Sunday, 2 March 2014

素顏天使做運動


S 雖然貪靚,但好少化 “full set” 或濃妝,只係返工成日唔夠瞓,精神一般,為免影響市容,總會化少少淡妝,例如配合自己膚色嘅粉底,加唔太深色嘅胭脂同唇膏,化咗都唔係好覺果種,旨在等個人望落精神啲。


某星期五晚放工飯局之後,S 攞枝唇膏出嚟,F S 講。。。

F:嘩,十點幾喇,冇人睇架喇!

S:嘻嘻,唔知架,夜猛猛,如果撞到人,嚇親人就唔好啦!

* * * * * * * * *

事隔幾日,臨放工時 S 又攞枝唇膏出嚟補補啲色,今次到 I。。。

I:都放工啦,唔駛補喇。。。

S:嘻嘻,就係放工,做咗成日野,至要執執,你知我架啦。。。

I: 哈哈,Okay 喎,冇問題。。。

S:哈哈,係咪架?我可能慣咗,點都要執執,我只會做運動時完全唔整(冇化妝), err 。。。應該咁講。。。我唔會變態到化晒妝去做運動咁囉。。。

點解?

其實化妝去做運動,唔止“變態”,對皮膚應該唔會好,因為做運動會流汗,啲化妝品 block 住皮膚出汗,一定唔係好事。而且,做運動時增加血液循環,面色自然好,人都靚啲啦,重駛乜化妝呢?


4 comments:

m. said...

我返工通常素顏~反而成為一個動力去keep 得皮膚好啲!

S said...

m. 從你的 blog 推斷你是在醫院工作的,是否亦因為工作關係,不可以化裝的呢?

m. said...

S:其實唔係不可以, 只係一般我地個行打扮樸素既人比較多,所以唔化妝都無所謂. 通常我都係放工後有約個日先會化妝!

S said...

m. 原來我誤解了,又知多一點,真好! ^_^

Related Posts with Thumbnails