Friday, 1 November 2013

冇膊頭嘅男鬼


今晚萬聖節,條街好多鬼,但都只係啲人趁熱鬧扮嚟玩吓嘅鬼,唔恐佈。

其實喺現實世界,周圍都係鬼丶或兩面不是人嘅唔人唔鬼。。。

例如果啲冇膊頭嘅男人,自己應做嘅野佢唔付責任去做之餘,重要推比人;咁都未係最衰格,到其他人做自己嘅野,佢又要指指點點,諸多事實,但其實又唔識丶更加唔會做啦!

不過好鬼攪笑,因為喺呢種人發表佢地“偉論”嘅過程,往往 big ego 收唔到口丶講多錯多,原本唔知佢唔識,只要佢講多幾句,就會暴露晒“冇料到”嘅弱點,所以千祈唔好駁嘴,尤佢講,等佢自己出醜都幾富娛樂性架!

S 有時會諗,呢種冇膊頭嘅男人,返到屋企,對住身邊果個人(S 唔寫“老婆”或“女朋友”,因為今時今日,伴侶可以係男係女丶亦男亦女丶甚至唔男唔女!!!),總之 S 好奇嘅係,呢種男人喺屋企時會唔會變返個人呢?

如果會嘅話,呢個“兩面不是人丶又冇膊頭”嘅男鬼扮相,睇怕萬勝節啲“假鬼”見到佢時都要讓路耶!

嘻嘻,以上全屬萬聖節,應節虛構出嚟嘅戲言,但如果現實生活竟然有人“對號入座”,咁連你自己都覺得自己係鬼,對唔住,S 幫你唔到呀!

忽然最想聽,講多錯多,林憶蓮。。。




3 comments:

Ebenezer said...

衰鬼真係見得多,無須等到萬聖節。

卡臣 said...

日日都見到...

S said...

Eben ﹠ 卡臣,哈哈,現實世界周圍都係鬼 >_<

Related Posts with Thumbnails