Friday, 23 August 2013

放假前綜合症


星期四晚成十點,重喺公司未放工。。。

魔鬼同事 L:其實你唔駛咁趕,個 project 重夠時間,放完假反嚟至做都得。。。

S:唔好啦,我之後又放假,好趕,重要留返啲時間同大家 discuss agree,你知啦。。。唔想帶埋(記住)啲野(工事)放假呀!

L:哈哈,咁又係,唔係返到嚟唔記得晒!

S: 係囉,所以我想 wrap up 咗上次講嘅野丶send 咗出去先。。。

雖然忙錄,但仍偷閒在美女 group chat “報平安”,chat 咗一句:S 仍在公司。

好友 A 答道:放假前綜合症 ^_^

F 搭嗲:諗吓下星期放假就開心,加油!

S 冇繼續答,因為真係好趕,而且做緊嘅野好嘥“腦汁”,要好專心。

其實,原本可以聽日做,但一來日間好混亂,開會丶phone callsdiscussions。。。完全冇可能有靜靜地嘅 desk time S 專注做一件事,而最重要嘅係,明晚約咗美女們食飯,唔想遲到,唯有今晚做夜啲囉!

結果,都只係做咗八成,要明天續,但好過冇,因為最煩果段已做好,聽日至算!





 

3 comments:

卡臣 said...

放假玩得開心啦

Ebenezer said...

會去邊度遊埠?

S said...

卡臣,會架啦!

Eben,留喺香港hea...

Related Posts with Thumbnails