Tuesday, 25 March 2014

是日節目。執靴


天氣正式回暖,今晚放工返屋企之後,最大節目,就係“執靴”。從前住嘅地方比較多,大部份鞋嘅盒會 1 to 1 match 地保留,但搬到現居時,將唔少夏天鞋的盒丟棄,冬季時把夏季鞋放入冬季的鞋盒內,因為冬季不少是靴,鞋盒比較大,一個盒可以放多過一對鞋,但換季時就比較麻煩,好似今晚咁,為咗要將靴收起,冬丶夏丶靴丶鞋要來個大 shuffle

原本冇諗住為此而寫 blog,但有人提議替靴子們影相以備下次搵時容易啲,橫掂都係,寫低佢,以防腦退化。。。

圖中正中果兩對,著得最多,兩對嘅底同踭設計係一樣嘅,大概一吋半高,最好行,所以前後兩年,買咗一對黑色皮,一對啡色 suede,黑色果對斯文 casual 兩相宜,啡色果對比較 casual,大多數星期五或周末著。

左上角果對,黑色 suede,及膝長靴,前面低調,後面閃爆!(唔知點閃,請睇睇個鞋踭)

左上中間果對灰色 suede,就係早前寫過令 S 回歸高踭嘅一對(按此閱讀),不再重覆。

右上角果一對,黑色羊皮,買咗四年,著足四季,大概兩吋嘅高度,靚得嚟好著又好行,而且又係斯文 casual 兩相宜,但著得太多,已經開始舊。

另外應該有兩至三對今季冇著過,其中一對挑戰 S 定力嘅極限,太高好少著(按此閱讀),也不在此重覆。

至於短靴,呢一兩年好少著,因為 S 的小腿實在太瘦,穿裙襯短靴一啲都唔好睇,所以近年買少著少。。。

中間黑色果對因為冇咁高,早一兩年成日著,已經舊晒。

左面果對太高,剛剛相反好少著,所以保存得好好。

右面果對牛仔靴款,係 S 年輕時好鍾意嘅款色,個踭比較大,承托力好好,又好行,襯牛仔褲或 casual wear 最正!

另,一面執靴一面睇電視,晚上傳來 confirm 馬航墜毀嘅惡號,希望死者安息 RIP,被折騰咗多日嘅家人,也希望佢地 stay strong !


. 

No comments:

Related Posts with Thumbnails