Saturday, 31 August 2013

唔簽約得唔得呢?(II)



簽完正式買賣合約那天,S 再到停車場走了一趟,發現仍然有車泊在 S 買了的車位上,於是“攝”了一字條在車頭,寫道:你好,我買了這個車位,下月交吉,有意繼續租的話,請電 9xxxxxxx,謝謝!

過了幾天,有人致電 S 的手電,詢問租車位的事,那是一把男聲 Mr. Z,第一句問 S 的並非價錢,而是“唔簽死約的唔得呢?”

解釋因為他自己正計劃在同一停車場買車位,如果可以的話,希望不簽死約,但會依規矩交足上期和按金。

S 是投資車位新手,第一次遇到如此的要求,沒有立刻回答對方,反正車位仍未交吉,想清楚才回答。

想了幾天,S 回覆 Z,以低過當時地產商一點點的價錢租給他,還答應他的要求,只簽生約,即起租之後,雙方只需一個月通知,便可終止合約。為何 S 會答應如此奇怪的要求?

第一,直接租給原有租客,省卻了地產經紀佣金,雖然當時另一出租 channel 是在百佳(超級市場)貼免費廣告,但也要時間,而 Z 會於 S 收車位的第一天便起租,完全沒有 time lag,省了時間丶也省了精神,雖然租金比地產商平,但也有不錯的回報,Okay,收貨。

第二,S 覺得“死約”根本沒意思,簽不簽其實沒什麼大不了,原因說來話長,要時光倒流。。。

話說 97 年期間,S 把當時自住的單位出租(自己搬回和父母同住),結果因為租金“太好”(好貴),雖然租了給一家在其“行頭”很有地位的日本公司(俗稱簽“公司約”),但結果對方在“死約”期間違約搬走了!

不幸中之大幸是,他們算得上“君子”,於“死約”期間想搬走竟然預先通知 S,還打算把進入單位的鎖匙(即單位的合法管有權)原好的交回給 S,才終止交租。

S 向律師朋友查問應不應收回鎖匙,和可否追討餘下死約的租金?答案是可以的。只不過,律師朋友提醒 S,想追討餘下租金,要有心理準備花上大量精神和時間和對方糾纏。朋友做了多年律師,見過不少古怪 cases,深明“要走的留不了”,既然對方去意已決,與其“死纏爛打”不放手,倒不如依對方要求,先合法地取回單位的管有權(即收回鎖匙),但一定要對方白紙黑字寫明是他們要求搬離的(即違約)。至於追不追討餘下租金,是後話。S 於是聽從律師朋友的話,取回鎖匙。

後來單位再出租時,因為遇上 98 年金融風暴,租金暴跌多過 50﹪,但 S 不想給自己太大精神壓力,沒有向原有租客追討。

Okay,因為上了 97/98 年一課,如今 Z 既然如此坦白,S 欣然接受不簽死約這要求。而且,反正他的“老婆”(即他的車)泊在 S 的車位上,若然 Y 有什麼“行差踏錯”,S 大不了到管理處 cut 了出入停車場的 card 嘛!Z 喜遇 S 這個“開明”業主,主動分享了很多他將會如何選擇車位的心得,之後不出一年,Z 自置了一個他很滿意的車位,於是與 S “和平分手”。

及後 S 在百佳貼免費廣告,把車位租了給一對年輕夫婦(當時 S 也很年輕 ^_^)S 只要求簽生約,對方當然沒所謂,但仍是一租便是幾年,直至他們搬離那屋苑。

之後 S 租了給後來搬到這屋苑的男朋友 VV S 識於微時,有份難以言喻的互信,不但沒有簽約(是生約也沒簽),連按金也省卻,而更“正”的是,年輕夫婦和 V 直接“交收”出入停車場的車 cardS 連露面也不用便繼續收租(亦依足法例交稅耶),直至 2010 年把車位賣出,不久之後 V 搬了往港島!

其實,簽約如做人,管他什麼“生死約”,反正“ 人”是“生”的,才是主宰合約的靈魂嘛!


後記:for reference 2004 2010 年,香港物業價格頗為平穩,S 賣出車位時,價格比買入只升了大概 11﹪,雖然一直收到租的租金未能完全 cover 所在開支,但扣除了支出和稅項,賣出時收回的現金,差不多相等於原先投入的 2.5倍,累計淨利潤大概 34%,不失為一項 okay 的儲蓄!但要注意的是,資產價格可升可跌之餘,利息開支也主宰了整體回報。而且這個網誌純屬予發個人感受,絕非 offer 投資意見。



Friday, 30 August 2013

唔簽約得唔得呢?


S 2004 年投資買車位(是投資而非炒賣,皆因一 hold 六年),那時候,雖然價錢比起現在算不貴(大概等於現在 50﹪左右),但相對於當時的物價和 S 的人工,是個“奢侈品”。只不過,當時車位也可以做七成按揭,利息又只比樓按貴一點,而且相對於投資樓房,成本比較低,以 S 當時手上有的資金,剛剛可做這個“大投資”。

當時 S 和老朋友相識不久,並不知道老朋友對投資甚有心得,但也有對他提起這個投資,最記得老朋友的第一句說話。。。

你買幾多個?買多幾個慳返啲律師費。。。

Well,這個問題對於“投資新手”的 S 來說,簡直是“不知所問”,因為 S 根本沒想過買多過一個,於是直接答道:一個!只夠錢買一個。

老朋友:咁有冇八丶九厘回報?

S:冇喎,得五丶六厘咁上下咋喎。

老朋友:車位嚟講算低啦,不過你都買咗,收下租先啦。

Okay,之後才“做功課”去瞭解投資車位是怎麼樣的一回事,原來那時候買車位作為投資的人,大多“一 lot lot”好多個地買,但沒所謂,這是人家的事,S 只買自己 affordable 的。

而另一發現是,向“詳和”系買一手貨(樓或車位),雖然無需支付地產經紀佣金,但卻要付地產商那方的律師費,是個不折不扣的“不平等條約”,是以 S 發誓,從今以後不會買“詳和”系的出品,尤其是一手貨。

那麼,又和簽約有什麼關係呢?仍在寫,待續。。。




Thursday, 29 August 2013

唔好比個女咁早學 Hip Hop


睇完「狂舞派」(按此閱讀),諗起幾年前同靚仔同事 SC 嘅有趣對話,SC S 年輕好多,果時離開校園只係幾年嘅事,S 問佢關於本地升、讀大學嘅事。。。

SC:入到大學,第一件事梗係 join Dan So (Dancing Society) 啦!

S:???


SC:型吖嘛!識女仔都易啲。。。

S:哈哈,死啦,我個仔唔識跳舞添。。。

SC:梗有啲野啱玩嘅。。。

跟住唔知講咗去邊。。。

SC:我有啲 friends part time 教跳舞。。。

S:我有兩個朋友啲女都學緊跳 hip hop,有冇好介紹?

SC:幾大呀?


S:五年班,跳得好鬼型!

SC:咁唔好去啲男教師度學住啦,咁細個,比人食咗都唔知乜事呀!。。。(Please read:註)

S:哈哈哈,哦。。。原來如此!

哈哈,S 唔記得問 SC 點識佢老婆,S 只係喺 fb 見過 SC 太啲相,好靚女,同 
SC 好襯,如果佢兩個一齊跳 hip hop,應該好有台型呀!

狂舞派主題曲,好聽兼好睇

【狂舞吧】黃宇希。曲:戴偉;詞:陳心瑤

註:唔記得 SC exactly 點講,總之係咁意思,寫完要叫佢睇睇,核實一下





 

Tuesday, 27 August 2013

「狂舞派」,你看到自己麼?


呢期最潮本地電影,莫過於「狂舞派」,由於有大量跳舞場面,揀咗同 M “拍拖”入戲院睇,之前睇過介紹,大概知講乜,更有期望,但冇失望而回。

網上圖片
導演起用冇乜知名度丶但應該真係識跳舞嘅演員,其實更真實,令人更有共鳴,電影某啲場面喺 Poly (理工大學)取景,唔知係咪因為 S 自己喺 Poly 流漣過一年丶又做過一年某學部,雖然同跳舞無關,但 S 同戲裡嘅年青人一樣,花咗大量時間喺學部,因此特別有感,重頗有“那些年”嘅味道添。

呢齣電影,青春同 passion 係最大嘅亮點(賣點),就算係唔識跳舞一族,應該都梗有啲野令人找到共鳴耶。。。

例如女主角阿花,想入大學根本唔係為讀書,而係為跳舞丶甚至係為咗想識 “Dan So”(Dancing Society) 嘅型男 Dave,睇落幼稚,但慘得過佢青春大晒,為咗找尋自己嘅愛好丶又可追男仔,果個年紀輸得起,so what!?

但最觸動 S 嘅並唔係呢個位,而係阿花發現(定明白?)自己鍾意咗個萬人迷,既然對方模稜又兩可,於是選擇“走得比你早”,反而至有機會被超老土嘅“七良”用太極去感動阿花,呢個真係勾起無限回憶,因為當年都有一個咁嘅人,喺 S 唔知自己想點嘅時候,陪住 S 做一啲佢根本唔鍾意(但應該唔討厭掛)丶又唔知係乜嘅野,總之 S 鍾意,佢就陪伴左右。

不過,S 最後冇同佢一齊丶亦冇好似阿花咁,為自己最鍾意嘅野(寫作)而堅持,反而選擇走咗“佬”(離開咗香港)。。。

所以,齣戲某程度上為 S 成就咗夢想!

哈哈,唔知其他人又睇到啲乜野呢?





 

Summer of Love。Lunch @ 政總再上山頂


暑假結束前最後一星期,S 放一星期大假,不會外遊,亦沒有任何計劃,想到什麼便做什麼,旨在陪陪 M 放假,畢竟兒子愈來愈大,自己有自己的天地,下年這個時候,也許不會再和 S 去“拍拖”了,所以縱使無所事事,也要好好享受一下這個 “Summer of Love”

Okay,第一天,我們相約了朋友到位於添馬的政府總部(“政總”)吃午餐,因為聽說那裡有一間由東華三院經營丶名為 “i-Bakery”的社會企業餐廳,主要聘用一些弱勢社群(如輕度弱智人仕)為侍應生,食物不錯,所以相約了在附近辦公的朋友試一試。

我們從港鐵香港站步行往政總,周一的龍和道上差不多沒有其他途人,很寧靜,有點難以相信自己處身中環;從海傍回看大會堂,和從前總是從另一邊看過來,別有另一種感覺;再經過解放軍總部,先看到一大片綠悠悠的海濱公園,才到達“門常開”的政總。


餐廳在政總東翼,我們訂了 “open air”的室外座位,很有歐洲風情,在這已過了立秋的暑假,一字記於曰“正”!

也許因為餐廳始終由社企經營,某程度營運上有點限制,午餐只提供六款指定的 set lunchS 選了德國豬手,一心以為只會是平常街市買到的那些小豬手,出乎意料地非常的足料兼烹調得甚有水準,豬皮很爽而肉質很滑,portion 更大得 S 要與 M 和朋友分享,反正 M 點了一碟以菜和菌類為主的意粉,朋友又點了完全不同口味的魚,大家互相分享,分甘同味耶!


原本我們下午沒有其他計劃,但由於我們坐的位置剛巧從 Lippo Center 兩憧大廈的 “la”隙看到山頂凌宵閣,於是“擇日不如撞日”,和朋友吃過午飯後,從政總步行到山頂纜車站,湊湊遊客們的熱鬧,到山頂“到此一遊”加 high tea。。。

天氣很好,雖然只帶了電話,連小型 DC 相機也沒有,也來一個“同場加映”,由 M 拍下丶命名為 “Beautiful lady staring at ICC”。。。






. 

Monday, 26 August 2013

冲涼無需要鬥快


原本有第二個 topic 想寫,但頭先冲涼時諗起呢個,想寫寫先。。。

話說 S 同好友們不時都會夜放工丶更會在美女 group chat 互相鼓勵一吓。有一次,S 同身在內地工作的 C 又“齊齊”夜放工,返到屋企食飯時互傳圖片update 一吓晚飯食乜餸,又 chat 吓啲無謂野輕鬆一番,之後各自去冲涼,做事一向 efficient C 加咗呢一句:Okay,睇下邊個快。。。

S 答道:你快快,S 唔同你爭,S 冲涼一向攪好耐。。。

皆因 S 視冲涼為人生其中一大樂事,先要洗面(係好認真咁“洗”,即係就算冇化裝,都要以洗面奶清潔,如果有化裝,就更要先“落裝”丶再洗面),至冲涼,再搽埋護膚品,如果已介睡覺時間,重要加埋刷牙加用牙線清潔等“工序”。

就係咁,S 每次“冲涼”都要攪好耐,但既然自己享受那過程,無需要“鬥快”! ^_^





. 

Saturday, 24 August 2013

水瓶丶雙魚大戰。車頭打交車尾和!



於是 T 發晦氣咁講:咁去 xx 灣(S 屋企)先啦囉!

S T 係發晦氣,隔咗一陣同司機講:去 xx 街先。。。

T 想講野,但 S 唔比佢講: OKlet’s stop here

T 答:yeah let’s stop here。。。

其實大家都係冇心丶亦係大人,知道係時候收口,但“死性不改” 繼續講埋啲無謂野。。。

隔咗一陣,T 打圓場,笑說:哈哈,所以我地唔可以一齊做野。。。Thank You 你呀!

S 笑答:Thank You 你識 Thank You 我喎!

T:哈哈,Thank You。。。

S:不過你應該嘅,我次次有揸車都兜你返屋企先啦!重有呀,次次由 P 屋企走,都係你落車先架,因為咁順路啲,我從來唔會話要兜去我屋企先架!

T 真係“死性不改”:超,上次你隔離果個都唔識路去我屋企!

S:嗱,你咪講咗去第二度呀,唔識路都係送咗你返屋企喎。。。

又隔咗一陣。。。

T:哈哈,今晚你寫個 blog 講呢件事。。。

S:唔寫!嬲你幾年呀!我個 blog 唔係寫比你睇嘅!

T:唔好咁啦,我今日真係好眼瞓,想快啲返屋企瞓覺呀。。。

S:知啦!

的士差不多 T 的家,臨落車時 T S 來個 goodbye hug,哈哈,兩個中女,真係無聊,正一“車頭打架丶車尾和”!

S:落車啦你,返去瞓覺。。。

T:你小心啲呀,返到屋企 chat 我啦。。。

S 忍唔住繼續“玩”T:唔 chat!都話嬲你幾年咯!

T 落咗車。。。

司機叔叔:唔好意思呀,最衰我講錯咗。。。不過你好大方呀!

S:哈哈,是鬼旦啦,一程車啫,你識路兜返去 xx 灣呀可!

到落車時,司機叔叔又再講多次:你真係好大方!

S:哈哈,ok 啦!

後來想想,兜多咗路,雖然唔係好多,但都係收多咗錢,唔怪得司機叔叔話 S 大方啦!

* * * * * * * * * * * * * * * * * * *

返到屋企,發現手電有個 missed call,係 T,佢見 S 冇接電話,在美女 group chat S 是否安全回家。。。

Sjust arrived. Ok!

哈哈,原本 I 叫神婆 T 做大嘅、讓吓 S,但點知比大家發現原來係 S 讓咗 T

T 重要跌落地返渣沙,答道:S EQ 今日好過我,因為我攰。

之後又在 chat S 幾時寫 blog


S 答道:嬲你幾年耶。。。哈哈哈,你唔怕 S 寫衰神婆 T 咩?而家去沖涼。。。

T:咁你聽日至寫啦!

哈哈,女人真係唔講理由嘅,尤其是神婆 T,明知會比 S 寫“衰”佢,重叫 S 快啲寫,正一變態水瓶座!!

不過,寫完都要再“丙” T 一野,又話趕住返屋企因為眼瞓,結果成半夜三點重替好友 C 擇搬屋吉時丶又替 P 挾八字,即係點呀!!!



金星中女,車上打架。。。


Men are from Mar, Women are from Venus...

來自金星的中女,總是 “B 哩巴啦,但又感性,尋晚美女飯局食到地鐵都收埋至散,走時好難截的士,A 歸家心切丶急急腳上咗第一架,I 住“山區”唔同佢爭,P 住得唔遠唔近丶自己攪掂,於是同“方向”嘅 S 同神婆 T 坐同一架走。

上到車後,其他好友喺美女 group chat 度講笑叫神婆 T S 唔好喺車打交。。。

點知 S 第一句就答:打緊啦,哈哈哈!

事緣上車時,我地叫司機叔叔因應行車路程,點樣順路就 drop 低邊個先,的士叔叔第一個答案係去 xx 街( T 屋企)先,其實 S 覺得怪,但揸車果個都咁講,是鬼旦!

點知行咗一陣,司機叔叔話應該係去 xx 灣(S 屋企)先比較啱路。。。

實事求事嘅 S 諗都唔駛諗,順口答:咁去 xx 灣先啦。

點知神婆 T 好火咁話:去 xx 街先,頭先你自己話嘅。。。

S 凡事講原則,又有職業病研究 process flow,自然而然 go with the most efficient path,好直接咁答:去順路果度先啦!

於是兩個堅找己見嘅中女喺車上“駁火”,你一言丶我一語。。。

S:唔怪得你老闆話你唔 mature 啦!

T:唔怪得你會同個仔嗌交至係呀!

其間 T 叫司機叔叔話事。。。

於是司機叔叔又答一次:跟條路就去 xx 灣先。。。

T like:你第一次唔係咁講。。。

S 駁回:咁而家人地改返吖嘛,點啫!

司機叔叔見兩個中女咁“火”,覺得唔對路:咁你地話啦,或者擇“公字”。。。

S:擇乜鬼吖,我地自己話啦。。。(然後壓低聲線,又中又英咁講)唔好擺個司機上枱,得罪佢遲落車果個有危險架!

於是 T 發晦氣咁講:咁去 xx 灣先囉!

哈哈,原來要寫晒出嚟好長,待續。。。水瓶大戰雙魚。車頭打交車尾和!





 

Friday, 23 August 2013

放假前綜合症


星期四晚成十點,重喺公司未放工。。。

魔鬼同事 L:其實你唔駛咁趕,個 project 重夠時間,放完假反嚟至做都得。。。

S:唔好啦,我之後又放假,好趕,重要留返啲時間同大家 discuss agree,你知啦。。。唔想帶埋(記住)啲野(工事)放假呀!

L:哈哈,咁又係,唔係返到嚟唔記得晒!

S: 係囉,所以我想 wrap up 咗上次講嘅野丶send 咗出去先。。。

雖然忙錄,但仍偷閒在美女 group chat “報平安”,chat 咗一句:S 仍在公司。

好友 A 答道:放假前綜合症 ^_^

F 搭嗲:諗吓下星期放假就開心,加油!

S 冇繼續答,因為真係好趕,而且做緊嘅野好嘥“腦汁”,要好專心。

其實,原本可以聽日做,但一來日間好混亂,開會丶phone callsdiscussions。。。完全冇可能有靜靜地嘅 desk time S 專注做一件事,而最重要嘅係,明晚約咗美女們食飯,唔想遲到,唯有今晚做夜啲囉!

結果,都只係做咗八成,要明天續,但好過冇,因為最煩果段已做好,聽日至算!





 
Related Posts with Thumbnails