣,但寫得多了又沒什麼意思,只把比較有趣的記下,包括今天這個。。。

話說今天 S 在現居附近的商場“濕平”(shopping),想買一對比較 decent 的上班鞋,看了一丶兩間店鋪,試了幾對,都不合心意,到了第三間,試穿了這對幾好看(見圖)就“扑搥”,由於售貨員姐姐之前說過有折扣,預備付款前,S 問清楚。。。

S:係咪有折呀?

售貨員姐姐:係呀,買一件有半價。

SOkay,買一件已經係半價?咁買多啲呢?

售貨員姐姐:Err … 一件都已經有半價喇。。。

路人甲 A 小姐:我都揀咗呢對鞋(指住 S 選好的),揀咗兩樣,我地一齊計好冇?三件再有九折,我唔想夾硬揀啲野。。。

S:哈哈,梗係好啦,(S 望一望售貨員姐姐,繼續說)佢唔話唔得咪 Okay 囉。。。

售貨員姐姐:Okay 架,不過你地要“打”埋同一張單。。。

S:咁可唔可以分開比錢?即係同一張單,我有我比。。。

售貨員姐姐:得架。。。

A 小姐:哈哈,咁得啦,我再睇下添。。。

S:我都再睇下添。。。

於是 A 小姐和 S 各自繼續選,S 再試穿了一條裙,但不合心意,沒打算買。。。

A 小姐:原來我地買夠五件,係額外八五折!

A 小姐在原已選了的兩件貨物,再選定了另一件外衣,如果 S 也買一雙鞋加一條裙,總共五件,就可享額外的八五折。。。

S:但我剛試果條唔啱心水添,咦,其實你而家都買夠三樣,已經可以有 additional 果九折喎,咪無端端益咗我?(哈哈笑的樣)

A 小姐:冇所謂啦,收錢果個(望住售貨員姐姐)都話 Okay

S:哈哈,咁又係,唔該晒喎,無端端慳到錢!!

然後在等候付款期間,S A 小姐繼續攀談,原來 A 小姐住在 S 同一屋苑,售貨員姐姐還笑說,S A 一見如故!

離開時,S 打趣說:唔知下次會唔會再撞到呢! ^_^

A 小姐,哈哈,可能架!

然後道別便各自離去。。。

期待和 A 小姐下一次偶遇!








. 

謝安琪 + 中樂團=鄧麗君,好聽!


晚上和母親一起去看香港中樂團和謝安琪合作,以鄧麗君的歌曲為主題的「月亮代表我的心」演唱會,這不止是 S 第一次聽中樂團演奏,亦是第一次於文化中心音樂廳欣賞 pop singer 演唱,別有一番風味。

音樂會的上半部由香港中樂團以純音樂演奏,由鄧麗君的手本名曲「月亮代表我的心」揭開序幕,分開四段包括兩段 medley,共奏了多首鄧麗君的歌曲,都是比較舊的包括「Goodbye My Love,再見我的愛人」丶「千言萬語」等,有些 S 只知聽過但說不出歌名。

下半部由「何日君再來」的純音樂開始,接下來樂團和謝安琪合作,唱了五首歌,「忘記他」丶「償還」丶「但願人長久」丶「我只在乎你」丶「囍帖街」(這是謝安琪的歌),雖然在唱「我只在乎你」時有點‘甩’(開頭有幾句咬字不太清楚),其他的都唱得很動聽,而 S 最喜愛的,是以蘇軾的詩作為歌詞的「但願人長久」,這歌曲王菲也翻唱過。。。

鄧麗君,溫柔;王菲,飄逸;謝安琪,一時說不出,但又是另一種風格。

hmm… 怎麼 run down 上沒有「月亮代表我的心」。。。?

哈哈,留了在 encore 部份作為壓軸, 幸好沒有在聽完節目表的歌曲便急着離場, 正所謂寶物尋歸底嘛!

由於今晚才是謝安琪和中樂團的第一晚演出,場內不準拍攝,網上未有得看,先看看這個 version。。。






. 

Thursday, 25 July 2013

S 與靚仔老世(I)


網上照片
S 好少睇無記啲電視劇集,就算早一兩年果齣好多人講嘅「天與地」,S 都只係睇咗第一集嘅少少,最近果齣「衝上雲霄 II」,原本都冇乜興趣,但因為身邊實在太多人睇,為咗同大家有共同話題,上星期睇咗少少,今晚又睇咗少少,原來故事係圍繞兩個靚佬機司嘅故事,引發 S 寫吓同靚仔老世的緣份。。。

話說 S audit trainee 時,做果 group 有個金髮丶高大丶靚仔丶年輕(果時年輕)丶有料又有型嘅“鬼佬” senior manager,佢好有 charisma,同一般典型會計師嘅型像好唔同,group 內唔少女同事好想跟佢做事,但偏偏,一向替呢位靚仔 senior manager 做開野嘅 supervisor C 係個好有性格嘅人,唔係人人同佢夾得來。。。

而奇又奇在,人夾人緣呢樣野真係好神奇,呢個 supervisor C 明知 S 勁有性格,例如從來唔會替 seniors 買咖啡或做“阿四”果啲妹仔野,而開 OT 就更加唔“食鐘”(即係做咗但唔 claim OT 錢),但 supervisor C 差唔多個個 job book S 同佢拍當,久而久之, group 內啲人仲當埋 C S 係“金蘭姊妹”,而事實上 C 亦係 S audit 時識到唯一一個變咗做 personal friend 嘅朋友!

講返去靚仔 senior manager,最記得有一次,S 做一個好大嘅 fund management group auditschedule 好趕,有一晚只得 S 一個人要留喺 client 公司開夜, senior manager 晚飯後折返 client 公司等 S,之後一齊走,替 S 擮埋的士返屋企佢至走,nice!而更 nice 嘅係,佢從來唔會因為要保住個 recovery rate 而要 junior “食鐘”! (註:recovery rate audit manager 嘅其中一個 performance indicator,將每個 job 嘅成本同收到嘅 audit fee 比較,員工 claim 得越多 OT 即係成本越高,“淨行潤”就越低了,啲老世梗係唔想啦!)

S 知道,當時 group 內唔少人羨慕自己,女同事羨慕 S 可以同靚仔老世合作,男同事就羨慕 S claim 得足 OT 錢!而工作以外,大家以為 S 成日做靚仔老世啲 jobs 就一定知佢好多私人野,成日向 S 打探關於佢的緋聞,但大家次次都失望而回,因為莫講話 S 根本從來冇“八掛”過,就算知亦唔會講!

後來 S 明白,靚仔老世好注重自己嘅私隱,佢鐘意同勁有性格嘅 C S 合作,除咗 C S 辦事能力高之外,其中一個重要原因,就係我倆從來唔打探丶更加唔會講佢嘅私事,而最丶最丶最重要嘅係。。。

S 夠晒靚女,book S 幫佢做野,特別醒神嘛!

嗱嗱嗱,唔係 S 一廂情願架,S 離開咗 audit firm 之後冇同靚仔 senior manager 聯絡,大約十年前喺 Charter House 偶然撞到佢,佢第一句說話係:hey S... K..., you look goodno change at all

其時已經“升呢”audit partner 嘅佢亦一樣,S 贈返佢一句:hahaThanks … you too !




去年昨日:

. 

Tuesday, 23 July 2013

替地產霸權說句話,賣百佳


香港人有時候真的頗奇怪,而且越來越不可理喻,百佳“好人好者”存在之時,一面罵地產霸權,甚至在“碼頭風雲”一役時,霸工霸到反百佳,不知是意氣用事還是真的有心針對李氏一家(其實也頗明顯的)。

蘋果日報圖片

S 從沒接觸過百佳的運作,對它“盤數”亦沒什麼認識,只知道,如果“地產霸權”真的有如一般報導那般令香港不濟,而大家對地產霸權不屑又不耐煩,現在人家研究“賣盤”,理應燒炮仗和放煙花慶祝才是嘛!

但有趣的是,不但有人極速把事件升級至政治層面,攪工運的又來說什麼“霸簽”轉僱主等,S 真懷疑箇中的居心!

其實在一間 global company (全球性的公司),不時審查投資組合是平常事,S 雖然沒有看過百佳的數據,但以常理也想像得到,這種生意,毛行不可能高,扣除營運開支和稅項之後的淨利潤,隨時更可能只是“雞肋“,食之無味丶棄之可惜,投資那麼多金錢丶精力,還要僱用龐大的人力團隊,兼顧大量營運細節,每年才淨賺“幾厘”,“攪咁多野”真的不知道“為乜”的。

所以,雖然 S 個人並非李嘉誠先生的 fans,但每每當他談到“撤資”的時候,從來不覺得反感或覺得他在威脅港人,而是覺得,總有一天,當這裡不再適合他集團(現在由他兒子管理)的組合時,是有可能發生的,而世界不斷在變,今天走了,不等於將來一定不可以回來嘛!

S 覺得,如果香港人真的厭倦了“地產霸權”,現在人家“走先”,那就尤得他吧,何必又反過來吵吵鬧鬧,“唔比人走”呢?

S 向好一方面想,百佳經營日常生活必需品的生意,需求既然一定存在,大財團離場,說不定,反過來是一個造就中小型企業“翻生”的好時機也不定,到時候沒有百佳,但有“百花齊放”,消費者更多選擇,不是更好麼?

可是似乎大部份人並非這麼想,莫非他們其實深深明白,黃和離場,接手的如果也是大集團,隨時“一蟹不如一蟹”,既然如此,雖然一面罵人家“地產霸權”,另一面見人家有離心時,卻又“拉閘放狗”,唔準人走!

如此雙重標準,到底想點?





. 

Monday, 22 July 2013

今年書展,Reading list of S


S 雖然怕與人迫,但不時都從不同途徑得到書展的免費入場劵,所以差不多每年都會到書展一遊,今年多謝貿發局不但邀請 S 參加預覽(按此閱讀全文),更送了四張免費入場票,分別是 19 20 號的,哈哈,兩場都是開至深夜十二時的,正合 S 這夜遊人的心意。

19 號(星期五)那兩張,M 和同學用了。20 號星期六,由於日間相約了好友們替兩位巨蟹座慶祝生晨,加上 S 不想和其他人迫,於是在距離關門只剩下兩個多小時丶即晚上九時多才入場,由於身邊人對陳冠中也甚有興趣,先到文藝館一遊,之後便到 main hall 閒逛,雖然沒有特定的“掃貨目標”,但想找一本原著是英文丶名為『One and Only』關於獨生子丶女性格特質的書本,主力逛英文書 counters。然而,不知何解,連在最多英文書的 Page One 也竟然沒有,最後要用 HKTDC book search function(書藉搜尋功能),話說辰衝 (Swindon) 有,結果仍是不得要領,辰衝所 carry 的那本是一本小說,而非 S 在找的那一本。

但沒關係,知識是無界限的,今天與那本書無緣,如果是有緣有份的話,終有一天會讀到,是以無損 S 的興緻,結果在不同的 counters“掃”了。。。

Popular (大眾書局),$130 三本:
Deception Point, Author Dan Brown
5 People you meet in heaven, Author Mitch Albom
Tuesday with Morrie, Author Mitch Ablom

話說以上兩本 Mitch Albom 都是頗為沉重的閱讀,不知 S 有沒有能耐讀完!

KEA Learning (One Step),這家有趣,他們有不少英文書,大部份買一本有七折丶三本六五折丶五本或以上有六折,而且原價(定價)比 Page One 和其他大書店低,買完之後,S 問他們書店開在那裡,才知道他們沒有分店,因為是做批發的,anyway,在此買了。。。

FoucsLove,這並非文字書,全本都是相片,每一幅都從生活不同的角度丶甚至一些完全不起眼的小事物 capture 到心型圖案,閒時揭來看看,很有意思耶 (折實 $34)

以下是買五本有六折的,共選了六本:

Life of Pi, Author Yann Martel (折實 $45.6,註 Page One 標價 $112 有七折,即是 Page One 折實後仍比這裡貴 $32.8),這是好友 F 答應送給 M 的生日禮物,可是 F 近幾個月身體不適,沒有時間去買,想不到機緣巧合由 S 來買,省回不少,Yeah!

Digital Fortress, Author Dan Brown (折實 $45.6),是的,又是 Dan Brown,因為 S 身邊那個人愛讀他。

How to Win Friends & Influence People, Author Dale Carnegie (折實 $45.6),這個更有趣,是 M 指定替他買一本由 Dale Carnegie 寫的 “How to 乜乜乜,皆因兩年前他自己選了同一作者寫的 “How to enjoy your life & job”的書覺得好看又有用。

Outliers, Author Malcolm Gladwell (折實 $45.6),由於這本書已經出了幾年,S 大概知道 outlier 的概念,但也想看看兼且介紹給 M

One Day, Author David Nicholls (折實 $67.2)S 錯過了以這書改編的電影,雖然可以在網上看電影,但相信原裝文字本一樣好看。

How to be More Interesting, Author Edward de Bono (折實 $90)Edward de Bono 是教人“用腦”的大師級人馬,S 讀過其 Teach Your Child How to Think 和對 Six Thinking Hats 也有一點概念,是有信心之選,所以折了仍要 90 大元,也選了。

天地圖書,買了以下,一本有八折:

星雲大師的人生哲學課之二:佛眼 (折實 $64)S 近年對佛學有點兒興趣,但完全無從入手,揭了這書幾頁,發現其表達方式有點兒像 Dialogue with Plato,但用字比較淺白易明,應該不會發生“每個字都識晒,但係睇完唔知佢想講乜”的情形,所以買回來看看。


Well,不買白不買,買完之後想想,原來對上一次“認真”讀書,已經是一兩年前讀龍應台和大前研一了!





. 
Related Posts with Thumbnails