Wednesday, 1 January 2014

西九放狗去澳海(二)


一年幾前寫過,喺九龍市區想放一邊狗丶一邊用餐,可以去奧海城三期(接此閱讀),今日行過奧海城二期,發現商場出面丶大電視對出嘅“廣場”,被劃為“放狗區域”。


其實之前已經過曾經見過有人喺呢度放狗,但都只係疏疏落落丶一個起兩個止,但今日好熱鬧,重放好晒欄桿“劃”咗一個好大嘅範圍比啲狗狗喺度玩,雖然有一兩個貌似保安嘅呀姐“睇場”,但佢地見到放狗人仕並冇阻止,而只係“維持跌序”。

雖然呢“撻”地冇草地亦冇乜靚景觀,但喺市區對狗狗嚟講不失為一個相對寬敞嘅活動空間,只不過,S 唔知佢會開放到幾時,因為商場成日喺呢個位放啲seasonal decorations (例如大型聖誕樹)丶又曾經整個好大好大嘅 maze for children 比小朋友玩,嚟緊重有幾個星期就係農曆新年,佢隨時變陣都唔出奇,所以如果萬一遲吓同狗狗嚟到冇得玩,請勿向 S 投訴耶!




No comments:

Related Posts with Thumbnails