Saturday, 10 August 2013

果欄 never sleeps


昨晚(其實係今朝)凌晨四點幾,預備從好友 JC 座落於新界大西北的家離開時。。。

JC:你而家住果度好近果欄呀可?

S:係呀,點呀?

JC:咁你一陣可以去買桃。。。

S:唔係呀話,直接去果欄買?佢地唔係做批發咩?

JC:係呀,去果度買,一箱佢地會賣架。

S:一箱?

JC:啲桃一箱十零個,而家當做好鬼好食,實食得晒。。。

S:我好耐以前喺日本買過返嚟果啲呀?唔擺得架喎。

JC:係呀,日本果啲,擺入雪櫃,可以“躉”個零禮拜,其實屋企有幾個人,幾日都食晒啦。

S:咁又係!但點解唔去九龍城買啫,我同事去果度,都有間開廿四(小時)。。。

JC:貴呀嘛!九龍城果間都係喺果欄攞貨咋。有時我托另一個朋友個老公幫我買,佢做第二啲野嘅批發,啱時間,但又要交嚟交去,唔好意思成日叫人幫。。。

Shmm … 如果你住市區,會唔會半夜去買?

JC:會架!

S:哈哈,你快啲搬出嚟,我同你一齊去!

坐言起行嘅 S,今日再 what’s app JC,什麼時間去最好和向那一間(檔)買,去買一箱來試試!

後記:剛貼完這個,發現網友 l.minor 已經買了來吃 (按此閱讀),好想食呀 ^_^


相關網誌:
蜜桃情意結
蜜桃情意結。果欄買桃記





 

4 comments:

Ebenezer said...

遲d post d 相睇下^^

SKII said...

其實未知幾時去 ...

l.minor said...

今晚試了,呢水清水桃好甜同好香

我之前睇報紙就好多人去"和興欄"買日本水果(下午四、五點零巳開),間野係油麻地戲院隔離;另幾年前我試過走入果欄入邊嘅鋪買日本水晶梨,不過係夜晚(夜晚十、十一點)去買,但好多人落貨,如果要問就問d無咁忙嘅人問下,雖然佢地d樣有d兇神惡煞,不過對我地都算有禮貌

S said...

我今日較早時行過,唔覺油麻地戲院隔離叫“和興欄”,但我朋友好似都係介紹呢個名,有時間再去睇睇。。。^_^

Related Posts with Thumbnails