Sunday, 30 March 2014

讓洗衣機透透氣


換季時候特別多野洗,昨日雖然天氣唔係幾好,但就因此賦閒在家,晚上才有節目,於是的起心肝洗咗啲冬天衫,幾件厚 hoodies 加兩條褲,已經罷佔了一機,洗完之後見反正得閒,想即刻繼續洗其他,忽然想起表妹 D 之前試過。。。


有個洗衣機用咗一年咁上下就壞咗,師傅整機時問係咪用得好密,滾筒條軸斷(定係裂)咗,表妹覺得冇理由,皆因一家三口加工人姐姐,洗衣機嘅用量可以有幾大呢?

於是問吓工人姐姐,得知喺要開多過一次洗衣機嘅日子,如要洗床單被鋪、又有日常生活衣物果日,工人姐姐為咗盡快完成工作,會喺洗完一機衫之後,即刻就開第二次。

根據整洗衣機嘅師傅所講,咁樣對個洗衣機係好傷嘅,因為洗衣機喺“fing”乾啲衫果時,滾筒高速轉動,條軸會發熱發漲,洗完一次衫,最好有適量時間比條軸 cool down,恢復返元氣至再洗下一次,如果唔可以等到第二日,最少都要比個洗衣機“透”一丶兩個鐘,如果唔好好保養,只會越快壽終正寢,咪即係搵自己個荷包嚟攪!

No comments:

Related Posts with Thumbnails