Saturday, 3 August 2013

“Hea住” 扮靚之 Lovely 洗甲水 from Korea


今日 S 家中各人唔係去咗外遊、就係外出,S home alone”!於是相約小S Mrs. McDonald lunch tea

雖然朝早十點幾已起咗身,但冇約食晏,一來唔想午餐時間同人迫,二來平日已經趕時間趕得夠了 ,周末留多啲時間輕輕鬆鬆丶 “hea” 住扮下靚至出街,無謂影響市容嘛!

早上一醒來先同表妹 chat 咗一輪佢買新玩具的過程,real time 感受一下佢嘅興奮,之後至慢條理梳洗、洗衫(當然係開洗衣機啦)、邊食早餐邊上網又邊同美女群組 chat。。。

終於到咗預備出街呢一環,咦同上次出遊之前一樣(按此閱讀),要先做一樣野,就係搽靚啲腳甲。。。

今次要先洗走現有果層甲油,忍唔住要介紹下呢枝洗甲水(圖中左手面果枝),話說係好友 I 介紹嘅韓國出品,由好友 C 上次到韓國出 business trip 買返嚟比眾靚女的“手信”,特別之處,係 C 自己不好搽甲油此道,山長水遠替大家“抬”返嚟(用“抬”嚟形容,因為幾枝加埋,好重架),真係多謝晒!而且枝洗甲水好好用,冇一般洗甲水 typical 果啲天拿水味之餘,洗完之後唔會覺得乾,非常正,唔該晒好友 I 嘅好介紹!

之後好乖咁先搽 base coat (圖中右手面果枝),至搽早前買落,今日第一次用丶同夏天襯晒嘅珍珠白 Dior 甲油,大功告成,靚晒!

原本想搽埋手甲,但想“掠”埋衫至出街,手甲乾唔切嘅話會“花”晒,於是打消念頭,點知,到左夠鐘出門口,機衫竟然未洗完。。。

是但啦,去 tea 完至算!!






. 

2 comments:

Ebenezer said...

十隻腳趾扮得咁靚,一定要著人字拖 show off 下至得架!

SKII said...

哈哈,我唔著人字拖,但會著涼鞋 ^_^

Related Posts with Thumbnails