Saturday, 30 November 2013

認真揀丶求其結



=> 好友 C S 都一樣,好認真咁揀男朋友,結果求其咁結咗婚!!


話說好友 C 有好多癲人追(有啲真係癲癲地架),但佢揀男朋友好認真,可以令到 C 鐘意對方的,五隻手指數埋都太多,C 同兩個前度,都拍幾咗年拖,皆是沒結果,最後到咗同 C 開花又結子的阿“魚生”,只係拍咗幾日拖,C 就覺得係佢啦

S 呢?

Err … C 差唔多,S 鍾意過嘅人,比 C 更少!細個時揀男朋友,認真到。。。唔止冇朋友,簡直係冇男。朋。友。只怪自己想太多!後來糊裡糊塗拍過拖,再後來明白做人別太認真,相信緣份丶順其自然,一切冥冥中自有安排。太過刻意經營,反而會落空。

後來,連 C 自己都話,想唔認求其都唔得!之不過,如果冇“求其結”,又點會有之前寫過的「認真揀丶求其買」,求其得嚟但浪漫爆燈的買屋事件呢! ?

至於 S,談到婚嫁,對結婚 (註冊)這回事無可無不可,而“酒”,就更加可擺可唔擺!不過結果都係結咗婚,重擺埋酒添!但擺酒嘅地方並非 S 自己搵,而係家人提議的,而婚禮一啲都唔“童話式”,記得 S 無意中聽到某表妹嘅說話「點解乜(花巧野)都冇?」,所以 S C 一樣,想唔認求其結都唔得!

還記得電影「500 Days of Summer 心跳 500日」,Tom 對 Summer 講果句。。。

“You don't wanna be anyone’s girlfriend, but now you are someone’s wife…”

女主角無言,因為。。。

解釋唔到!



Wednesday, 27 November 2013

發一次“脾四”抵消 n 次 facials


星期日去做 facialS 好少星期日去,一心諗住今次星期日去冇平日夜晚咁趕,可以 relax 啲同多啲時間做比較需時嘅 treatments。。。

點知,個 sales 姐姐同美容師姐姐,不停咁 sell S 買新果種 facial (比個代號做 facial X)background 係咁嘅,話說早前 S 試過 facial X,效果都 okay 嘅,但由於 S 重有唔少其他 treatments 未做晒(以下寫點樣“唔少”法),當時 sales 姐姐雖然 sell S 話如果即時買 facial X package,果次就送比 S 同送其他野,但當時 S 寧願比九佰幾大元嘅試做價,都唔買 package,咁答案係想唔想買,心照啦!

之後去過一次,sales 姐姐又 sell SS 話趕時間,下次先講。。。

到咗今個星期日,佢地又嚟。。。其實佢地(尤其是美容師姐姐)好熟 S 脾性,就係唔鍾意蹝時間同最僧人煩,但可能職責所在,不厭其煩又繼續講。。。

Okay S 深明發“脾四”對自己皮膚唔好,於是應酬佢地,講咗成幾個字,大家 agreed 咗唔洗再試啦,就喺 S 現在嘅 treatments 搵最啱今日做嘅野就 okay啦,咁 S 有乜呢,一齊嚟睇睇。。。

一共重有4 56 種唔同嘅 treatments,而其中三種“做機”treatments(即唔係人手做的facial),重有最少十幾廿次至廿幾次。。。

係囉,真係好多呀!正常人知應該做咗佢先啦。。。

Agreed 咗之後,sales 姐姐離開美容室,只剩下美容師姐姐,點知。。。

佢又兜返轉頭繼續講,心諗 XYZ (俗語代號),但 S 都冇鬧佢,因為佢一向 serve 得 S 幾好丶都幾熟的,但真好係煩,而且有似熟賣熟之嫌!於是 S 用講笑嘅語氣話“你未見過我發脾氣,好得人驚架。。。但你繼續講我會發脾發架”。。。

講咗唔止一次,結果。。。

S 坐起身,同佢講「你叫呀 D姐入嚟同我講(D姐係 shop manager)。。。」

美容師姐姐無奈地出去搵 D 姐,S 諗咗一陣,見只係洗咗面同清咗眉毛嘅“雜毛”,乜 treatment 都未開始,於是,換返自己啲衫,走!

行到出 reception 時,S 同佢地講。。。

「我入嚟果時係四點廿幾分,而家就嚟五點踏二,你地嘥咗我好多時間,我冇野講,bye bye !

行去出商場,喺對頭嘅 escalator 見到 D 姐,佢有啲啲驚訝(應該係心諗點解 S 咁快走),S 同佢講:「我會 arrange 返我個 folder  過中環。。。」

Escalator 向返方向行,D 姐未及反應,S 以經飄遠。。。




拜與不拜的 dilemma


父親的死忌將至,剛過去的星期天我們去了拜際父親,其實對於拜與不拜,S 心裡曾經為此而忐忑上下了好一陣子。

拜,當然是應該的。

然而,這種日子,少不免會勾起那種莫名的痛楚,尤其是對於母親而言,這兩年以來,她花了很大的力氣去面對新生活,情緒有時候頗為波動,遇上硬性子丶又不懂得安慰別人的女兒 S,好不容易才適應現在的生活模式,是以沒有必要的話,無謂把快要癒合的傷口打開,所以,S 也曾想過是否應在這個日子去拜際父親。

只不過,話雖如此。。。

希望在另一國度的父親,也是已經適應了新生活。





Monday, 25 November 2013

fb 名校 secret page


工作時間回復正常真係好,8:30 已經坐喺屋企嘅飯枱開餐,一邊同 M 講吓無聊野,慢慢嘆,重好似啲靚仔丶靚妹咁,邊食邊玩手機上網,睇下 fb 。。。surf surf 吓,去咗之前偶然發現嘅名校 secret”,於是入去睇下啲名校中學生呢排有乜好講?


臨近聖誕節,唔少得嘅話題梗係 joint school X’mas ball 啦,某出名男校嘅“師兄”,貼咗去 ball hints 比師弟們當“秘芨”,好鬼攪笑,但都夠唔知邊間學校(其實 post 主留咗佢校名嘅 abbreviation,但 S 孤陋寡聞,唔肯定係邊間)攪笑,苦笑自己間學校喺“山卡 lah”,一個 joint school function 都冇,想去都冇得去,慘!

嘻嘻,但係呢啲 seasonal 嘅話題,梗係點都唔夠追女仔丶追男仔呢啲“那些年”小玩意多啦,原來而家興 fb group 上“尋人” 。。。

“果日搭巴士隔離坐咗個 xxx 嘅女生 。。。佢唔算係女神,但好有氣質。。。唔該幫我 tag 佢吖”

-->其中一個留言:你係女...

哦,而家追女仔並唔係男仔嘅專利,收到!

[某女校] to [某男校] 我地將你 F.2 一個勁高丶靚仔又有錢的同學封咗做男神。。。求下你地 tag 佢吖,我地好想識佢呀。”

--> 其中一個留言:Haiiiii … f.2 ,比心機讀書先啦傻仔/女!

嘩,啲 post 都幾多,啲中學生原來都幾得閒!Anyway,八掛完一大輪,結果餐飯由 8:30 食到 9:45!早放工啲時間原來喺咁用嘅 :-P

各位老人家(嘻嘻,S assume 讀得 S blog 嘅都有返咁上下年紀),如果想知吓而家啲中學生諗乜,不妨去八吓,個 group 雖然名叫 “secret”,其實啲 posts 係公開,只係用匿名貼 post,但留言就要用實名! ^_^

Okay,寫完八掛野,去冲涼,Goodnight



Sunday, 24 November 2013

老土恩物「你是如此難以忘記」


在信報財經網看到,王廸詩專欄的標題「你是如此難以忘記」,配上梁朝偉的陳年舊照片,當然第一時間點擊讀一讀。。。


哈哈,S 還以為只有自己這種“古人”(成長於上世紀),才會喜歡這首來自“古代”的歌,原來王廸詩不但和 S 同一年代丶聽同樣的歌,而更意想不到的是,“吋嘴”的她,喜歡這首歌的原因竟然因為夠“老土”!

S 當年一聽,就愛死了他的“老土”,還從此收錄了在天天帶在身傍的 playlist,讓我們一起來老土,再聽一次。。。


【你是如此難以忘記】,梁朝偉

曲丶詞:周治平,編曲:王豫民

早已知道愛情是難捨難離
早已知道愛一個人不該死心塌地
早已不再相信所謂天長地久的結局

所以我習慣了一個人的孤寂
所以我習慣在人來去中保持清醒
所以我習慣戴上面具不再為誰付出真心

但為何還是把你藏在心裡
為什麼還是等著你的消息
我怎能告訴自己說我一點都不在意

你是如此的難以忘記 浮浮沈沈的在我心裡
你的笑容你的一動一舉 都是我所有的記憶
你是如此的難以忘記 浮浮沈沈的在我心裡
改變自己需要多少勇氣 翻騰的心情該如何平靜




Saturday, 23 November 2013

多得 wechat,重拾講電話樂趣!


S 和表弟 K,自幼感情 Okay,但交往的方式,非常 typical 的“兄弟”之交,即沒有特別事的話,不會打擾對方,亦不會無緣無故打電話問候對方,但有事要幫忙的話,便會“飛身”跳出來幫忙。

wechat 的版面。。。好靚

母親和幾個長輩昨日到過表弟在內地的家,今天回來,告訴了 S 一些事,是那些沒什麼大不了的事情,S wechat chat 表弟 update 一下,然後,chat chat 吓,話題又扯到 S 和表弟最大的 common interest。。。車!

表弟並非喜歡文字的人,以 voice chat S 對話,有些細節 S 也不想寫,於是以 voice chat 回覆。。。

哈哈,真想不到,我倆從小沒有“講過電話”,今天多得 wechat ,讓我們“講車經”兼重拾“講電話”樂趣!



Home made “字療”。慳返 $1,500!


好友告訴 S,早前相約了顧問,輔導一下夫妻相處之道和親子問題,雖然好友與 S 識於微時,算得上知道好友家事比較多的了,覺得有點難以置信,但正所謂“家家有本難唸的經”,好友走到這一步,自然有她的因由,S 當然支持,然而,知道輔導服務收費一節(50 分鐘)竟達 $1,500S 提議了“另類療法“。。。

S:有冇諗過寫低佢?好多野,寫低咗有如“放低”咗。。。

好友:哈哈,我唔係你,唔會寫日日寫 blog。。。

S:哈哈,唔駛限住日日要寫,重有呀,寫低並唔代表要寫  blog,唔一定要比人睇。。。

好友:不過咁,個輔導咁貴,為咗好好咁善用,我寫低咗我覺得有問題嘅地方丶又寫低咗想問嘅問題。。。

S:好吖,咁有冇用?可能自己都諗到點解決啦!

好友:就係,寫完之後睇返,根本自己知道點解決,只係做唔做啫。。。

S:咁唔駛去咩輔導啦,慳返啲錢。。。

好友:係呀,改咗,諗緊索性取消咗佢定延遲。。。

S:取消咗佢啦,其實,將啲野寫低咗,唔止唔一定要比人睇,可以自己睇,幾有用!但有啲唔想睇嘅,咪唔好睇,甚至可以“dump”咗佢。。。

其實,父親走了之後也寫過,“給自己的...字療”(按此閱讀),這是有研究為依據的減壓丶甚至抗抑鬱的方法,無論你愛不愛寫,也不妨試試,也許有如好友一般,省回一筆!






Thursday, 21 November 2013

McLaren 最靚仔!


公司完成“換心大手術”,工作雖然依然忙碌,但今個星期,工作時間終於“正常”返啲,就算“夜夜地”放工,至少唔會三更半夜,星期一晚,十二點零已經可以預備去瞓覺,但喺電視 BBC Knowledge 台睇到 Top Gear,好好睇,好似攝石咁“攝住”咗 S 嘅眼球,攪到又唔準時瞓!

咁有乜好睇呢?

話說重播一集關於三個主持人各自揸頂級跑車,包括 Lamborghini Aventado McLaren MP4-12C 同一架叫 Noble M600 (其實 S 唔識即係乜牌子) ,從意大利唔知邊度做起點(S 開始睇時已經開咗車),鬥快去到羅馬鬧市裡面一間餐廳食飯。好睇之處唔係啲跑車有幾快,而係咁勁嘅車,走在繁忙又塞車嘅羅馬鬧市時嘅“蝦碌”同“慘痛經歷”,塞車令到跑車無用武之地之餘, 凹凸不平嘅路面刮花晒架車,雖然唔係自己架車,睇到都肉痛,重要橫街窄巷完全泊唔到跑車,好攪野!

播完呢啲,例牌梗係播返在跑車場上試車,架林寶堅尼真係好犀利,行到 top speed 時出嘅煙係藍色嘅,但隔住個營光幕睇,S 都驚佢會爆“偈”!而且個樣好惡又太有霸氣,但架 McLaren 就唔同,個樣“官仔骨骨”又“眼仔碌碌”,側面睇重好似對住 S 微笑咁,所以雖然最後圈速最慢,S 都係最鍾意呀 MaLaren


話時話,每次睇完呢啲節目,尤其是影埋司機高速時架駛果時嘅緊張樣丶認真到不自覺地面容扭曲個樣,S 就知自己冇做“車手”嘅興趣,太過極速,連做乘客都驚驚! >_<






Tuesday, 19 November 2013

轉貼:『起跑線』的反思


今天轉貼這一篇,並非什麼名人的大作,而是出自 M 的一篇日誌,其實他有自己的網誌(按此閱讀),但他嫌棄從前寫的太幼稚,已經很久沒更新,而是把想法直接貼了在 fbS 覺得蠻有意思,問準了 M,在此轉載,一個中學生對“起跑線”的感想,全文如下。。。

今日在網上看到太陽報的報道,訪問了一個五歲女童的家庭。該女童表示想死,因面試次數太頻繁,其家長竟然表示一星期面試一次不算多,但背後卻為女兒加添無形壓力。報道更引述瑪麗醫院數據,指抑鬱年幼化,今年八歲以下求診病人數目是十年前的十倍,最年幼求診者更是只有五歲,這次專訪對象亦是其中之一。

回想起讀幼稚園時,無憂無慮,在學校都是開開心心,快快樂樂又一天,面試情形更是忘記得一乾二淨(就算小學面試也完全沒半點印象)。真的不明白為何家長要為子女報讀如此多間幼稚園,而對幼童來說幼稚園面試竟成了一種負擔。這個社會的價值觀真的被徹底扭曲了……

我也一直很慶幸、很感恩、很謝天謝地,我出生在十多年前的香港,在十年前的香港升讀幼稚園。見到現在的小朋友,真的很同情他們,腳步未穩,乳臭未乾,就要操好兩文三語、學富五車、過五關斬六將到幼稚園面試。這個社會的價值觀真的被徹底扭曲了……

以前人們「起跑」慢,現在「起跑線」越推越前,但現在的家長知道甚麼是「物極必反」嗎?起跑線推到這麼前,未嘗是好事。好了,過分了,就越來越多小朋友在八歲前出現焦慮抑鬱等心理病。家長更是為了一張幼稚園報名表格,連日不分晝夜不眠不休地排隊。好吧,排完隊又怎樣?排完隊就代表你的子女一定能入讀該幼稚園嗎?排完隊就代表你的子女能贏在起跑線上嗎?排完隊就代表你的子女能有美好前程嗎?!看着這一切,真的覺得,這個社會的價值觀真的被徹底扭曲了……

太陽報這次訪問的家長更加經常責罵女兒,指「人地做到,點解你做唔到?!」。這種「人比人」的態度,對子女的打擊最大,正所謂「人比人」,只會「比死人」。心想,天下間竟然有如此不濟、如此瘋狂、如此不理智、如此執迷不悟的父母,真的辛苦了這些父母的子女。我亦很慶幸、很感恩、很謝天謝地,我的父母不是怪獸,不是直升機,不是「起跑線主義者」。天呀,這個社會的價值觀真的被徹底扭曲了……



Monday, 18 November 2013

埋藏三十年。重逢


1983 年的林子祥加葉倩文,之前一直無法在 youtube 找到,昨晚因為追憶林振強,再試一次,謝謝把這歌 upload 的人。。。


作夢也是想不到
今晚當晚風輕掃
竟會跟你可再遇
你像往日美好

看着你共他飄到
風裡的我多苦惱
偏要裝作灑脫地
斜着膊問...
你好...




去年今日:
Related Posts with Thumbnails