Sunday, 18 May 2014

約會應該 AA 制還是女生付錢?


原來 22 年前的今天,是 S 的偶像陳百強昏迷被送進醫院的一天,此刻最想聽他與林憶蓮合唱的「我要等的正是你」,送給下文提到的港女們,浪漫,是這樣的。。。



最近從網讀到,話說有港女在"",覺得拍拖 5 年的男朋友冇經濟能力,有可能買樓都要女家出首期。之後討論申延至,"約會應該 AA 制定男生比錢"?

S 睇完個標題,已經冇興趣睇內容,只覺得,問呢個問題嘅港女,如果結果結唔成婚,又或者最終離婚,或尋找唔到伴侶,真係自己攞嚟。

首先,個問題本身就有問題,“約會應該 AA 定男方比錢?”已經假設咗,甚至 exclude 咗女生比錢嘅可能性!

S 唔知邊度學返嚟,從小到大都唔覺得男生追 S 係要出晒錢,尤其是學生時代,可以有幾多錢追女仔吖,正常人都諗到啦!而且,可能 S 比較天真,真係相信浪漫係唔駛錢嘅,所以,"收貴種禮物""嫁個有錢人"呢兩點,並不在 S 選男朋友或結婚對象的要求之內。

第二,也許 S 比較有性格,借用王廸詩所講,唔需要男朋友有錢,因為錢,S 自己識搵!講出來似乎有點"",但只有係咁,至唔會被牽住走,亦唔會令金錢呢個因素影響關係。而且,要有幾多錢至算"有錢"?根本冇準則,知足常樂,想拍拖開心,其實真係唔駛幾多錢,咁,邊個比錢其實有乜問題呢?

第三,如果喺一段關係裡面,首先考慮嘅係呢個人會唔會比錢,而唔係自己有幾鍾意呢個人,你根本就唔會有幾鍾意佢啦!!真係鍾意一個人,係解釋唔到嘅,唔理佢有錢定冇錢,你都會日思夜想,心裡面只記掛住佢,如果你未試過,S 肯定,你未試過真正鍾意一個人。面前令你只會想“邊個比錢”嘅人,並唔係你最想找的那一位,即係話無論佢會唔會幫你比錢,根本唔係重點。

第四,如果個男生真係鍾意你,無論佢幾窮,都會想辦法請下你,咁如果你都鍾意佢,應該收貨啦,做啲大家能力負擔得起嘅野,盡量自己出返一份,如果你都鐘意對方,冇理由想佢太辛苦嘅,大家開心,關係自然會長久。

最後,如果發現男生其實付擔得起,但都唔想替你找數,即係話緊比你知,佢都猶疑緊,你係咪佢嘅 Miss Right 囉!

除非你想遇上係人都請丶以錢買關係嘅人!如果唔係,邊個比錢,So What!?

S 呢篇,一定得罪所有抱負係"嫁個有錢人"嘅港女,只不過,S 只是在自己小宇宙發表個人的無聊小想法,如有不同意見,S 絕對專重,但請留意此部落格並非討論區,謝謝閱讀!


去年今日:無論黎棟國點講,別喝太多就是了!
. 

4 comments:

新鮮人 said...

作為男性,
我舉腳贊成你。
不過以生物理論來講,
女性都偏向尋找一個"強壯"的伴侶,
而金錢就其中一項主要環節,
雖然現代女人可以搵錢比男人多,
但錢多女人可以自己用,
很少會養返全家,
就算個女人願意,
男方都會自悲,
分手收場。

不過我完全同意相方相愛,
食飯誰出錢這些雞毛蒜皮不用計,
只要雙方巾默就好了,
可是女人揀男人終歸要睇佢有無潛力,
今日窮無問題,
但最終唔可以成世褲穿窿架,
更無理由要女人養啦,
係咪? :)

Desertfox said...

我妈跟我说,30多年前我爸追我妈的时候,五百块一顿午饭都请过我妈吃。(30多年前的五百块很多的啦),哪会知道结婚之后到30年后的今天都再没有吃过五百块一顿的午饭或晚饭。

S said...

新鮮人,其實的自己寫完,也知道只是從女生角度出發,沒有從男人角度寫,一來因為的不是男生,二來涉及的範圍太大,並非一篇可以覆蓋。其實你說的好有道理,這也是今時今日為何那麼多‘三高’中女的原因,如何令男方不自悲,這個除了他們個人的心理質素之外,還涉及兩個人如何相處,真正相愛和有其同目標建設家庭的,一定可以 overcome。說實的,今時今日香港生活指數之高,男的就算有本事,女的也好難只是賺錢買花帶!女的在金錢上付出相同甚至更高比例,S 身邊朋友比比皆是,甚至女家出首期或樓,或男方全職照顧家庭,都有。但男方沒有變成自悲,因為 contribution 在另一些女方做不到的 area。我相信,隨着文化改變,會多些人可以接受。

S said...

Desertfox,哈哈,那一定是結婚之後,你爸的錢都變成你媽的錢,而你媽的錢仍然是她的,所以無需再由你爸爸請客了:-P

Related Posts with Thumbnails