Sunday, 1 December 2013

靜靜地做 facial



離開美容院, S 極速返屋企,皆因美容院就在屋企樓下,5 分鐘都唔駛就返到,立刻搽返護膚品,以免皮膚 expose 於乾燥天氣太耐。

跟住打電話去 S 以前去開嘅中環分店(亦即其集團於港島嘅旗艦店),試下約12月嘅 booking,之後又打電話落樓下嘅分店搵 shop manager D 姐。。。

Reception 姐姐好有禮貌咁同 S 講:S 唔好意思, D 去咗洗手間。。。


SOkay 咁我等佢一陣。

Reception 姐姐:你趕唔趕?我可以 call 佢叫佢出嚟。

S:哈哈,唔駛嘞,冇野趕得過去洗手間嘅,你千祈唔好 call 佢呀,我冇咁變態,我等佢啦。

Reception 姐姐:okay 咁我 hold 住你條線。

S:好呀!

之後 hold 咗耐耐地,其實 D 姐真係去咗洗手間定係向 sales 同美容師姐問緊話?心照啦!反正 S 開咗 speaker phone 放埋一邊,另一邊去搵下午茶食。。。又隔咗一陣。。。D 姐終於出現在電話中。。。

DS,唔好意思呀,我都預備打電話比你。。。

Sokay 啦,我打比你一樣啫,你知頭先發生乜事啦?

D:係呀。。。

S:咁最好啦,cut it short,我今次要 complain,你提提佢地,唔駛同我講咁多野,我比人煩得多,反而唔買野架。

Dokay 我會提佢地,你做埋而家有果啲 package 先算。

S:係呀,你有時間睇睇我個 file,重有好多好野,我嘅理解係全部都唔差嘅,冇理由無啦啦果啲舊 packages 變晒渣野,除非你地之前亂咁 sale 野比我,冇理由呀,係話?

D:係呀,叫得你買果啲梗係好野啦。。。

S:咁 okay 啦,等我用埋而家有啲野先,唔駛成日同我講呢樣果樣新野點,我好知足,新野永遠追唔完,喺我自己有嘅野揀最啱嘅做,就 okay 啦,而且做 facial 最緊要 relax,就做乜都靚,發一次脾氣,洗多幾多萬銀都唔會靚啦,呢樣你清楚過我,係咪呢?

D:咁梗係啦,心情輕鬆,至會吸收得好,做乜都靚。。。我一定會提佢地架嘞。

S:咁好啦,我個腦嘅運作好簡單,如果下次又要發脾氣,我唯有揀以後都唔嚟做 facial。。。呀係,我頭先打咗電話去中環分店,book 12月嘅時間,而家咁遲(11月尾),約唔到我最想約嘅時間,不過同佢地講咗落得1 booking 時幫我 book。。。反正我之前喺佢地度做咗幾年,只有一次小投訴,佢地間鋪又大又舒服。。。

(但 S 冇提轉咗過嚟呢間分店唔夠兩年,已經係第二次投訴佢地 sale / 講得太多,皆因唔係想鬧人,而且佢地知 S 其實好鍾意中環鋪嘅環境,喺而家呢度做主要係方便。)

D:你12月繼續喺返呢度做先啦,你下星期過嚟時覆你12月嘅 booking

S:好呀,我下星期 book 咗嘅時間會照嚟。

今個星期再依 book 咗嘅時間去時,佢地話原本替 S 做開嘅美容師姐姐整親隻手(孰是孰非,S 唔知),調咗另一個幫 S,呢個新姐姐好識做,除咗同 S confirmed 咗做乜之外,全程一句說話都冇講過,S 10 分鐘之內已經瞓着咗。

終於可以。。。

靜。靜。地。做。Facial。。。Yeah





No comments:

Related Posts with Thumbnails