Saturday, 13 July 2013

Don’t just Blame it on 強國人。。。


昨日放工如常乘地鐵返家,在香港站上車,S 站得比較近門口,前面係一個金髮女郎外國人,佢靠在門邊,但並非好似一般人咁同度門垂直(perpendicular)咁企,而係背靠車門丶面向車廂,和面對車門的 S 差不多正面相對。

車門關上後,金髮女郎成個人 “pai”咗咁靠住車門,而 S 如常攞住電話在上網,忽然之間,個電話比人從底撞上嚟,原來呀金髮女郎隻左手攞住一枝冇閂蓋的雪碧,公然喺地鐵車廂裡面飲。。。

由於佢撞到 S,下意識望下佢,發現佢喺度飲野,S 瞪大對眼“怒啤”住對方,對方初頭可能以為 S 唔滿意佢撞到我,很不屑地同 S “互啤”,S 於是望一望佢枝雪碧,之後更惡咁望住佢,其時個心已經鬧緊佢,心諗夠膽你就開口問 S 乜事,隔咗相信都十零秒,對方唔再啤住 S,於是 S 四圍望望不準飲食個牌喺邊,如果呀金髮女郎再飲,S 就會同佢講“If you are not able to read, I think you can still understand that sign”(如果你唔識字,我諗你都會明白果個牌)

不過,金髮女郎點會唔識吖,只係冇公德,既然撞正 S 呢種人,冇再飲,地鐵到咗九龍站,佢落車,一出到月台,已經急不及待舉起樣雪碧喺度飲,真係。。。

不。知。所。謂!

香港好多人成日話啲強國人點樣冇公德,強國人容易比人發現,一來因為佢地人多勢眾,二來亦係佢地某啲衛生常識同標準,又係真係冇乜意識,有時重令人好鬼嘔心添!但咁並唔代表其他人種係高人一等,尤其是除咗呢次,S encountered 過唔少乞人憎又 arrogant 的外國人,男男女女都有,反而呢幾年喺街不時向 S 問路嘅,當中唔少係強國人,大多好有禮貌的。

無論如何,S 覺得,公德心呢樣野,一切從自己開始!

下一節:Don't just Blame it on 強國人



2 comments:

Ebenezer said...

在地鐵入面飲野我還接受得到,但打茄輪呀、坦胸露隙等等呢D行為,就更加惡頂。

SKII said...

但係都係唔好囉,你知地鐵幾迫架啦!

Related Posts with Thumbnails