Thursday, 24 April 2014

繼續放假玩焗爐


老朋友送咗台焗爐比 S,趁着仍然放大假,尋日“嗱嗱淋”試試個爐,萬一有乜唔 work,可以快快換過另一台,因為,老朋友有好多部呀,如果要換就要趁快!

S 喺香港冇用過焗爐煮食,即係,已經好耐丶好耐,耐到唔記得幾耐冇焗過野食,於是,先揀啲簡單野嚟試試,例如唔駛量度份量丶又無需攪太多調味嘅野食。

Okay,首選雞奕,次選金菇牛肉卷。。。


Well,雞奕係買已經 seasoned 好嘅蜜味,簡單又快捷,雖然第一次用個爐,有一兩隻個邊燶咗啲啲,但啲皮好脆,好好味呀,以後唔駛食 pizza hut 嘅雞奕了!

金菇牛肉卷,功夫多少少,但放假有時間慢慢卷,重係親子好節目添,雖然製成品有幾條啲賣相怪怪地,太肥大(好彩唔係 S 卷嘅,M 要多加練習了),但一樣好味!由於唔係太識預份量,多咗成 10 條,由於少食多滋味而且焗好即食特別正,留返今日再接再勵繼續焗!

同場加映,得兩碟餸唔夠食,炒埋碟洋蔥豬扒。。。yummy

No comments:

Related Posts with Thumbnails