Sunday, 9 March 2014

還未過渡 Sweet Sixteen



今天去做運動時,左邊小腹輕微作痛,想起今早不算早起床,吃過“早餐”不久便去做運動,害怕太劇烈的話引起盲腸炎,於是放慢腳步。慢步了一會,發現其實是肌肉拉緊那種痛,才想起,這與盲腸炎並無關係,而是應該因為從大概兩星期前開始,無論那天有沒有做步行運動,都會做瑜加教那些收腹或 sit up 運動,早兩天和朋友 H 談起這個。。。

H:妳一日做幾多下?

S:由 15 下開始。。。

H:唔夠喎,我以前做成 100 下。。。冇都起碼做幾十下,分 3 set 做,每 set 十零廿下,休息一陣再做。。。

S:唔係化,做 15 下我已經想死,做 L 話成隻腳提起果種的話,我地都覺得 5 下都好難!我諗住做得到就每日加一下。。。

H:咁都得嘅,做多啲就得架啦。。。

S:哈哈,日日加,個零兩個月之後咪會加都幾十下囉,不過,我做咗成兩個禮拜都只係做 15 下,連加一下都好辛苦呀。。。

H:哈哈,加加加,話唔定你有日做到 100 下呢!

S:唔駛咁多囉。。。

想起這個,於是 S 又加快腳步,如常繼續,今天天氣清涼,沒有陽光又沒有雨,更沒有霧霾或煙霞,從九龍也可清楚看見港島山頂的凌宵閣,美景之下做運動,醒神!

雖然消耗和汗水都不算多,回到家裡冲了個熱水花灑浴,再寫完這個才去吃下午茶,人生樂事!

晚一點繼續收腹 workout,看看可否順利過渡至 Sweet sixteen16下)!

2 comments:

Josh said...

哈哈哈...,盲腸炎係因為食完嘢做運動而引起,只係都市傳說。實情係,盲腸炎原因多數係慢性,例如:腸內糞石堵塞盲腸口,而非一時三刻「突然」發生。
不過,完餐後劇烈運動,都會影響血液循環,可能因為咁引起胃痛、腹痛,都唔係冇可能架。

S said...

Josh,哈哈,原來如此!謝謝告知 ^_^

Related Posts with Thumbnails