Sunday, 29 September 2013

忘記煩惱 x 每一個晚上


想忘記煩惱,做運動是一個好方法,每個人的喜好不一樣,海、陸、空各式其式,但巧合的是,所有喜愛潛水的人都告訴 S,潛水這回事好好 feel,可以感受另一世界之餘,更可以忘記煩惱。

雖然上星期在淺水中看到得意的魚魚,開始明白潛水的引人入勝之處,可惜的是,S 不諳水性,只可遠觀,而難以親身感受箇中樂趣。

於是,今天趁着天氣好,做回自己,獨個兒去了
“行路”/ 跑步,還第一次用 Runkeeper apps 去做記錄耶 (之前用另一 apps ,但轉用 android based 的手機後,找不回同一個) ,S 只是 “BB 班”,雖然只是行/跑了老朋友取笑 S 行了也及不上他老人家一次 warm up 那種,但運動過後,果然煩惱盡消!

原因之一應該是,適量的運動會釋放 endorphin,有助減壓丶消除煩惱,但更重要的其實是,世上佰份之 99 的煩惱,是自己找回來的,凡事別想太多丶別把自己放進牛角尖,煩惱便無從入侵,更無需要煩惱如何去把他“消除”了!那麼,想玩海丶陸還是空,隨意吧!

忽然好想聽,林子祥的一首老歌,每一個晚上。。。

年少時並不認識作曲的 Andrew Lloyd Webber,亦未能領會林振強填的詞,今天重聽,另有一翻感受。。。


我突然無言靜了下去細心把你望
只想再看一次令我暖暖的眼光
在漫長漫長路上你我未重遇那天
今天的目光天天我會想千趟

已淡忘從前共你度過幾多風與浪
只知過往歡笑大半數也因你起
在漫長路途莫論你我未來在哪方
一天風在飛一天我不忘掉你

每一個晚上 我將會遠望
無涯星海 點點星光
求萬里星際 燃點你路
叮囑風聲代呼喚你千趟

友誼綿綿無盡你共我縱使分兩岸
此生也永跟你共往遠遠的那方
寂寞時倦時若你要熱誠目光
共需輕輕把我去想一趟



Saturday, 28 September 2013

大叫一聲,然後。。。


星期六朝早起身洗完頭,check what's app 睇下大家有乜 updates。。。

“Cats Club chat” (主要成員係 S 公司嘅飯腳,全是愛貓一族)。。。勤力嘅同事們,因為個 project 趕到癲咗,已經開工做野,有一個重已經返到公司,加油!

跟住轉台去美女 group chat,其實較早前 S 已經同大家講咗早晨,但呢個台係廿四小時不停 chat 嘅,所以無時無刻都要 check 吓有乜更新。。。

S post 咗幅相,咦,相中有個熟悉嘅靚仔面孔,放大睇真啲。。。


嘩!係發哥!

原來今早小 S 一落到街,就見到發哥,小 S 大叫一聲,問可否同佢影相,然後。。。

發哥好 nice 咁同小 S 佢地影相。

S 已經係第三次撞到發哥,第二次同佢合照啦,第一次係中一果年佢去行佰萬行,好羨慕呀!





Friday, 27 September 2013

唔想做“盲附和”,男人收聲!


寫完尋日果篇盲搶位按此閱讀),朋友 SW 
fb 比個 like J(梗係啦,SW J friend 嘛,雖然同 S 一樣咁 friend ^_^),okay S 都比個 like SW

但唔知 SW 有冇留意,J 係去度最後出手(截住個空姐),如果比着港女老婆,佢可能已經被鬧埋一份(點解一早唔幫手),但 S 對此有另一番體會,覺得男人唔應該係唔係都“出手”,如果唔係就會變成盲附和,冇晒男人應有嘅權威同氣勢,點解?

哈哈,又要從多年前嘅一件小事講起。。。

場景係“百齋”超級市場位於上水區某分店,由於香港租金貴,超市地方細丶又用盡空間去擺放貨物,雖然果期未有自由行,但一樣好迫,走廊通道,永遠冇可能兩架 shopping carts 並排而行。

S 一個人停低咗喺某個貨架前揀緊野,突然之間有架 shopping cart head on (迎頭)撞過嚟,唔係輕輕 “hi”埋嚟,而係撞!S 身手敏捷,避得開,冇撞親,但當然唔開心,於是望住對方,冇出聲,但亦冇行開。

對方係一個年輕港女(當時 S 都好年輕),望返 S,態度係“老馮”要比佢過。

S 冇理佢,繼續睇自己睇緊嘅野,個港女冇出聲,亦冇行開(等緊 S 讓佢掛!),隔咗一陣與港女同行嘅男人(呢度比個名佢,稱為“盲附和”)行埋嚟,問乜野事,S 唔知佢地兩個自己講咗乜,然後“盲附和”先開口。。。

盲附和:唔該借“咩”。。。

S 繼續冇理佢地,於是佢再講。。。

盲附和:唔該借“咩”。。。

S:吓,你同我講呀?

盲附和冇講野,但示意係。。。

S:哦,我唔知喎,我原本係“停”喺度嘅,佢要過,借“咩”都冇聲,撞到我亦冇講對唔住。。。

港女個樣當場嬲到出煙,但以佢嘅行為表現,當然冇打算講對唔住啦,於是個“盲附和”雖然明知港女錯,但可能怕比港女鬧,唯有代佢“強出頭”。。。

盲附和:咁你想點吖?

S:我已經講咗。

盲附和:咁,對唔住。

S:對唔住喎,係佢撞到我唔係你,你唔駛講!

個女嘅嬲到“dun”晒地,但 S 冇再理佢地,繼續揀野,然後。。。

港女嬲“包包”同“盲附和”一齊調頭走咗。。。S 諗,今次呀“盲附和”大劑,肯定比港女“趙硬”,但關 S 底事!!

其實,S 絕冇意思“玩野”,只係講道理,尤其是個男人望落斯斯文文丶完全似係個講道理嘅人(如果係“出嚟行”嘅“九紋龍”,S 未必會咁“串”,但神奇嘅係,如果係“九紋龍”又未必會計較呢啲婆乸野囉!),S 只係想幫下“盲附和”,教訓一下呀“港女”,等佢知道,呢個世界唔係佢鍾意點就點。

其實,佢兩個閂埋門,喺屋企係點,唔關 S 事,但撞落 S 度重要無理取鬧,S 睬佢都傻,而“對付”呢種人,最緊要唔好同佢鬥“潑婦”,同佢鬥“爛”嘅話只會降只自己“格”,“驘咗佢就更慘,因為“爛”過佢,所以當佢“透明”,至係最高!

反正茫茫人海裡,有個“盲附和”唔會當港女“透明”之餘,更會盲從附和丶麻木地縱容佢,咁留返比呀盲附和囉!

其實,喺 S 同佢地周旋嘅時候,J 行緊過嚟,但冇埋嚟,只係喺適當距離“隔岸觀火”,如果呀“盲附和”有乜“E 郁”,佢至“出手”都唔遲。。。駛乜同啲女人拗埋啲“婆乸”野,讚!



Thursday, 26 September 2013

搭機遇上“盲搶位”


唔知係咪 S 比較有品味,鍾意親嘅野都有人來,今次連搭飛機嘅座位,啲人都得一餐。。。

早幾日寫過,從香港去布吉果程,S 上到機時發現自己個位被個美國人坐咗(按此閱讀),要勞煩呀醒目空姐出馬,幫 S 攞返個位,okay

點知昨日(25 Sep) 回程時,又發生類似嘅事,不過今次係 S 已經坐咗喺自己個位,無端端有個強國女人隔住 Aisle middle 兩個位,問 S 點解坐咗佢個位,呢度係 38K,個位係佢咁話喎。。。

S 施施然咁返強國人嘅語言(普通話)搭佢:我是坐 38,就是這個,沒有錯。

此時有個空姐走埋嚟,睇咗阿強國人女人個 boarding pass,然後又問 S 可唔可以比個 
boarding pass 佢睇,S 合作地攞個 boarding pass 出嚟,一面講。。。

S(廣東話):唔通我其實應該坐 39 行?(嘻嘻,S 比個 boarding pass 個空姐之前,描左一眼 confirm 38

S 遞個 boarding pass 比空姐時,個強國女人賴大方咁話:無所謂,我可以坐後面(指下機尾)。。。

S 原本好地地,聽到呢一句火火地,於是又用佢嘅語言(普通話)回敬:也不是無所謂,因為我真的是坐 38。。。(同時指一指個 
boarding pass

空姐睇過 S boarding pass,知道 S 冇坐錯位之後,懷疑係 system 出錯 “double booked” 咗機位,於是帶咗個強國女人去後面,okayS 以為告一段落,於是收返埋個 boarding pass 同將手袋放落 seat 位下面,預備起飛。

點知隔咗一陣,個空姐又埋嚟,用英文同 S 講。。。

空姐:Sorrycan I check your boarding pass

醒(心諗想講粗口),呢頭至收好重放埋落櫈底,你又嚟?唔耐煩。。。

SYou just checked itwhy do you need to see it againI’ve just put it back。。。by the way, why do you speak English to me

空姐(轉返廣東話):唔好意思,因為可能 double book,我地要 check下個 boarding pass

S(一面唔耐煩地彎身搵手袋,一面繼續用英文答佢):You checked it already and I’m sitting here in my seatOkay

跟住,搵咗一餐終於又再攞返個 boarding pass 出嚟,再睇一眼真係寫住 “38K”至比個空姐。。。

SseeThirty Eight K。。。

空姐睇完,遞返 S boarding pass S,於是 S 又忙於放返入手袋,唔得閒再理佢。。。

點知個空姐竟然好唔識趣咁,遞個強國女人嘅 boarding pass S 睇,come on,如果真係 double booksort out 點坐係你地嘅責任,根本冇需要 bother S

但由於 S 忙於收好個手袋,根本唔知個空姐想做乜,坐喺 middle seat J,忍唔住擮住咗個空姐,重睇埋個強國女人個 boarding pass,跟住講。。。

Jit’s for 21 (of Sep)4 days agoYou should go and check with her…

唔係呀話,攞個 4 日前嘅 boarding pass 嚟叫 S 起身!!你有冇病呀?而個空姐前前後後 check 咗個強國女人嘅 boarding pass 幾次,咁都睇唔到,重走嚟煩住晒,只可以講,佢真係好低囉!

AnywayJ 講完之後,個空姐好冇㽼咁行走咗!!

哈哈,最衰當時 S 忙於收拾手袋,如果係 S 接過個 boarding pass,會幽佢一默:Please ask her whether she really likes my window seat? Or actually wants to “盲搶位” for sitting next to this gentlemen

下一節:唔想做“盲附和”,男人收聲!



去布吉玩 Go Kart,有姿勢。。。


布吉第三日,去咗玩射擊同 Go Kart,先寫 Go Kart。。。

呢樣又係 S 第一次玩,n 年前學生時代去英倫玩時,同朋友去過,但要成 20 英磅玩一次,對讀緊書嘅 S 嚟講太貴,於是冇玩到,只睇朋友玩,都好開心;返嚟香港之後,前啟德機場個位曾經開過一個小型 Go Kart 場,果時 S 已經出來做事,付擔得起,但啟德個場實在蚊型到唔玩也罷,於是就一直冇玩過。今次去到布吉,時間同錢配合,於是去玩下。。。

S 喺布吉 stay Patong area,由出租車公司介紹去咗位於 Tiger Kingdom 隔離果個 Go Kart 場,全部係 200cc go kartsS 聽到只得 200cc 問得唔得架?出租車司機叔叔話附近有另一個場啲車話說係快啲的,但比較舊,可能冇咁好,但機司叔叔返正收咗錢,都車 S 去另外果間睇睇先,去到時發現,嘩,啲車唔係舊啲、而係舊好多!而話說“快啲果啲馬力反而重細,只有175cc,但啲職員又講唔出點解馬力細啲反而會快啲嘅理由,於是司機叔叔又送我地折返 Tiger Kingdom 隔離果一間。

OkayS 問清楚。。。唔好睇佢只得 200cc,由於冇乜機件,即係只得個車架同兩個腳踏(一個油門、一個 brake),可以去到 78 km,而且 S 體重咁輕,又冇安全帶,以經算係好快(重有啲危險添),原來如此!

於是,就喺呢間以850 Baht (約港幣 250) 玩咗15分鐘。。。

玩完之後,發覺好笑嘅係,玩之前 S 問埋快唔快果啲問題,其實係冇意思嘅,因為車場職員好好人,免費用 S 自備嘅相
機 S 影相,而貪靚嘅 S 每次完條大直路,轉彎之前都收晒油、重望晒鏡頭、擺埋手勢比職員影相,如是這,來來回回唔少個圈都之後,結果慢到比身邊果個人 “lap” S 兩個圈。。。

冇辦法啦,女人就係咁,愛靚大過天,玩 go kart 唔快唔緊要,最緊要有姿勢!





Wednesday, 25 September 2013

想再玩浮潛,先要食飽飯

布吉之旅第二日,去咗玩浮潛,呢次係 S 第一次玩同潛水有關嘅活動,皆因 S 唔屬水性兼唔識游水,心理上有啲驚,夠膽落水,全靠件救生衣。

Tour 嘅第一站,先去海中心,因為著咗救生衣,冇乜猶豫就落咗水,啲魚好得意,就喺 S 身邊游嚟游去,重多到其實唔潛落水都睇到,但話晒嚟“潛水”,都試下潛落去睇睇,點知 S 原來唔係好識只係用個口透氣,個鼻入水,最後因為 S 驚,浮唔到又潛唔到就要上返船!

第二站,去比較淺水嘅地方,水清沙幼,好多魚仔,玩到最後 S 終於明白點樣用 snorkeling 果個呼吸嘅工具,叫做潛咗一陣,但已經要走,而且喺到地嘅地方,其實唔駛潛都睇到啲魚啦,嚴格嚟講 S 只係去咗玩水同喂魚!

玩完之後 S 諗,點解個鼻會入水呢?應該因為第一次唔係好識用個 goggle,適應之後就 okay。但另一個問題係,點解著咗救生衣都唔浮呢?n 年前 S 跟朋友去釣魚,著過救生衣落水,明明 okay 的,以至咁信件救生衣!

諗咗一大餐,終於諗到,S 太瘦、昨日件救生衣太大,唔啱身,所以救生衣浮唔起 S,如果想第日再玩,有幾個方法。。。

第四位(哈哈,又玩倒數)
學游水。。。哈哈,S 由小學開始學,學極都唔識,算把啦!
第三位
下次問下有冇童裝救生衣。。。這個嘛,冇人唔比 S 問嘅,但有冇就另一回事!
第二位
自己買件“私貨”救生衣。。。不過唔知去邊度買一件救生衣,而且,唔通以後出埠玩水上活動都帶住件救生衣?唔係呀話,好似不切實際喎!
第一位
為咗著得落標準 size 救生衣(例如成人細碼),從今天起要增肥,所以要先食飽飯!!!


相關網誌:我要食飽。國慶小炒

Monday, 23 September 2013

三號風球不宜搭機?宜。。。

昨日寫過三號風球搭機遇上的“黑仔”事件,凡事有反自然亦有正,其實,打風之下仍然平平安安出到門,已經係一個 like,而且 like 唔 like 其實 depends on 心情,咁,打住風起機,有咩好野呢。。。
第四位
話說坐喺 S 隔離果一男一女雞啄唔斷,好鬼嘈,於是 S 瞓完一覺又食完飛機餐之後,索
攞咗帶在手提的文件出嚟睇。。。哈哈,唔好以為 S 好勤力,S 並唔係 workaholic!做咗咁耐人,第一次喺機上工作,以前成日要出差都從來唔會咁做,但今期真係忙到“呀媽都唔認得”,星期五(公眾假期)返咗半晝工都未睇得切,攞咗返屋企,但星期六個腦唔見咗,拖咗成日都冇心機睇,如果拖到 S 下星期放完假至話比同事知 S 嘅 comment,趕死佢呀!所以其實要多謝隔離果兩件“大聲公/婆”,如果唔係佢地,S 都唔會咁勤力“的起心肝”做野,而且重一氣呵成,睇晒成份文件兼 comments 記錄在 ipad mini, 到咗酒店,一有 wifi 即刻 sent 咗比同事,了咗件心事,可以專心玩樂! ^_^
第三位
在機上做完工事,時間啱啱好,開始降落,S 見隔離兩條友仔講不停,索性搭訕一番,同佢地傾下計,原來佢地遠道從 San Francisco 來到 Phuket 係匯合朋友開展 Thailand sailing 之旅,no wonder 個男嘅喺到講 “Around the World in 80 Days” 果本書啦,okay 明晒!S 但見窗外嘅景色好靚,於是坐“咩啲讓佢地影低 Phuket 嘅小島風情,落機時,大家互祝nice trip,之前“坐錯位”、“嘈生晒”嘅唔開心“一筆勾銷”,話晒大家都係嚟玩,開開心心至係嘛,何必比啲小事 ruin 心情呢!

第三位
落機時,布吉天氣好好,like!雖然 S 連去邊間酒店都唔肯定,但 transportation 已經準時喺閘口等緊,唔需要 S 張羅,天氣好,心情更好!
第一位
大清早從屋企出門口去機時,三號風球之下,唔駛等就有的士,上到車,音樂在播陳百強的「偏偏喜歡你」,初時以為係收音機,點知下一首又係佢嘅「深愛着你」。。。原來係的士叔叔嘅“私貨”,好似知道 S 心意咁。。。首首都係 S 嘅摰愛,陪住 S 去機場「眼淚在心裡流」、「鼓舞」、「畫出彩虹」、「感情到老」。。。
Like 爆!!靚靚心情,一切從 Danny 嘅靚歌開始!
噢,S 呢篇嘅 style 點解咁似網友卡臣嘅“倒數”嘅!?重有,去玩點解淨喺度寫搭飛機嘅?

Sunday, 22 September 2013

三號風球不宜搭機!?


在“怪獸強風” 天兔打到嚟之前,S 趕得及在三號風球懸掛之時起飛。雖然不能說是諸事不順,但有些小事 get in my way 唔多 like。。。


朝早到達機場時,可能因為仍然算得上假期(中秋),唔少一 group 一 group 嘅旅遊團塞住晒,煩!

S 好耐冇搭港龍,先到 Section F 搵佢地嘅 counter, 只見 “Staff registration” 同 “Group
registration” 兩個牌,但冇指示牌或職員提示已經 online checked in 嘅乘客應排邊條隊 pick up boarding pass & check in baggage,有個著住制服嘅哥哥仔行過,S 問“唔該。。。”講咗兩聲佢唔應兼行咗埋其中一個已經有人做緊野嘅 counter 唔知攪乜。。。唔 like!


雖然 Staff registration 果條隊有啲明顯係乘客(唔係 staffs)嘅人排緊隊,但 Group registrarion 果邊完全冇人,於是 S 埋去 Group registration 果邊問,已經 online checked in 應該去邊,地勤姐姐 :喺 H 區,但其實我可以喺呢度幫你 check。

當然好啦,於是 S 比文件佢。。。

地勤姐姐:請問係咪 marco polo 會員?

S:吓,我尋日用 Macro polo club 個 website check in 架喎,睇唔到咩?

地勤姐姐:唔好意思,睇唔到。。。

咁奇怪?唔 like!但 S 明白姐姐都係做野啫,系統嘅野話佢都冇用,講返想做嘅野先。。。

S:唔該幫我改返 window seat 吖,你地個 system 自動 assigned 咗個位比我,明明話去 confirmation page 可以改,但個 system 跳咗果 part 就話 check in 完成,想入返去改又話 system not available!

地勤姐姐:咁我幫你改返。。。噢,得返一個 window seat,後排小小,ok 呀可。。。

S:ok, by the way 咩機型,我意思係,幾多個位一排?

地勤姐姐:3、3果隻,即係冇中間果排嘅。。。

S:哦。。。

跟住入閘,攪完出境手續去食早餐,S 對食冇乜要求,揀咗條人龍最短果間,食碟腸粉飲杯野,就往閘口出發。。。

Gate no.521,S 到達時重有多過半個鐘,竟然寫住“最後召集”!原來因為呢個閘口要搭巴士出去喺露天上機,唔係呀話,S 對上次一上機法係啟德機場年代囉。。。



又一個唔 like,不過唔 like 之中嘅 like 係打風但冇落雨,好過冇咁啦!

上到機,搵自己果行,前後幾行都已經坐滿,而 S 果行已經有一男一女咗坐咗喺度,男嘅重坐咗 S 個位。。。

S:excuse me, is this 41?

男:(男女一齊望住 S) yea.. it's 41...
S:(好有禮貌但好 assertive 咁講)that's my seat..., it's K, right...

男一臉無知咁望吓 S 又指吓佢坐緊個位,S 於是攞個 boarding pass 出嚟,有個空姐即刻好醒目咁行過嚟,解釋比呀男仕知,the window seat is K & is for this lady (指住 S),咁果一男一女至起身,比返個位比 S。



坐低一陣,個女嘅除咗對拖鞋,冇問題吖,但問題係。。。佢撓起隻腳向住 S 呢邊!其實,S 相信佢唔係“報復”,而係“無知”,個女嘅望落有啲似 Hispanic (南美種氏
美國好多的),佢地大部份好“開放”。


而更煩嘅係,果一男一女不斷咁喋喋不休、雞啄唔斷!S 於是攞個 ipad mini 出嚟,帶起耳筒聽自己嘅歌(起飛時熄咗 ipad 一陣),都聽到佢地嘅對話。。 。

救命呀,男嘅喺度講 “do you know about the book 'Around the world in 80 days'... It's possible... the story started from England.... blah blah blah blah blah, 落機之時,S 連個女嘅曾經喺 “Forever 21” 做過 merchandiser 同佢地自 San Francisco 都知啦!

救命呀,靜小小得唔得呀?於是 S 隔咗一陣,將窗“門”落晒,攪到黑掹掹,瞓覺!反正呢兩晚都瞓得唔係幾好。。。(哈哈,呢個就係 S 要坐 window seat 嘅真正原因啦)

一瞓醒來,重未到,不過佢地各自睇電視,好啲啲咁啦!

假期遇上“黑仔”嘅開始,唔通真係冇啲好野?唔係喎。。。寫緊,有啲重好 “like” 添呀!

咁明明去玩,點解會喺度寫 blog 架?


皆因落機之後食完野,去 book 明日嘅活動同買對 gear ( local 拖鞋)之後,叫 S 嚟呢個 trip 嘅人去咗 join 公司 dinner, leaving S at “hotel alone” 食薯片寫 blog!


嘩,完來寫咗好長,希望冇悶親大家! ^_^

Saturday, 21 September 2013

地上最強“魔鬼兔”



話說堪稱今年全球最強的“魔鬼”強風「天兔」,將會於明日“打到嚟”香港,天文台於今早已經懸掛一號強風訊號,也許暴風雨前夕總是特別平靜的,這邊的天氣仍然相當明朗,陽光明媚丶天朗又氣清丶還加送有如焗爐一般的悶熱,剛才打開窗戶讓房間“透透氣”之時,窗框竟然是燙手的!!

如此罕見的大風暴,當然做個記錄,這兩天,S 有朋友會分別從台灣和日本回港,而 S 明早早機外遊,還要一個人在路上,另外男朋友 T 明晚夜機外出公幹,希望一眾“招風雨”的“貴人”,have a safe trip!!





Friday, 20 September 2013

王菲的月亮


王菲離婚,當然的娛樂版頭條,雖然不至於狂熱 fans,但 S 也很喜歡王菲的歌,當然亦有留意相關報導,但看得最多的,是 what’s app 流傳的“王菲離婚,關你义事”那訊息。

其實,這個套用於任何人也適用,兩個人的關係,千絲萬縷,並不足為外人道,S 聽過最經典的分手理由,是因為潛水(並非男朋友“失踪”,而是真真正正潛入水中的潛水運動),細節不想在這裡寫,畢竟事過境遷,不想“出賣朋友”,總而言之,一件在外人看來無關痛癢的小事丶甚至一個荒誕得難以想像的“理由”,都可以成就或摧毀一段關係。

思前想後,王菲那一首歌最適合此時此刻聽,太多,無從決擇應貼那一首,於是決定“翻叮”貼 S 自己唱的 covered version丶和中秋節很“應節”的


天上月圓丶人間月半,到底。。。

要有多堅強,才敢念念。。。不。。。忘。。。



Thursday, 19 September 2013

中秋十年


一年容易又中秋,今年原本有一個 mission,就係約 T 食餐飯,慶祝 S T 中秋“撐枱腳” 10th anniversary。。。

話說十年前,SARs 一解封之後,S T 都各自被公司派到星加玻出差,S 一去就去六個星期,T 就更耐,斷斷續續去咗幾個月,適逢佳節當前,但大家都係一個人在異鄉,於是相約中秋當晚要準時放工,一齊食餐好嘅。唔記得去咗邊,只記得相約於 Marina Bay area 某酒食中菜,T 到達時重帶住工作用嘅 laptop

事隔多年,S T 早幾年曾相約於中秋前一齊食晏,S 一直記住,十年“紀念”時一定要約埋“慶祝”吓,但世事就係咁,陰差陽錯,雖然一直記得,但又無事忙,T 重喺今年“升呢”為人母,比 S 更忙,於是拖到 last minute 都未去約。咁,唯有寫個 blog 記低佢,有拖冇欠,希望下次再約,唔駛等十年!

中秋節快樂!





Related Posts with Thumbnails