Saturday, 5 April 2014

星期三不宜睇醫生?


被折磨咗幾個星期,剛過去嘅周末,雖然依然飲緊苦茶,但算係咳少咗好多,開始好返,重喺 facebook 上載咗一幅自己覺得見得吓人嘅近照,向各方好友報告一吓近況。


點知星期二晚,唔舒服嘅症狀變種,持續到星期三朝早,但又唔係太嚴重,一心諗住再去公司附近(即係最近睇咗兩次果位吉叔)中醫睇多一次,於是如常返工丶如常 attend 早上九點準時開嘅部門例會,會後唔舒服嘅程度有惡化跡象,於是立刻張羅睇醫生嘅事。。。

由於吉叔好多人睇,S 先打電話到替佢派“籌”嘅藥材鋪掛號,點知對方問 S 究竟睇過吉叔未!?何解,皆因吉叔每逢星期三丶四同“紅日”(星期日及公眾假期)都放假嘅!

哦,係喎!

咁唯有返屋企附近睇開果位西醫啦,S 記得佢星期三下晝放假,但 play safe check check 醫生張咭片,好彩 check check 至動身,原來呢位醫生星期三都係全日休息。。。又冇得睇!

於是,唯有問吓同事們有冇好介紹?有,同事喺公司附近果間私家醫院睇開果位門診醫生幾好,於是替 S 打電話到醫院掛號,點知答案係,醫生星期三日頭放假,最快要夜晚 700 至有得睇!

好啦,又試吓打去 M 睇過嘅專科,希望醫生有時間比 S walk-in。。。救命,答案又係醫生星期三早上放假,下晝雖然開診但 booking 已經 full 晒,冇時間睇 S

Last resort 終於諗到,去返 S 之前睇開果位在九龍區嘅中醫,原本因為身體唔舒服,唔想舟車勞動過太子睇醫生,結果冇辦法,因為睇過或覺得信得過嘅醫生只有呢位中醫冇放假,最後約到放工時間去睇病!

攪完一大輪,好彩有去睇醫生,皆因返到屋企藥都未煲好,就想暈!

又再飲咗三日苦茶,今日雖然重有少少咳,但其他狀況已經大為好轉。

祝大家周末愉快!


 

No comments:

Related Posts with Thumbnails