Sunday, 18 August 2013

認真裝丶求其住



類似上文講過好友 C 的認真揀丶求其買嘅經歷,S 都試過,重加多樣。。。

=> S 好認真咁裝修,結果只係求其咁住咗幾年!!

S 換屋過程,冇 C 咁奇情,但都係認真揀丶求其買。。。


仍然住在新界大西北時換屋果次,S 一家在住緊的屋苑睇屋睇咗成年都唔啱,後來機緣巧合撞咗入去人地做緊“開放日”嘅單位,S 與母親睇咗一陣,叫埋老豆(S先父)來望了幾眼,大家都鍾意,於是睇咗唔夠廿分鐘,“扑搥”,就呢間!最“騎呢”嘅係,當時 S 身邊人出咗差,反正佢讚成換屋,S 只係等佢打電話回來時,“知會”咗佢一聲遲啲要搬屋,同日就簽埋臨時合約!

之後 S 替間屋大肆翻新,間屋樓齡廿幾三十年,換過幾手業主,留落的裝修已經好殘舊,於是 S 裝修時索性“dun”淨四幅牆,將所有野丶裡裡外外丶連眼見唔到的水喉電線都由頭“起”過晒。

入伙後,住在同一屋苑的朋友來訪時,個個都讚靚,唔止一個朋友都話曾經睇過呢間屋,但因為裝修好殘舊,加上鄰居供奉咗一座唔係人人都受落嘅四面佛,令感覺好“陰森”,唔 like

S 入住時,感覺煥然一新,好似入咗新樓咁。。。

當然啦,果次“大裝修”S 好似 C 今時今日裝佢間屋咁,花咗好多心思,勞心勞力,替全屋大“整容”,不過後來 S 一家人只住咗幾年,因為要遷就 M 上中學,搬走咗,真係。。。

認真裝丶求其住!

哈哈,唔知第日 C 會唔會同 S 一樣呢!?

P.S. 今日為咗搵相配合呢一篇,睇返啲舊相,好懷念居住於“小鎮”的風情!


下文預告:認真揀丶求其結



No comments:

Related Posts with Thumbnails