Saturday, 24 August 2013

水瓶丶雙魚大戰。車頭打交車尾和!



於是 T 發晦氣咁講:咁去 xx 灣(S 屋企)先啦囉!

S T 係發晦氣,隔咗一陣同司機講:去 xx 街先。。。

T 想講野,但 S 唔比佢講: OKlet’s stop here

T 答:yeah let’s stop here。。。

其實大家都係冇心丶亦係大人,知道係時候收口,但“死性不改” 繼續講埋啲無謂野。。。

隔咗一陣,T 打圓場,笑說:哈哈,所以我地唔可以一齊做野。。。Thank You 你呀!

S 笑答:Thank You 你識 Thank You 我喎!

T:哈哈,Thank You。。。

S:不過你應該嘅,我次次有揸車都兜你返屋企先啦!重有呀,次次由 P 屋企走,都係你落車先架,因為咁順路啲,我從來唔會話要兜去我屋企先架!

T 真係“死性不改”:超,上次你隔離果個都唔識路去我屋企!

S:嗱,你咪講咗去第二度呀,唔識路都係送咗你返屋企喎。。。

又隔咗一陣。。。

T:哈哈,今晚你寫個 blog 講呢件事。。。

S:唔寫!嬲你幾年呀!我個 blog 唔係寫比你睇嘅!

T:唔好咁啦,我今日真係好眼瞓,想快啲返屋企瞓覺呀。。。

S:知啦!

的士差不多 T 的家,臨落車時 T S 來個 goodbye hug,哈哈,兩個中女,真係無聊,正一“車頭打架丶車尾和”!

S:落車啦你,返去瞓覺。。。

T:你小心啲呀,返到屋企 chat 我啦。。。

S 忍唔住繼續“玩”T:唔 chat!都話嬲你幾年咯!

T 落咗車。。。

司機叔叔:唔好意思呀,最衰我講錯咗。。。不過你好大方呀!

S:哈哈,是鬼旦啦,一程車啫,你識路兜返去 xx 灣呀可!

到落車時,司機叔叔又再講多次:你真係好大方!

S:哈哈,ok 啦!

後來想想,兜多咗路,雖然唔係好多,但都係收多咗錢,唔怪得司機叔叔話 S 大方啦!

* * * * * * * * * * * * * * * * * * *

返到屋企,發現手電有個 missed call,係 T,佢見 S 冇接電話,在美女 group chat S 是否安全回家。。。

Sjust arrived. Ok!

哈哈,原本 I 叫神婆 T 做大嘅、讓吓 S,但點知比大家發現原來係 S 讓咗 T

T 重要跌落地返渣沙,答道:S EQ 今日好過我,因為我攰。

之後又在 chat S 幾時寫 blog


S 答道:嬲你幾年耶。。。哈哈哈,你唔怕 S 寫衰神婆 T 咩?而家去沖涼。。。

T:咁你聽日至寫啦!

哈哈,女人真係唔講理由嘅,尤其是神婆 T,明知會比 S 寫“衰”佢,重叫 S 快啲寫,正一變態水瓶座!!

不過,寫完都要再“丙” T 一野,又話趕住返屋企因為眼瞓,結果成半夜三點重替好友 C 擇搬屋吉時丶又替 P 挾八字,即係點呀!!!



3 comments:

卡臣 said...

前世已種下

Ebenezer said...

原來做的士司機真係好大壓力,怪唔得先幾日發生咗單新聞....

哈哈哈^^

S said...

卡臣,哈哈,可能真係!我地講返呢件事,神婆 T 話果晚講啲野好似同佢細妹嗌交咁 :-P

Eben,都係架!

Related Posts with Thumbnails