Sunday, 6 October 2013

愈舊愈好。My Aerobic 啞鈴


今日“的起心肝”去咗開始執吓個迷你倉,因為被迫遷,業主唔係加租,而係執笠,將個迷你倉執咗將地方出租,淨返好短時間就要“清倉”。

執拾舊物,通常勾起無限回憶,其中一樣,係高中時代買嘅 Aerobic 啞鈴。。。

話說 S 係條入水不能游嘅雙魚座,但呢條走在陸上嘅魚,唔止鍾意行路,對某幾樣球類活動都有啲興趣,尤其是同樣都要 “swing”嘅網球同保齡球。細個時冇人陪,一個人悶到發荒周不時會到屋企樓下個山坡,對住“堵牆”打網球(哈哈,係呀,網球變咗壁球)。

S 果對“瘦過條柴”嘅手臂,唔係好夠力,要控制得個球拍好,要好好段練,於是 S 去買咗一對兩隻夾埋至共重 5 磅嘅 Aerobic 啞鈴,果期要去學 Aerobic 係奢侈到只係喺“西片”入面至會發生嘅橋段,而佢嘅 accessories 當然亦唔會平,雖然已經唔記得咗對啞鈴幾錢,但係記得用咗好多零用錢。雖然如此,而家睇返,物有所值,皆因品質相當之好,用咗咁多年,外層嘅厚海綿雖然有唔少歲月留低嘅“皺紋”,但依然完好無缺,一啲都冇爛,勁!

咁唔跳 Aerobic,對啞鈴用嚟做乜呢?其實同 Aerobic 都有少少似嘅,可以喺屋企攞住嚟做申展運動之餘,更會攞住嚟 simulate 網球嘅 back and forehand 動作,咁就算唔日日落去山坡打“網/球,都可以練習吓啲動作,到落場打波,唔駛啲男同學就得 S 太辛苦( S 的網球腳全部係男生,因為 S 的好友們冇乜邊個打網球)。

今日執返對啞鈴出嚟,帶咗返屋企,將佢地“交托”咗比 M,佢對運動冇乜興趣,但 S highly recommend 佢喺屋企每日都練一練。。。

哈哈,真係我估不到,連啞鈴都會一代傳一代!



4 comments:

Ebenezer said...

哈哈,不如妳又學我寫幾篇櫃桶底搜祕分享吓啦^^

pun sam said...

依家迷你倉越來越貴! 用開天后間香港儲物室都因為太貴要搬去土瓜灣

S said...

Eben,哈哈,其實大家寫嘅有異曲同工之妙呢!

S said...

pun sam,謝謝你來訪。天后有迷你倉?肯定貴到冇朋友,我而家再搵,發現啲價錢比上年貴咗成倍!我對地區都冇乜要求了,只要九龍區就 okay。你在港島,有冇睇過柴灣?

Related Posts with Thumbnails