Thursday, 11 July 2013

愛靚唔愛腳



昨日買咗條新裙,為咗著比替 S 揀呢條靚裙嘅有品味同事 A 睇, 今日火速穿上,原想襯上以紅為主色嘅花花涼鞋,但全身高貴紫色,撞上紅鞋,又紅又紫,似乎 over 咗啲!

於是想起呢對上年買,但好少著嘅 open-toe 黑色高踭鞋。。。

hmm … 深紫襯黑,比較沉實但高貴,就咁啦!


對黑色 open-toe 之所以少著,係因為頭兩次著都刮到對腳損晒,好鬼痛,所以一直冇乜勇氣再“挑戰”對靚鞋,但襯起條新裙又真係好靚,於是“轄出去”。然而,由於因為太耐冇著,唔 exactly 記得上次刮損隻腳邊個位,連膠布都冇黏就著咗,死就死啦!

結果,一如所料,愛靚唔愛腳嘅代價係,從香港站出來,都未行到返公司,唔止痛到要減慢速度,重刮到左腳踭損咗丶右腳踭紅晒!

返到公司,速速黏膠布救亡之餘,重要攪到因為 S 腳痛唔行得遠,同事提議午飯就喺樓下就近飲茶,真係唔話得!





. 

No comments:

Related Posts with Thumbnails