Wednesday, 11 December 2013

S 與靚仔老世(III)


接上文: S 離開 Audit Firm,乜 “research”都冇做,轉咗工至知自己老世係“A”字膊(按此閱讀)。。。

時光飛逝,寫完對上一篇,轉眼過咗四個幾月!

雖然忙完個大 project,但有好多 backlog 要清,今晚又成九點至放工,行到 IFC 預備落香港站時,一個“靚佬”飄過, catch S eye balls。。。

哈哈,原來係 S 嘅三號靚仔老世 F,令 S 諗起,之前寫緊嘅靚仔老世 series 原來還未完成!既然撞個正,咁唔寫呀 “A” 字膊靚仔老世2號住,介紹一下 S 3 號靚仔老世先。。。

話說當年 S 第二份工間公司嘅上市計劃告吹之後,S 轉咗工,去咗認識 F 嘅公司 Z

S 加入 Z 公司時,係 report 比一個好 nice 嘅女上司 D,當時 S 未有緣認識公司內盛傳好靚仔嘅 F,因為 F 其時喺另一部門負責 Y2K project,呢個 project 隨着日曆踏入 2000 年而完成,當時剛好女上司 D 在內部轉職,F 被空降頂替 D,成為 S 嘅上司,羨殺幾許“恨都恨唔到”嘅女同事耶!

咁,到底 F 有幾靚仔呢?

幾年前,F 喺佢現職嘅機構升職至現任位置時,報紙登過出嚟,重點唔係介紹份工或 F 嘅履歷,而係“雞乸咁大隻字”話靚仔升咗果個位!!

連報紙都咁寫,所以,S 絕對冇擦鞋成份架!

回去 Z 公司那年。。。其實,S F 嘅上司與下屬緣份,只係維持一年幾,因為之後 S F 喺同一年離開咗 Z 公司,各自去了另外兩個不同的機構。轉眼我倆已經“分手” 12 年!但大家一直都有和舊同事們有保持聯絡。幾年前,S 曾經有機會和 F 合作,再度成為他的下屬,但經過深思熟慮,S 覺得現在的公司和工作崗位相對比較適合 S,所以到了現在的公司任職,暫時無緣和 F “再續前緣”。

然而,世事難料,never say never,也許有一天 our paths will cross again ^_^





 

No comments:

Related Posts with Thumbnails