Wednesday, 5 March 2014

女人定力大考驗。回歸高踭


S 好鍾意著頭尖踭細嘅高踭鞋,因為著高踭鞋時會自然會挺直腰板,小腿肌肉亦會收緊,顯得個人特別修長,但年紀越來越大,容易攰又怕跌,所以無奈地越著越矮。

今個冬季,陪表妹 D shopping 時,偶然比 S 見到一對有返咁上下高,但個踭粗得嚟線條同個型又修得好靚嘅長靴,無心插柳,於是又變成陪人 shopping 變自己買野,忍唔住將對 boots 據為己有!

初時都有懷疑過,又買到咁高,會唔會又好似幾年前買果對“豆拎踭”兼超高嘅長靴(按此閱讀),買咗之後非常少,大部份時間收埋喺迷你倉。

哈哈,今次呢對個鞋踭夠晒力承托之餘,重四平八穩,行路之時平衡得好好,今次終於揀啱鞋,回歸高踭!


2 comments:

m. said...

對鞋好靚! 不過而家D boots愈出愈貴@@
係邊到買呀?

S said...

m. 我以前大多在 Land Crawford 或 西武買,但前者而家貴到離晒普,後者金鐘執咗笠 (變咗 Harvey Nichols 之後冇行過,啲野太貴 >_<),呢對同之前寫過果對都喺 saccato (係咪咁串?)買,減價時價錢 ok,今次重用埋朋友個 membership,減價都有 additional 5% off, 更好! ^_^

Related Posts with Thumbnails